الاثنين، 8 أغسطس 2011

العيب انك تبقى غلطان وتكابر


العيب انك تبقى غلطان وتكابر



شعار اسلامية اسلامية ... شعار خان الامانة.... وشق الصف.... وفتت الامه ... واثار الفتنة وجرح مشاعر الاخوة المسيحين ... واضاع مصر ... واعطى الذريعة للامريكان انا يجهزوا مندوبا ساميا للشرق الاوسط لحماية شئون الاقليات فى مصر .... واشتغلت الاله الاعلامية يامعلم .... حكومية من اللى واخدة على بوس ايدين ورجلين اى حاكم او اشباة حاكم ... وبين القنوات الخاصة اللى اصحابها يقولوا الصبح عيب ياجماعة احترموا الشهر الكريم وخلوا الوطن ياخد نفسة ... وباليل قناته تسخن الناس وتجيب ما هو اسوأ من الاسوأيانى ... وازاى تقول اسلامية ... والاسلام دة مش حاجة كويسة لانه مابيوافقش على المواطنة ... ومدنية الدوله هية اللى حتطورنا وتخلينا نرجع نبنى الاهرامات زى زمان ... وحتخلينا نعمل مشروع هرم على كل ناصية ....

وقعدت شغلت نظرية المؤامرة وسألت هوة ليه الاسلاميين بيتحاربوا كدة ... ومين اللى بيحارب بالشراسة دى ؟ وتوصلت الى الاجابة ....انها السبوبة ياولدى .... اللقمة الطرية اللى من غير تعب .... حتة البقلاوة اللى متغمسة بشهد الشهرة وعسل الاضواء ... الاسلاميين والاسلام بيتحاربوا :

علشان مخرج الوضاعة والجنس والعرى ... لو جة التيار الاسلامى مش حيسمح له يعمل السفالة دى.... وهوه ياولداه مابيعرفش يعمل غير كدة .

علشان الممثلة اللى لاتملك سوى المقعدة حتقعد فى البيت .

علشان مافيا النيو لوك وفرد الكرياتين ووشم الحواجب ونفخ المفسى ... مش حيلاقى زبون .

علشان كتاب الشواذ وسب الرسول مش حيلاقوا حد يطبع لهم ويوزع لهم .

علشان توتو الكوافير وميمى الاستايلست حيرجعوا تانى حلاق رجالى .. ورفا .

علشان كباريهات شارع الهرم والخمس نجوم مش حتلاقى حد يدخلها .

علشان الرقصات مش حتقدر تطلع فى التليقزيون وتقول دا شرف لابنى ان امه رقاصة .

علشان ينى مش حيقدر يجدد رخصة الخمارة .

علشان شاهى وشادى مش حيطلعوا المقطم بعد التراويح ويرجعوا كرسى العربية لورا وهاتك يا تسبيح.

طاب اللى بيعمل الحاجات اللى فاتت دى ... ماشى حقة انه يعارض ويشتم الاسلاميين .. بيدافع عن سبوبته ... حقة محدش يقدر يلومة ... ماهو عض قلبى ولا تعض رغيفى ....

السؤال بقى : اللى مابيعملش الحاجات اللى فاتت دى ... وعندة اخت وبنت وزوجة وام بيراعى حرمتهم ... بيعارض ليه ؟

فكر وجاوب ... وعلى فكرة .. مش عيب ان الواحد يغلط ... العيب على رأى الحاج الله يديلة الصحة ...انك تعرف انك غلطان وتكابر .

ملحوظة :

بلاش خيابة .... وسذاجة ... محدش يقدر يقف قدام الحق... محدش يقدر يقف قدام ربنا ... ومن لم يكن له من اشهار افلاس امريكا واعظ... فلن تنفعة المواعظ .

هناك 7 تعليقات:

  1. هو حضرتك اخوان؟
    والله انا شايفه ان هما اللى خلوا نفسهم فزاعه زى مارديت على واحده قبل كده بتقول هو ليه اصحاب الجلباب القصيره فزاعه قلتلها من يوم مامسكوا رشاش يموتوا فى الناس ولا انت ايه رأيك

    ردحذف
  2. العزيزة فافى :
    عموما انا لا اخوان ولا سلفى ولاجماعة ولا اى تصنيف ... انا مسلم معتز بدينى وبمنهج ربنا وبرسولى ... وقلقان على بناتى وخايف على بلدى .. وشايف ان الاشتراكية وقعت والراسمالية وقعت والحرية مش معناها قلة ادب وسفاله ... وان المسلم اللى عندة اخلاق ومبادئ وقيم ومنهج هوه اللى بيعمر الارض بشرط انه يكون عملة لله مش لامرة ينكحها ولا سبوبه ينحتها ... انا مع الدقن لو اللى جوة زى اللى برة ...مع الاخوان لو حيصلحوا حالنا بس الاكيد الاكيد انى مش الحرية المطلقة اللى عايزين يجرجرونا ليها .. وان كان ولابد يبقى نار السلفيين لو اعتبرناها نار يعنى ... ارحم مليون مرة من جنة المدنية المزعومة

    ردحذف
  3. و ماله الاسلام الوسطي تحت مظلة الازهر ....
    سوال لو سمحت : مين الممثلة اللي هتعد في البيت ؟؟؟

    ردحذف
  4. غير معروف :
    احنا فى رمضان يا عفريت..... عيب

    ردحذف
  5. ثقافة الهزيمة .. مغامرات البقرة الضاحكة

    ما قصة لوسي أرتين؟
    ـ لوسي أرتين كانت علي علاقة بالرئيس مبارك والعلاقة بدأت عن طريق زكريا عزمي وجمال عبدالعزيز، و كان فيه رجل أعمال مشهور بيحب يعرف مبارك علي فتيات من دول شرق أوروبا وحسين سالم كان متولي دول غرب أوروبا.

    هل قصر الرئاسة كان يدار بهذه الطريقة؟
    - القصر كان يدار بالسفالة والأسافين والنقار والقمار والنسوان وقلة الأدب ودا كل اللي كان شغلهم ومصلحة البلد بعدين .

    هي سوزان كانت بتحس بالغلط اللي كان بيعمله الرئيس؟
    - هي كانت مقهورة من اللي بتشوفه والنسوان داخلة طالعة قدامها واللي جايين من أوروبا الشرقية وأوروبا الغربية ومش قادرة تتكلم وبتبكي علي طول بسبب اللي بتشوفه وأحيانا كنت بأصبرها وأقولها مصر مافيهاش غير سيدة أولي واحدة، بس بعدها قرر الرئيس أن ينقل جلساته الخاصة في شرم الشيخ وبرج العرب .

    ھل تزوج علیھا؟
    -لا ھو مش محتاج یتجوز .. البركة في زكریا عزمي وجمال عبدالعزیز. ...

    باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى

    www.ouregypt.us

    ردحذف
  6. غير معروف :
    وياترى سوزانهية كمان ماكنتش بتنتقم لكرامتها وبتعمل زى ماهوه بيعمل ... مش عارف بالتحديد قصدك اية ... نميمة ولا غيبة ولاقذف ...ولاخيال جامح .. عموما منك لله يا حسنى ضيعت عقول ونفوس شعب مصر

    ردحذف
  7. جايدا العزيزى :
    كل سنة وانت طيبة وسعيدة وفرحانة ومحققة كل اللى بتتمنية

    ردحذف