ت ترتت تا مصر
البوست دة مش مترتب ...بأكتب فية اللى بيجى على بالى ...رتبوة انتوا بقى ...اوماترتبهوش ...عادى
فى حياة كل مصرى وهم كبير اسمه القومية العربية ...ووهم اكبر اسمة الاشقاء العرب ...ووهم اكبر واكبر اسمه الشقيقة الكبرى مصر ... او مش وهم ...عادى
نداء الى كل المصريين ...برجاء البحث عن كلمات الكرامة.. العزة ...الشرف ... الرجولة .. النخوة ...حيث ان هذة الكلمات قد تم فقدها منذ حوالى ثلاثين عاما فى غفلة من الزمن ...ومن يجدها يتصل ب0900 ولة جائزة عظيمة ...وهى وضع صورتة فى متحف التاريخ ....او فى البيت عنده ...عادى
اما تروح اى بلد فى الدنيا ...دايما تلاقى حد يقولك ورينى فيزة الاقامة ...على اساس انك ضيف والبلد مش بلدك ....لكن احلى حاجة بقى فى مصر ان محدش بيقولك فين فيزة الاقامة ....مع ان زيارتنا طولت قوى يااخى ....اوما طولتش ..عادى
طلعت فى دماغى اعمل فيها بيرم التونسى ...هيه كيميا ...شوية كلام ...لية نفسة النهاية ...وفية شوية سجع ...يبقى شعر... وان حد اعترض سمية زجل ... وان مانفعش قول شعر حر ....وان باظط خالص قول خواطر ...او ماتقولش حاجة ...عادى ماهيه دى مصر يا هبلة
الاوله م
الثانية ص
الثالثة ر
الاوله م ... ومين يقوللى ايه جرى لينا
الثانية ص...والصبر يأس من صبره علينا
الثالثه ر ...وربنا مش حيغير اللى بينا
الاوله م ... ومين يقوللى ايه جرى لينا ...بعد ما كنا رجاله
الثانية ص...والصبر يأس من صبره علينا ... علشان نرجع رجاله
الثالثه ر ...وربنا مش حيغير اللى بينا ...الا لو بقينا رجاله
الاوله م ... ومين يقوللى ايه جرى لينا ...بعد ما كنا رجاله ...بنحارب ونبنى بعزه ومهارة
الثانية ص...والصبر يأس من صبره علينا ... علشان نرجع رجاله...ونفهم بقى اصل العبارة
الثالثه ر ...وربنا مش حيغير اللى بينا ...الا لو بقينا رجاله ....ننصر دينه ونحارب اشكال الدعارة
ياللا باى بينا موبيلات اومش بينا عادى
حلو قوي السجع ده
ردحذفوخاصة بعد ما كنا رجالة دي
احنا نعيش زمن المسسسسسسسسسسسسسسسخ
وهو الإنسان إيه غير شوية كرامة على عزة نفس على تقدير فوق بعض
اظن ده يقول ليه احنا "بعد ما كنا رجالة" بقينا مسخ
ايه ده ؟؟
ردحذفخيااااااااااااااانه
نيو لوك من ورايا
انت عينت حد غيري فى الدعايا والاعلان ولا ايه
وبعدين امته الكلام ده انا كنت لسه هنا من شويه
وبعدين مسافة ما عملت ساين ان ورجعت لقيت ستيته سبقتنى
ايه ده كل ده يحصل من ورايا
بالنوسبه للبوست
اهو قولي بقى احنا بقينا ايه
حد يقولي بقينا ايييييييييه
عايزين ايه وبنعمل ايه وعايشين ليه ؟؟؟؟؟؟؟؟؟
مبروك النيو لوك الشيك
ازيك يا دكتور
ردحذفالف مبروك النيو لوك الجديد
عاجبانى الساعة اوى اوى
الكرامة.. العزة ...الشرف ... الرجولة... النخوة
فضلت ادور على معنى الكلمات دى بس للاسف مش لئيتها
هو صحيح يعنى ايه الكلمات دى ؟
والله حزينة على حالنا اوى يادكتور
بس ايه الشعر والسجع الحلو اوى دا
عند حضرتك حق في كل كلمة قلتها او مش قلتها ..عادى