الاثنين، 25 يونيو، 2012

لا يحمد علي مكروه سواه


لا يحمد علي مكروه سواه

الكذب عقيدتنا .. والمراوغة دستورنا .. والحكم غاية امانينا  .. تلك هي الحقيقة .. وليذهب الشعب الى الجحيم .. وليذهب الوطن الى الجحيم .. ولنحيا حياة النعيم .. افرح يا شعب بخيبة املك .. انبسط وهزر على الفيس بوك واشتم في العسكري ما هو ده اخرك .. جاهل .. منافق .. كذاب .. مرائي .. ياللا البس الجلابية القصيرة ..وصلى فى المسجد الاخوانى ... وانت طالع ماتنساش تاكل حق اخوك ... حجب او خمر اونقب المدام ... وماتنساش تاخد المزة على الطريق الدائرى علشان تحفظها سورة يوسف  .... جوز بتك ذات الاثنى عشر ربيع ومتنساش تجيب فى الجهاز سى ديهات توم وجيرى ...افرح ياشعب ووفر فيزا السعودية وحج للمقطم وملس بكفك على المقر ...ومتنساش توطى تبوس ايد المرشد ... يمكن ... يمكن يرضى عنك ويديك صك الغفران .... افرح ياشعب وشغل شبابك فى مشاريع النهضة ... شغلهم فى توكيلات السواك والمسك وحبة البركة ... شغلهم فى توكيلات بيع شرايط عذاب القبر ... يا اخى بلا ادويه بلا سلاح بلا تكنولوجيا .... افرح ياشعب وهيص واسهر فى الميدان ... افرح واهتف الله اكبر ولله الحمد .... افرح واعمل كارنية الحرية والندامة ... وانا كمان حأفرح ... حأفرح فيك ...لان الايام حتوريك ... حتوريك انك حتخسر الدنيا .... وحيزوغوا منك فى الاخرة ويقولوا لك انى برىء منك ... احنا بنخاف رب العالمين ....
مبروك ياسيادة الفرق ... والله العظيم فرحت من قلبى ... ربنا بيحبك علشان ماتوفقتش فى الانتخابات ... دا شعب بيحب الحيوانات الضاحكة .... خلص من البقرة الضاحكة ...علشان يجيب الجاموسة الضاحكة ... شعب اختار العيوطة علشان يفضل طول عمرة يلطم ...
ربنا نجدك ياباشا ....
واخيرا : لو لم اكن مصريا ..... لحمدت الله كثيرا .... ولاننى مصرى ... فلا املك سوى ان احمد الله .... فلا يحمد على مكروه سواه

هناك تعليق واحد:

  1. جامد كالعادة بس هو سيادة الفريق مش الفرق وكفاية سواد لانه احيانا تفرح الفريسة بالحبل اللى بتخنق بيه نفسها بس ده بياخد وقت شوية بس ماتخفش لان الخنق مش بيطول حسب فرح الفريسة بيه وغرورها وزهوها وعجبها بنفسها-المسرحية الكوميدية بدأت نقعد أنا وأنت نتفرج علشلن حنضحك من قلبنا للصبح (بكره نقعد جنب الحيطة ونسمع الزيطة)-خسارتك يامصر بجد لان الكل حيدفع فاتورة الغباء حتى اللى ماشتروش-انا لله وانا اليه راجعون-حبشى

    ردحذف