هٌوة احنا غلابة ولا عٌبط
اشترى بدلة نضيفة او أجرها ....لمع الجزمة ...واحلق عند جولدن فينجر واضرب الجيل ....وعدى على اى مدير قناة فضائية...اومذيعة ...او مٌعد ...اوحتى ريجيسير ....وظبط معاة تطلع فى برنامج ....واختار موضوع ...اى موضوع !!! واعمل حاجة من اتنين يا تكشكشها قوى يا تعرضها زيادة عن اللزوم يعنى يا تقول حرام والدين بيرفض ....يا تقول فكوها وسيبوا الناس تعمل اللى هية عايزاة .....وياريت تختار موضوع فى الدين ...وياسلام بقى لو اخترت موضوع عن الجنس ولا الشذوذ ....فلة يا معلم ....ومتنساش شوية حاجات كدةحتنفعك وتزود السبوبة ....اول حاجة اختار الصفة اللى حتتحط على الشريط ...عندك شوية حاجات اختار منها اللى يعجبك ....عندك استشارى وطنى ...خبير دولى ...محاضر عالمى ....فلة مالتى ناشيونال .....روش اخر حاجة ....تانى حاجة خلى المذيعة او المذيع اللى حيقدمك ....يقول على الشهادات اللى خدتها من اكسفورد.... ونورث كارولينا ...ويوكوهاما ...داغير الخمستاشر دبلومة والستة ماجستير ....الاربع دكتورهات .... وياسيدى اللى مش مصدق يروح اكسفورد ولا يوكوهاما يسأل فى الارشيف .... وطبعا مش حقولك .... لما الكاميرا تيجى عليك اتكسف كدة واتواضع ....وابدا بقى وسخن وشعلل زى مانت عايز ...وكل ما تهلفط زيادة وتسخن وتشعلل ...السبوبة حتزيد ...ماهى الاتصالات حتزيد..... والمداخلات حتزيد ..والفاصل ونواصل حتزيد ...والاعلانات حتزيد ....بس نصيحة بسرعة حلقتين تلاتة ورا بعض على كام ندوة كدة على الماشى ....علشان احنا بنزهق بسرعة .....نصيحة كمان حب لاخيك ما تحب لنفسك ....الهط وسيب غيرك يلهط ......ماتنساش ان فية طابور من المستشارين والمحاضرين والمبدعين اللى قاعدين على قهوة الانتاج الاعلامى مستنين السبوبة ..... وتحيا مصر ويحيا شعب مصر الغلبان ال......طيب ويكتر يارب مستشارية وخبراءة ومحاضرية
رحت لابويا وانا مذهول قولت له يابا : الكلب ركب الجمل
رد بهدوء غاظنى : ماهو يابنى الحق علية نخ لية
وحشتونى
هههههههههههه
ردحذفتصدق رد باباك عجبني اوي!!
اقولك
تحيا مصرر
:))))))))
طيب انا كمان باجي بالعافيه البلوج الايام دي
ردحذفما صدقتش لما شوفت عندك بوست جديد
حمد الله على السلامه اولا ونورت البلوج
وبالنسبه لموضوع الاعلام الحقيقه انا دايما لما اشوف الناس دي اقول زي حضرتك تمام
رزق الهبل على المجانين
وكمان باردد عبارة لصديق عزيز
الاعلام الفاسد الموجود حاليا ما بيدخلش فى حاجه الا ويبوظها
دين طب علم اي حاجه كل باظ
والناس البساط الى علمهم على اده
تلاقي بتقولك بكل ثقه ده قاااااالوها فى التلفزيون على اساس ان ده اخر ما توصل اليه العلم يعنى
تحياتي لحضرتك واحنا نستحق فعلااااااااا
والله حضرتك اللى وحشتنا يادكتور
ردحذفايه الغيبه دى كلها بس؟
اما عن البوست بقى فانا مكبره دماغى ومش باتفرج على ال t.v
حلوه الثقافه دى
تعرف تتكلم لغات كده؟
ههههههههههههه
نورت البلوج كله والله
شكرا ياهاجر على مرورك وعلى فكرة الحاج عندة من دة كتير واتفقت ابقى استلف منة
ردحذفصبرنى اية بوست التكاتك دة الله ينور
ردحذفعاشقة الرومانسية الله ينور لك حياتك ويكفيكى شر الفضائيات ويكملك بعقلك
ردحذفاهلا اهلا يادكتور
ردحذفوالله ليك وحشة كبيرة وكلنا فى الهوا سوا
بس ربنا يبعد عنك يارب سبب غيابى انا
المهم ان الفضائيات وضيوفها اللى اصبحوا من كل حدب ونسل اصبحوا عاملين زى حاجة كدة
سمك لبن تمر هندى
عودا حميدا وتحياتى
زعلانة منك وكل دودة ودودة في قلبي قد الحنش
ردحذفنسيت أحدث واخر لقب في السوق
العالم الروحاني
اه والله
طلع لي فلوط ظريف وقالت له الموووووووووذيعة يعني ايه عالم روحاني ؟
قال لها عالم من علم الله
وروحاني من الروحانيات
يعني انا محدش بيعلمني العلم ده
ده انا بتتنزل على جنود من ربنا
قالت له ومين زباينك
قال "خد بالك"
الإكس إكس إكس لارج في مجتمعنا العربي
ورزق الجزم القديمة بيجي لأيدهم من الحرامية الحيتان التقال
نورت بلوج سبوت اجين اند اجين
ام مالك نورتينى وشرفتينى وحمد الله على السلامة
ردحذفستيتة اهلا بيكى دة تطور النصب بقى اسرع من سرعة الضوء على رأى توفيق الدقن استرها يارب استرها ياكريم
ردحذفنورت البلوج يا دكتور
ردحذفانا كمان الحمد لله معدتش بتفرج على التليفزيون
اصل ضغطي بقى بيعلى كل ما اتفرج عليه فقلت صحتى أهم
ههههههههههههههههه
احنا مبقيناش بلد شهادات
احنا بقينا بلد ألقاب الوقتي ومظاهر
وعلى رايك اللى مش مصدق يبقى يروح يوكوهاما يسأل
نورت البلوج يادكتور
ردحذفانا كنت فاكره انا لوحدى اللى غايبة
بجد وحشتنى بوستاتك العسولة
انا كمان منضمة لمقاطعى التى في
كله نصب في نصب وكذب في كذب
حكمة باباك تساوى ذهب يادكتور الحق فعلا على الجمل