لو انت مصرى على حق كنت قولت لقطر العياط لأ...لو انت مصرى على حق ماتقولش للتوريث لأ...... لو انت مصرى على حق قول للحرية لأ....لو انت مصرى على حق ماتقولش لقانون الطوارىء لأ......لوانت مصرى على حق قول للحجاب لأ....وماتقولش للمنى جيب لأ...قول للكرامة لأ....وماتقولش للتطبيع لأ....قول للتصدير لأ.... وماتقولش للصينى لأ....قول للعلم لأ....وماتقولش للجهل لأ....قول للدين لأ....وماتقولش للفيديو سليب لأ.....قول للمعارضة لأ ....وماتقولش للحزب الوطنى لأ....قول لاعدام هشام طلعت مصطفى لأ.....وماتقولش لبراءة تامر حسنى لأ.....قول للعفه لأ....وماتقولش للتحرش لأ.....قول للأمانة لا ....وماتقولش للرشوة لأ....قول للجواز لأ ....وماتقولش للعرفى لأ....قول للشغل لأ....وماتقولش للبطالة لأ...قول للنخوة لأ....وماتقولش للجينز والبدى لأ....قول للتكنولوجيا لأ....وماتقولش للاب توب لأ....وعلشان تبقى مصرى على حق ......حق حق ...لازم تهتف وتقول بالروح بالدم نفديك ياباشا ......وانشالله نموت ولا نروح فى ستين داهية .....بس ولى النعم يعيش ويتهنى ...وياخد قروض ويتمنى واللى يقع منة يوكلنا ....واهرشى لى يامه فى ضهرى
بيان رقم تسعين مليون وتلتماية وتلتاشر
قررنا نحن الناس اللى عارفة كل حاجة ....ان نبلغ الناس اللى مش عارفه مصلحتها ....انه نتيجة للدراسات والاستشارات المستفيضة للنهوض بمصرنا الغالية قررنا ماهو ات:
تم تغيير اسم مصرنا الحبيبة من جمهورية مصر العربية الى جمهورية مصر للامراض العقلية
ولو انت مصرى على حق اوعى تقول لأ
نقول لا ؟؟
ردحذفهاو كام
امراض عقليه ونفسيه وعصبيه وحياتك
وفوق البيعه امراض مزمنه ومتوطنه وخبيثه وكل حااااااااااجه
حسبي الله ونعم الوكيل
وحياتك يا دكتور اسلام بلاش المراره دي احسن ما بتسبشي حلقي الله يخربيوتهم
ونقول لأ ليه ؟
ردحذفاحنا هانقول اه ومليون اه كمان
حرام عليك يادكتور البوست جامد اوى علينا
واحنا مش ناقصين نحس بالمرارة زى ما صبرنى قالت
مساء الخير
ردحذفاول زياره للمدونه الجامده جدا
طيب ممكن نقول نوووووووووو
بوست كارثه متكلمه
*تحياتي
والله انا جاية اسلم عليك
ردحذفواطمن على اخبارك
الاقى الحاجات الجامدة ديه
ياه دى اللاءات كترت قوى يادكتور
تحياتى