حتة رخام
1967 – 1977 ماكنش فاهم ايه اللى بيحصل
1977 – 1987 كان بيحاول يفهم ايه اللى بيحصل
1987 – 1997 كان فاكر انه فهم ايه اللى بيحصل
1997 – 2007 كان بيقنع اللى حواليه انه فاهم ايه اللى بيحصل
2007 – 2017 كان بيفهم اللى حواليه اللى فاهمه فى اللى بيحصل
2017 – 2027 كان اللى حواليه مش عايزينه يفهمهم اللى فاهمه فى اللى بيحصل
2027 وثانية بدأ يفهم اللى المفروض كان يفهمه فى اللى بيحصل
حتة رخام بيضا 40*40 محفور عليها:
هنا يرقد جثمان
العبيط
1967 - 2027
مساء الخير
ردحذفده اللي مات
لكن اللي عايش بيشوروا عليه ويقولوا العبيط اهو اهو
تحياتي
ممكن نكون كلنا هذا العبيط ؟؟
ردحذفلا بص بقى ثالث مره اكتب التعليق والنت يقطع ويضيع
ردحذفلو ضاع ده هاجي لحد عندك اقولك التعليق واروح وخلاص ايه ددددددددده
المهم
هو حضرتك دي بشرى يعنى اننا هانفضل نهاتي من قلبنا لحد ما نوصل لحتة الرخامه
موشكرين يعنى
بس هو انا احب اضيف ان حتى يمكن ما نلاقيش رخامه كمان
ولا حتى يفتكروا يقولوا علينا عبط
ده غير انى معترفه اصلا انى عبيطه وهبله كمااااااان
عااااااااااااادي
الله يرحمه
ردحذفتعب نفسه على الفاضي
حلوة اوى فكرة البوست
دايما افكارك مختلفة يادكتور
الله يرحمه حي وميت
ردحذفكده كده يفهم ازاي ومفيش حد إلا بيلففه حوالين نفسه
هو مفروض كان يتكتب على قبره وقبورنا كلنا
"كان طور داير في ساقية .. كان طور في البرسيم بتاع الهوا"