الأحد، 18 سبتمبر، 2011

كفاية كدة قوى

كفاية كدة قوى

علشان لحظات الهلوسة والجنون اللى احنا فيها زادت قوى ... وباخت ... ومسخت ... وعلشان بقينا كلنا ماسكين فى خناق بعض.... رغم اننا بنتكلم فى نفس الموضوع ولينا نفس الاهداف والمبادئ الحاكمة .... وعلشان اكتشفت انى بحكم على حاجات من غير ما اعرف عنها حاجة ... وكل معلوماتى باجيبها من الفضائيات والفيس بوك ... الفيس بيه بوك ...علشان محدش يزعل ....وعلشان بقت الدنيا مش اكتر من جدل وهلفطة ولت وعجن ومافيش خبيز ... قررت انى انهى مهزله الكلام .... وانهى دور المدونة السياسى .... دا طبعا على اساس انى سياسى مخضرم من ايام حزب مصر الفتاة.... ومن اللى جاى ... ستصبح المدونة انسانية ... اجتماعية .... ولعلى بذلك اكون قد ساهمت بشئ فى بناء مصر ... وهذا اقرار منى بذلك .

هناك 5 تعليقات:

  1. ربنا يوفقك يارب ، جميل انه الواحد يغير من طبيعة كتاباته بحيث تكون متنوعة مابين السياسة والأدب والاجتماعيات ..

    بالتوفيق ..

    دمت بخير وطاب مساؤك .

    ردحذف
  2. وهج البنفسج :
    شكرا على تعليقك ... ومساء الفل عليكى

    ردحذف
  3. معلش
    لسا مؤمنه برغم التخبط دا
    هنكون احسن انشاءلله
    امين يارب

    ردحذف
  4. سونى :
    اكيد حنكون احسن ... بس لو ركزنا فى العمل مش فى الكلام ...ولسه الامانى ممكنة .... امين يارب العالمين

    ردحذف
  5. GO A HEAD ..... WITH BEST WISHES

    ردحذف