الثلاثاء، 31 مايو 2011

شلح واجرى

شلح واجرى

ستى الله يرحمها كانت تقول البلد اللى محدش يعرفك فيها شلح واجرى فيها .... مثل بلدى يحتاج لدراسة عميقة .... هل معناه ان المجتمع بيكبت الرغبة فى التشليح ... ولا معناه ان البنى ادم بطبعة مشلحاتى بس عامل نفسة محترم ومستنى فرصة يشلح فيها.... ولا مفهوم التشليح بيختلف من بلد لاخر ... ولا التشليح دة حاجة عيبة فى حد ذاته وعشان كدة المجتمع اللى ليه قيم ومبادئ مابيسمحش بيه ...واذا كان المجتمع عندة قيم بتقول ان عيب ان البت تبات فى الشارع للصبح لوحدها ... خصوصا ان مافيش سراير فحتضطر تنام على الرصيف .... يبقى دة مجتمع متخلف واحنا لازم نغير القيم العبيطة دى ...ولا لازم نحترم القيم دى ونرسخها بدل مانهدها لغاية ماتتهد على دماغ ابونا ....ولا ندافع على باطل ونقول : وايه يعنى لما البت تبات فى الشارع على الرصيف لوحدها!!... ايه مافيش حقوق انسان ولا ايه ؟احنا فى عصر الحرية احنا فى ثورة...

على فكرة الكلب .. الكلب ابو ديل ده ... اللى بيقعد يهبهب ... ويطلع لسانه ويلهث ... مابيسمحش لاى كلب تانى يقرب من كلبته ... يكله كدة اكل ... هه الكلب عندة نخوه ... خدها منى ... انا بيطرى وعارف بقول ايه .... شوية نخوة يا عالم ... ينهار اسود ومنيل وصل بينا الحال ان احنا نتمنى نبقى زى الكلاب ... شوية نخوة يارجاله ...شوية عقل فكروا ومتكرروش كلام لمجرد انه جاى من منظمات حقوقيه ... حقوقيه على نفسهم .... على ما اعتقد ان البنات والستات السويات ....هه السويات ...حيوافقوا على كلامى قبل الرجاله اللى عندهم نخوه ...هه اللى عندهم نخوه .....

( مجروحين قوى انهم كشفوا على عذريتهم ... دا لو كانوا كشفوا عليها فعلا ... وبابا واخويا مش مجروحين فى نخوتهم لما يسيبوا بناتهم نايمين فى الشارع وسط اغراب) على رأى الشاعر : من يَهْنْ يَسْهُلُ الهَوَانُ عليْه مَا لِجُرْحٍ بِمَيِّتٍ إيــــلامُ

لا سلف ولا اخوان : العزة فى طاعة الله .... العزة فى طاعة الله ... وربنا يهدك يا حمزاوى انت ومرشحة الرئاسة وايناس وخالد وكل اللى زيكم قادر يا كريم

هناك 5 تعليقات:

  1. ربنا يهديك و أنت بتشتم في الناس كده و تتهم الناس في شرفهممن غير دليل و تذكر قول الله تعالى " يا أيها اللذين آمنوا أجتنبوا كثيرا من الظن إن بعض الظن أثم"

    ربنا يهديك

    ردحذف
  2. العزيز عمرو
    ممكن تقرأ البوست تانى ... بس على مهلك المرة دى ... اكيد مش حتلاقى اى اتهام لاحد فى شرفة .... ولو فيه ياريت تقول لى عليه علشان اتدارك الامر ...واشيله واعتذر ...وبرضةتذكر قول الله تعالى " يا أيها اللذين آمنوا أجتنبوا كثيرا من الظن إن بعض الظن أثم"

    ردحذف
  3. العزيز عمرو
    انا اللى قريت البوست تانى ... على ما عتقد انك تقصد .. جملة نايمين مع اغراب .... لا والله ما قصدت اللى انت فهمته ... وحصلحها حخليها نايمين وسط اغراب ... اعتذر لسوء الفهم وشكرا على التنبية

    ردحذف
  4. أتهام الفتيات اللي شاركوا في الاعتصامات و المظاهرات في شرفهم بشكل ضمني في جملتك ( مجروحين قوى انهم كشفوا على عذريتهم ... دا لو كانوا كشفوا عليها فعلا ... وبابا واخويا مش مجروحين فى نخوتهم لما يسيبوا بناتهم نايمين فى الشارع مع اغراب) واضحة جدا مافيهاش لبس !!!!!!

    ردحذف
  5. العزيز عمرو
    اشيل الجمله دى وارتاح .... والله اللى قصدته ... بالمجروحين هو كل من يهاجم الجيش ..ويدافع عن طرف دون اخر ...وليس الفتيات المكشوف عليهم ...
    وجمله دا لو كانوا كشفوا عليهم اصلا ... لان بصراحة انا بقيت اشك فى اى خبر اى كان مصدرة والا انت مش معايا
    اما كلمة مع اغراب ... انا صلحتها وشرحتها فى الرد السابق
    رابعا انا سعيد جدا بالحوار دة لانه اثبت حاجة واحدة بس .... ان احنا لازم نسمع بعض علشان نفهم بعض مش علشان نرد على بعض وخلاص ... والله اللى حصل دة ممكن يكون دراسة حاله يعرضوها على مؤتمر الوفاق ولا الاتفاق اللى بعملوه دة... سعيد بمرورك

    ردحذف