الأربعاء، 19 يناير، 2011

مجموعة ولع فى نفسك

مجموعة ولع فى نفسك

تتشرف شركة مصر هيه امى للخدمات والتكنولوجيا ... ان تقدم عرضها المميز لسنة 2011

يوجد لدينا جميع انواع البنزين ال 80 و 90 و 92 و 95 وكذلك السولار والجاز العادى والجاز الوسخ والسبرتو الاحمر من اكبر شركات البترول العالمية...كما يسعدنا ان نقدم تشكيله رائعة من الكبريت الباكستانى ... مع مفاجأة الموسم ... الولاعة الصينى ام روحين وكشاف ... علشان لو عين ماولعتش التانية تشتغل على طول ... اما الكشاف فينفع لو عايز تولع فى نفسك فى الضلمة ... ونتشرف بافتتاح ركن الاطفاء بعد التجديدات ونقدم جميع مواد الاطفاء القديمة والحديثة ... ابتداء من البطاطين وحتى الرغاوى فى علب سهلة لفتح ... كما تعلن الشركة انها على استعداد تام للتصوير السينمائى والفيديو والعرض على اليوتيوب والفيس بوك وتويتر ... ومن احدث خدمات الشركة ... داتا بيز على سى دى فيها جميع تليفونات المراسلين الاجانب والمصريين وبرامج التوك شو لزوم التسييح ... والمفاجأة الكبيرة ... عند شراءك مجموعة ولع فى نفسك تاخد فتوى هدية :

فى حاله وفاتك متأثرا بالحروق ...............نضمن لك ان تكون شهيدا .............

خد قرارك وسيب الباقى علينا

مع تحيات شركة مصر هية امى ...

العنوان : شارع خيبة الامل راكبه جمل ... من ميدان غطينى وصوتى

ت : 0900

توجد امكانية الدفع بالفيزا

هناك 5 تعليقات:

  1. هههههه

    طيب كويس

    وبقيت سهلة جدا حكاية الحرق دى

    عقبال كده ما يجيبوا بوتقة كبيرة للحرق الجماعى علشان نقدر نوفر

    علشان نقدر نحرق 80 مليون مصرى :)

    وميكلفوناش كتير :)

    ردحذف
  2. هههههههههههههههههه جااااامدة

    ردحذف
  3. هههههههههه
    جميله قوي
    برغم مرارة المحتوي
    بس حضرتك حطيته في قالب كوميدي زي العسل
    صحيح شر البليه ما يضحك
    تحياتي

    ردحذف
  4. وكم ذا بمصر من المضحكات ولكنه ضحك كالبكا

    ردحذف
  5. هههههههههههههههههه هم يبكى وهم يضحك

    ردحذف