رحلة فى دماغ بنى ادم(6)
أبو احمد
أبو احمد
ابو احمد بعد ماخلص صلاة الجمعة اشترى الاهرام ورجع على البيت ...قعد على كرسى الصالون اللى جنب الشباك ..نادى على ام احمد علشان تعمله فنجان قهوة .....قعد يقلب فى الجرنال لغاية ماوصل لصفحة الوفيات ...عينة وقعت على اسم رئيس مجلس ادارة الشركة اللى كان شغال فيها قبل مايطلع على المعاش ...مصدقش... رجع بعنية تانى ...ايوة...دا مكتوب المغفور له باذن الله ...يبقى مات ...لا حول ولا قوة الابالله ...الراجل دة كان ابن حلال دا هوة اللى رقانى وخلانى رئيس قطاع ...مع انى كنت اصغر واحد فى الشركة ... بس كنت كفاءة ... ايامها الموظفين كانوا مولعين منى ...مانا ماعنديش عزيز فى الشغل ...وياما قالوا علية ...بس ماكنش بيهمنى ...مشيت الشغل وخليت الشركة تعمل ارباح محدش قادر يعملها لغاية دلوقتى ...يعنى كنت خد حاجة من الارباح دى؟ ...فى الاخر يادوب المعاش مكفينى ...وحتى مش عارف اجوز الواد الصغير ...هية كدة اخرة خدمة الغز علقة ...دا انا ياما عملت للشركة ...عطيتها عمرى ...كنت واخد كل حاجة على صدرى ...كنت شايلها على راسى ولا اكنها ورث ابويا ...كنت مسئول عن كل حاجة ...الاستيراد والتصدير والمشتريات والمبيعات والموظفين... حتى الفراشين اللى كانوا بيزوغوا ويعملوا خط سير ...وخصوصا الزفت اللى اسمة سيد ...واد حلنجى بس على مين ...انا فاكر لما دخلت المكتب ولقيت علية كوم تراب ...مانضفهوش الجزمة ...رحت مزعق بعلو صوتى ...انت يا واد يازفت ياللى اسمك سيد.............
.....فاق ابو احمد على صوت ام احمد وهية بتقول له.....سيد مين ياحاج اللى بتندة علية ....ابو احمد بصلها وسكت ....قالت له القهوة ياحاج ....خد منها القهوة ومنطقش بس قعد يبص لها ....قالت له : مالك يا حاج فية حاجة ...خير يا خويا ...قالها :لا لا ولاحاجة ومسك الجرنال وكان على صفحة الفن ...شاف صورة سمية الخشاب ....بص فيها قوى وبعدين بص لام احمد ورجع بص تانى لصورة سمية الخشاب وقالها : روحى...... روحى ياحاجة حضرى لنا الغدا
مش ممكننننن
ردحذفعسل عسل عسل بجد
الحاج ابو احمد يعنى
بيفكرني ب بابا اووووووووي
وكلمة اخرة خدمة الغز علقه دي فضل سنتين بعد المعاش يقولها كل ما يقبض المعاش قصدي يصرفه سيان الاثنين فى يوم واحد يعنى
وعلى فكره ابويا معجب بسميه الخشاب برضه
ههههههههههههههههههههه
بس هناك فرق بابا ما بيخليش ماما تعمله القهوه هو الى عنده مزاااااااج يعمل القهوه ويعمل حسابي كمان اشرب معاه
تحياتي لك بجد بجد ما اعرفش بتعيشهم ازاي العقول التانيه
بافكر اعمل انا رحله فى دماغ تحضرتك بقى واستكشف
ازيك يا دكتور اسلام
ردحذفاخبارك ايه
مودك عامل ايه
كنت حاسه ان بئالك فتره مدايق من كل حاجة بتحصل زي اغلبنا الفترة دى
انا بحب اوى رحلاتك في دماغ البنى ادميين
بتوصف بجد حلو اوى وكانك في نفس الموقف ومتفقة اوى مع صبرنى في الموضوع دا
بس انا زعلانة من ابو احمد
كدا يبص على سمية خشاب مش ياخد باله من الحاجة اللى قاعدة تعمله قهوة دى ويسيبه بئا من الحاجات دى
صبرنى
ردحذفدايما بترفعى من روحى المعدنية ....بالمناسبة ماانصحكيش تعملى رحلة فى دماغى ....لانك حتلاقى امواج هائجةو رياح عاتية واعاصير وعواصف وحترجعى من الرحلة ...على مستشفى المعمورةللامراض العقلية فى حالة ميئوس منها ...خصوصا ان عندك استعداد وكل الحكاية انك مستنية الفرصة ...ولو انها فرصة ليه الاقى حد يسلينى هناك
ريم
ردحذفماحنا قولنا يا ست الكل ...يموت الراجل وتستستيرونة بيلعب ....ولوكان عندة ميت سنة ...اعزروة يا بنات مش بايدة والله ...وبعدين ادولوة فرصة يحلم ...حتى الحلم مستكترينة علية
شكرا لتعليقاتك الجميلة