على حد علمى اعتقد ان احنا البلد الوحيد اللى عندة اسامى مثنى ...يعنى محمدين ...حسنين....حمدين ...عوضين ...خموسين ..ودة الاسم اللى لسة سامعة قريب ...ومعناة خميس وخميس ...هية زمان كانت اسامى ...بس الظاهر انها بقت افعال ...عموما انا مابحبش التعميم ...بس من اللى شايفة اقدر اقول انا نفسى بقيت اسلامين ...واللى حوالية ...اشرفين ...وايهابين ...وهشامين ...حتى بتى الصغيرة ...بقت روانين ...كلنا بقينا اتنين ..ورغم ان احنا اتنين بس عايشيين مع بعض مبسوطين ...مش زعلانين ...لابنتعارك ولابنتخاصم ...مع اننا يا اخى عكس بعض خالص....شوف مثلا خموسين ...خميس الاولانى اشتراكى بوليتارى ..وخميس التانى راسمالى امبريالى ...خميس الاولانى عندة تلاتين سنة ...خميس التانى على وشة كرمشة واحد فى التمانين...خميس الاولانى بيحب اللمة والافراح والهيصة ...خميس التانى حابس نفسة فى البيت وعندة اكتئاب ....خميس الاولانى جزمتة مقطعة ...خميس التانى ماسك موبيل نوكيا تاتش من ابو الفين جنية ...خميس الاولانى بيستحمل ويصبر ويكتم ...خميس التانى لوحد لمسة فى الاوتوبيس يصرخ ويصوت ويسب...خميس الاولانى ذكى وعبقرى وطموح ...خميس التانى غبى وبليد وكسلان ...خميس الاولانى يسمع درس الشيخ فى الجامع وهوه طالع يبوس ايدة ... خميس التانى بيطلع على المسرح يرقص مع الرقاصة وينقطها ...بس مش فى ايديها ....خميس الاولانى لسانة بينقط سكر ...خميس التانى كل كلمة وراها شتيمة ..خميس الاولانى بيحب مصر للنخاع ...خميس التانى بيشرط كرسى القطر بالموس ....خميس الاولانى بيسمع كلام الحكومة ...خميس التانى بيكره الحكومة عمى ...خميس الاولانى مايستغناش عن مراته ...خميس التانى بيحلم يتجوز هيفاء وهبى ولو يوم واحد ...
كلنا بقينا خموسين ...نسخن لدرجة الغليان وفجأة نبرد لدرجة صفر ...ولا اجدع بسترة ..وغطينى يامة وصوتى ...بس ماتنسيش بعد ماتخلصى صويت ..تصبغى شعرك وتتمكيجى وتروحى النادى
من حديقة مستشفى المعمورة للامراض النفسية والعقلية
اكتوبر 2009
(العيد السادس الثلاثون)
و نقول اووووووووووووول تعلييييييييييق
ردحذفيااااااااااااااااااااه
أخيرا أخيرا أخيرا
ردحذفحجزت أول تعليق بعد غيااااااااب
كل سنة و حضرتك طيب
ردحذفو فعلا الشعب المصرى دا بأحس انه بيعانى انفصام فى الشخصية
حالته عجيبة بجد
فعلا اتنين عايشين مع بعض
و بيختلفوا تمام الاختلاف
بس اللى مخليهم عايشين مع بعض كدا
انهم مايعرفوش حاجة عن بعض !!!!
ياللا ... ربنا يهدى
دمت بكل خير
والله كلامك مظبوط
ردحذفانا نفسي ستيتين
وبنتي مانوستين
والواد احمد احمدين
وحسبو حسبوللين
وياصلاة الزين يا صلاة الزين لما د. اسلام يبدع ياصلاة الزين
احجز لي جنبك سرير
يابختك ياعم
ماشية معاك يا سيدي
يعني لما تدخل المستشفى تروح المعمورة بجمالها؟
"حتى المرض في بلدنا بيتحسد يا سيدي" ههههههههههههههههههههه
صباح الخير يا دكتور اسلام
ردحذفاخيرا اطمنا عليك يادكتور
وبعدين هو اللى بيتاخر بيرجع بموضوعات حلوة كدا ؟
تصدق انا كتير بحس انى ريمين
عندك حق جدا وكلامك كله جميل وبيحصل كتير اوى وبنشوفه كل يوم
مش تتأخر تانى وتقلقنا ومش تحرمنا من موضوعاتك الحلوة
كل سنة وحضرتك طيب وكل 6 اكتوبر وحضرتك بخير
يعنى نعمل ايه
ردحذفنلم المدونين ونيجى نقف مظاهره قدام بيتكم ولا ايه
انت بتروح فين
بالنسبه لموضوع خموسين
والله انا نفسي ابقى كده مش عارفه
بتهيئلي والله اعلم ان دي مشكلتى فى الحياه انى مش عارفه ابقى كده
تصدق برضه هى تعتبر رااااااحه انه يبقى عندك واحد استبن
يمكن كان الواحد بقى اريح من كدددددددددده
تحياتي لحضرتك وما تغيبش كددددددده تاني احسن هاناخد اجراءات تانيه
خميسين ...وجمعتين ومحمدين وحسنين....
ردحذفوفيه جمالات ...وعدالات...وعنايات.
المثني من الأٍٍسماء و نجد لهم حلول ...
الجمع لهم حل ...