السبت، 19 مايو 2012

اوعى تنتخب شفيق


اوعى تنتخب شفيق

اوعى تنتخب شفيق ... شفيق فلول ... شفيق مابيعرفش فى الطيران ولا المطارات ... شفيق بيعمل دعاية فى اتوبيس مكشوف ... شفيق بيركب همر ويركن ياكل كشرى ... شفيق لو حد غيرة نجح حينزل التحرير .... شفيق استبن وصاحب صاحب مشروع النهضة ...شفيق بيكره صدام ... ويقول فيه شعر... شفيق بيقول على السادات باع الوطن ويقول يو شود ان احنا نعترف باسرائيل ... شفيق بيقعد ربع ساعة يتكلم وفى الاخر يجاوب على سؤال تانى ... شفيق شيعى وارهابى وكان بياخد الطيارة يتغدى مع بن لادن فى افغانستان ويرجع .... شفيق بيبوس ايد المرشد .... شفيق معهم معاهم عليهم عليهم ....شفيق وحش ماتنتخبوهوش .... شفيق ماعندهوش رؤية للى فاهم يعنى ايه رؤية ... شفيق ماعندهوش مبادىء .... شفيق بيغير كلامة على حسب نوع الجمهور ... صدقونى شفيق وحش وماينفعش يدير بلد .... اختاروا اى حد تانى كلهم حلوين كلهم اجدع من ابويا كلهم بيحبو مصر بيحبوها بجد وحيجيبوا منها عيال كمان ....
 اخيرا ....على راى شفيق ... بشويش بشويش بلاها رئاسة ... صدقنى ياسيادة الفريق .... اكسب لك ماحدش ينتخبك ... مش دة الشعب اللى يستاهل انك تحكمة .... يارب تنجح يامرسى ... يارب تنجح يامرسى ... يارب تنجح يامرسى ... يارب بعد ماتنجح كل ستات مصر يقولوا فى نفس واحد وا مرساة ... علشان ينقطع نفسك وانت بتلبى النداء ... طاب جزر ... جزر ... ولا انت مابتطلعش لرجالة .... 
 ياسيادة الفريق انا عارف انك مقاتل وان عمرك ما انسحبت ... بس عارف برضة انك قائد ناجح ... والقائد الناجح اللى مايدخلش الحرب ...
اه على فكرة حأنزل يوم الاربع ... واعلم صح على السلم ورقم تسعة ومش حأنتخب شفيق علشان شفيق وحش ... اوعى حد ينتخبه ياجماعة.

الجمعة، 18 مايو 2012

البداية من جديد حاجه حلوه ....... أو وحشة (1)


البداية من جديد حاجه حلوه ....... أو وحشة  (1)

بقالى 25 سنه وانا باطلع سلالم عم ماسلو .... درجه درجه ... دور دور .... وطبعا ماكانش فيه أى اسانسير ممكن اركبه.. او حتى كرسى بين كل دور والتانى علشان  اريح علية واخد نفسى ... طلعت دور الاكل والشرب .. وعديت على دور السكن والامان ... وتعبت جدا على ماوصلت لدور الجواز والعيال ... ونفسى اتقطع لغاية ماوصلت لدور المدير والهيلمان و عبدة سيطرة ... مع انى والله مدير طيب ... او انا شايف كدة ... واخيرا وصلت للدور الاخير .... دور الدماغ العاليه والبحث عن الذات وعبدة نصايح... عملت مدونات وقولت اراء ... وشاركت فى محاضرات ... قال ايه لرفع مستوى الشعب الفكرى والثقافى ..
وفجأه..... وبدون اى مقدمات .... وبدون سابق انذار ...وصل الى محل اقامه المدعو ... خطاب من مجلس المدينه يخبره فيه بضرورة اخلاء العقار المذكور ... لحين البت فى الترميم او الازاله وذلك حفاظا على الارواح والممتلكات.
وزى اسماعيل ياسين فى الطيران .... نزلت كر على سلالم عم ماسلو من السطح.... لبير السلم يامعلم .
طبعا خدت يومين استوعب فيهم القرار ... واتلقى سيول التعازى والدعوات بالستر .. وكله نصيب وربنا شايلك الاحسن ...وماتعملش فى نفسك كدة .. دا ربنا كبير .. وده مكتوب والمكتوب مامنوش هروب  .... حسيت ساعتها ....انى كافر وانى لازم اروح الازهر علشان اقول الشهادة .
بعد التعازى وجرعات الايمان والرضا بالمكتوب ...  بدأت سيول الفتاوى .... ماتسمعش الكلام ... او تسيب الشقة ... اعمل تظلم ... صاحب العمارة عامل كدة علشان يهدها ويطلع ببرج ... دا كلام فارغ ما ياما بيوت مشرّخة وبقالها سنين وعدت من الزلزال.
جبت الميزان بتاع الاخوان المسلمين ... طبعا صلحته الاول علشان انتوا عارفين انه مايل ... وخايب واهبل كمان ... غسلته كويس ... علشان انتوا سيد العارفين ان مكانه زيت وسمنه ورز .... ورحت حاطط العيال وامهم فى كفه.... ووقوع العمارة ولو بنسبة نص فى الميه فى الكفة التانية .... طبع مش عايزة كلام ..... كفة العيال وامهم هيه اللى طبت ..ماهى امهم لسه بدأه تعمل رجيم من يومين .
....وقررت البحث عن شقة....

الجمعة، 4 مايو 2012

صواريخ تورتة ...... مرطبة


صواريخ تورتة ...... مرطبة

احنا الشعب الوحيد اللى عنده قدرة الهيه فى انه يعرف ايه اللى حيحصل الشهر الجاى... ويتعامل معاه النهاردة ... ويتنصل منه بكرة .... ويدور على حد يشيله الليله بعد بكره .... وينساااااااااه بعد بعده .
احنا الشعب الوحيد اللى براه غير اللى جواه .... اللى بيلبس طرحة واسترتش ... اللى بيلبس جلابية قصيرة ودقن ويمسك سكينة علشان يقتل اخوه وبعد مايقتله ... يقف يصلى ويقول ساووا الصف اثابكم الله .
احنا الشعب الوحيد اللى بيعمل ديكتاتورة من العجوة ... يعبده ويسجد له وبعدين ياكله ... ويتعامل مع النوى على انه لبوس .
احنا الشعب الوحيد اللى مش عارف هوه عايز ايه ... ولما يعرف يزن على خراب عشه .
احنا الشعب الوحيد اللى بيعمل كل حاجة فى الدنيا غير انه يشتغل ... حق الله بيشتغل نفسه ويحب موت..... اللى يشتغله.
احنا الشعب الوحيد اللى مش مقدر قيمة بلده اللى عايش فيها ... لا ويحرقها بايدة ويدور على اى حد يشيله المسؤلية .
اوعى تصدق ...زى ماكنت انا عبيط ومصدق... ان هوه اللى حارب التتار والصليبين ... علشان اللى مش واخد بالك منه زى انا ماكنت مش واخد بالى منه ... ان اللى حارب التتار قطز وبيبرس اللى هما مش مصريين ....واللى حارب الصليبيين صلاح الدين اللى هوه مش مصرى ... واللى عمل فى مصر نهضة ... كان محمد على اللى برضه مش مصرى .
اوعى تصدق ان مصر منورة بأهلها ... الحقيقة ان مصر احسن واحلى واعظم واكبر من غير اهلها وان كان على النور ... فمش اكتر من نور صاروخ تورته بينطفى قبل حتى ماتولع اللى بعده.
سؤال :
يمكن ياجماعة اكون حمار حصاوى ومابفهمش ... بس الليله بتقول المجلس العسكرى يسلم السلطة و يمشى فى الميعاد .... طيب ماشى ... هوه الميعاد جه وهوه ممشاش ؟!!؟!!

الأربعاء، 2 مايو 2012

احمد شفيق رئيس مصر

احمد شفيق رئيس مصر

احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.....احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.....احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.....احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.....احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.....احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.....احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.....احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.....احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.....احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.....احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.....احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.....احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.....احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.........احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر.........احمد شفيق رئيس مصر... احمد شفيق رئيس مصر..... احمد شفيق رئيس مصر.....احمد شفيق رئيس مصر

تلغراف

تلغراف

السيد المحامى          : محمد حازم ابو اسماعيل
السيد الدكتور المرشد : محمد بديع
السيد الدكتور           : محمد الباردعى
السادة                    : شباب 6 ابريل 
السادة الكرام           : نخب مصر الفضائية

تحية طيبة وبعد 

روح ياشيخ منك ليه ........ الهى يخرب بيوتكوا قادر ياكريم ........ حسبى الله ونعم الوكيل

الثلاثاء، 1 مايو 2012

سؤالين وبس






١- اللى يعمل كدة فى المطار ممكن يعمل ايه فى مصر؟


٢- اللى يعمل كدة فى المطار ... ممكن يبقى فلول ؟