الثلاثاء، 6 سبتمبر، 2011

قريبا .... حصريا .... الجماهرية المصرية

قريبا .... حصريا .... الجماهرية المصرية

لما النخبة تكون سيكو ... لما الساسة يكونوا سيكو ... لما الاعلاميين يكونوا سيكو .. لما الوزراء يكونو سيكو .. لما موظفين الحكومة يكونوا سيكو .. لما البلطجية يكونوا سيكو.. لما الفنانين والمثقفين والمفكرين يكونوا سيكو .... لما اساتذة الجامعة والعلماء المحليين يكونوا سيكو... لما ستات البيوت يكونوا سيكوا.... لما شباب 6 ابريل و3 مارس و14 اغسطس ز30 فبراير يكونوا سيكو ....لما كل دول يكونوا سيكوا ......وكمان كدابين ... يبقى قريبا جدا ... كومنج سون ... حصريا على شاشه مصر ..... اسم بلدنا الجديد حيبقى : الجماهرية المصرية الاشتراكية الليبراليه الاخوانية السلفية المسيحية المليونية ....

قال ويطلع يقولك انا متفاءل بان مصر حتبقى احسن من ابويا .... يا اخى العزيز دا مش تفاؤل ... دى امنيات ... لان التفاؤل لازم له مقدمات .... لكن الامنيات ... براحتك يا معلم اتخيل زى ما انت عايز ....سيكو بقى

هناك 4 تعليقات:

  1. لما الناس كلها تبقى سيكو وسيكوا
    صدقني تبقى مصر تستاهل تكون سيكو وسيكوا
    لأن ربنا اسمه العدل
    واللي معندوش أمل وحلم مصمم انه يوصل له ربنا يكمل له ازاي؟
    كنا في كوسة .. من حقنا نحلم بزوال دولة الكوسة وننادي بدولة عدالة اجتماعية
    كنا في رشوة .. من حقنا نمنع دولة الرشوة وننادي بدولة قانون علي وعليك وعلى ابن رئيس الجمهورية وانت على كل ظاااااالم يارب
    كنا في دولة التطبيل والراقصات .. من حقنا نعلي دولة العلم ونطالب بتحسين حال المعلم والعالم والبحث العلمي والكل كليلة
    كنا في دولة فين ثروتك ياأمه .. بيهربوا ثروتك يا أمه .. بيمنعوا مشاريع القمح في ارضك يا أمه .. بيقهروا النوبي والسيناوي والمصري جوا أرضك يا أمه

    حضرتك ها تقول لي النداء والأحلام لازم لها
    أرضية
    وخطة
    ودراسة

    اقول لك تعمل ده كله ازاي قبل زوال دولة ظلم تمنعك تماما - وانت ادرى مني - من مجرد الحلم
    دوائر فساد حوالين السلطة تشجعها على الفساد بس بمعرفتها .. ننصص احبك وتبقى صاحبي وكفاءة وعضو حزب وعضو مجلس شعب
    تحاول تسرق لوحدك اجيب رجلك لأنك حرامي زيك وماسكك من رقبتك

    د. اسلام
    انا من كتر الهم تقريبا مش برد في مدونات
    بس حضرتك غالي جدا
    انا مش اعرفك من يوم ولا شهر
    اظن تجاوزت المعرفة سنة
    وأقرأ لك وعارفة بكلم مين

    خليك مع الحلم حتى لو مكملش
    شجع الشرفاء حتى لو متعرفهومش
    اقول لك
    اكتب في معاني الشرف ذاته فالشرف لا يتغير
    انا معرفش 6 ابريل
    ولا 30 فبراير
    بس اللي اتهمهم لم يأتي عليهم بدليل
    والمواطن بريء حتى يثبت اللي عاوزين يرجعوه للخلف العكس
    ولم يثبتوا

    د. اسلام
    مش عيب نختلف
    ومش عيب تكون مصر
    مصرية
    اشتراكية
    ليبرالية
    اسلامية
    مسيحية
    مليونية
    الإختلاف طابع جبل الله عليه أبناء آدم
    على شرط
    لا نخون بعض بدون دليل
    ولا نسخر من بعض علشان مش ناقصين
    ولا نشتبك مع بعض خلينا انا وانت واللي جنبنا على اسرائيل وامريكا وكل الدول اللي جاي لها فسفس هستيري واقسموا بره وجوا ان مصر متكونش حرة

    مش شرط إننا ها نحقق حاجة
    واقول لك - رغم ان ده تشاؤم لا أدعو له - مش شرط حتى إن مصر لا تعود للوراء
    بس الحلم بالخير ونهاية الظلم والفساد حق لكل مواطن
    وأنا هذا المواطن إكس
    ها أحلم وها أشارك وها أنزل حتى لو مت مع إن اسرتي محتاجاني جدا
    ببساطة معندهومش بدالي حد ولا لهم بديل
    ولكن سأترك لهم الله ورسوله وأقول نيتي يارب وإنت عارفها
    اللي عاوز يهادن ويقول اللي موجودين بيصلحوا مصر يجيب لي دليل
    ومعندوش دليل
    فيه دليل مخدر
    ودليل صفقة مؤقتة لحد ما يدوسوا اصحاب الصفقات ويتفرغوا لهم
    وفيه دليل ان بس نتمكن منكم وها ندوقكم الذل يا كلاب ونمنع عنكم الهوا ويطلع فاسدين جداد باسماء جديدة متعرفوهاش
    بلاها مبارك نجيب ............
    بلاها عز نجيب ..............
    بلاها صحفيين زي سرايا ها نصنع .............
    بلاها مذيعين زي تامر أمين غيره موجود ............

    وتلاقي نفسك في دولة فقدت شهداء وجرحى ومفقودين منهم اطباء ومهندسين ومحامين ومحاسبين ودبلومات وناس غلابة مش لاقيين اللقمة
    وتكون دي كل بقايا دولة مصر الجديدة

    معرفش حكيت معاك ليه
    بس عارفة اني بحترمك جدا

    تحياتي

    ردحذف
  2. العزيزة جدا ستيتة :
    والله والله والله العظيم تلاتة انا مع الثورة ... ومع كل اللى قولتيه وبتقوليه ... النقطة الوحيدة ...اللى بانتع فيها من قبل الثورة .. هيه احنا ... المشكلة فينا احنا ... ولو فضلنا زى محنا حنجيب مليون مبارك ومليون عز ومليون جمال .. احنا اللى دايما نعمل اكثر الاشياء عبقرية ... وفى نفس الوقت ندمرها برضة بقمة العبقرية .... ما عرفش هل انا مش عارف اوصل وجهة نظرى ... ولا الثورة خلت الناس مش قادرة تشوف غير الثورة .... على فكرة ... انا نفسى مبارك ياخد اعدام ... بس لو خد براءة ماليش انى اتكلم واعمل مليونية ... حكم قضائى ... انا بحلم بمصر حلوة اقول فيها بعلو صوتى لو لم اكن مصريا لوددت ان اكون مصريا ... مش اقول لو لم اكن مصريا لحمدت الله ...انا قصدت باسم مصر الجديد ... ان احنا حنبقى ليبيا ... يانتقسم ولايات ...مش قصدى ان انا ضد الاختلاف
    اخيرا :
    مش مهم تعرفى انتى حكيتى معايا ليه ... المهم تعرفى انك تحكى معايا دة شرف كبير جدا ليا

    ردحذف
  3. حينما سار الفيلسوف ديجونيس في وضح النهار حاملا في يده مصباحا .. كان محقا حينما قال ... انني ابحث عن رجل ... هذا هو حال مصر الان ... النهار بين وزاعق فيها .. ولكن ينقصها عقل الفيلسوف وشجاعه الرجال ... ان الثوره بالنسبه للاغلبيه الساحقة حلم جميل .. ولكن الحالم لابد له من إفاقه حتي يملك تحقيق حلمه .. اما الاستمرار في الحلم الي الابد سوف يحوله الي هاجس مزعج ومؤلم ... ديجونيس قديماكان يبحث عن رجل ... اما انا فاخشي رجل ... قد يحولنا الي جماهيرية كما ذكرت .. نسال الله ان يوفقنا لما هو خير .... تحياتي لك في مرور أول .ان محقا حينما قال ... انني ابحث عن رجل ... هذا هو حال مصر الان ... النهار بين وزاعق فيها .. ولكن ينقصها عقل الفيلسوف وشجاعه الرجال ... ان الثوره بالنسبه للاغلبيه الساحقة حلم جميل .. ولكن الحالم لابد له من إفاقه حتي يملك تحقيق حلمه .. اما الاستمرار في الحلم الي الابد سوف يحوله الي هاجس مزعج ومؤلم ... ديجونيس قديماكان يبحث عن رجل ... اما انا فاخشي رجل ... قد يحولنا الي جماهيرية كما ذكرت .. نسال الله ان يوفقنا لما هو خير .... تحياتي لك في مرور أول .

    ردحذف
  4. اندروميدا:
    شرفت وانست المدونة ويارب دايما منورنى
    (الاستمرار في الحلم الي الابد سوف يحوله الي هاجس مزعج ومؤلم)
    هيه دى اللى كان قصدى بيها لما كتبت البوست.. ربنا يخليك يارب

    ردحذف