الأحد، 10 يناير، 2010

مى وآسر فضلوا اصحاب

مى وآسر فضلوا اصحاب

آسر بعد مافك خطوبتة ...ومى قالت له خلينا صحاب ....شاف بنت الحلال واتجوزها ..وبعدية بشهرين مى كمان اتجوزت ...البنت اللى اتجوزها آسر كانت جميلة ...جميلة فى كل حاجة ...شكل وروح وتعليم ....كمان جوز مى كان جميل فى كل حاجة ...رجولة وشهامة وعلم وثقافة ...الغريب ان الاربعة كانوا متفقين انهم يبقوا كلاس ...فرى ...حضارة....آسر اقنع مراته...اوهيه عملت انها مقتنعة ...بأن مى صديقة واخت فى الدراسة ...وعادى يعنى نتكلم ونحكى ونتقابل ...اخوات اخوات ...مى هية كمان اقنعت جوزها انه يخنق نخوته بحبل التحضر والفرى ..ويقتنع بأن آسر صديق واخ فى الدراسة ...وان الموبيلات والماسجات والمقابلات دى مابتدعداش حدود الاخوة عادى يعنى ....مرات آسر وجوز مى كانوا فاكرين ان الموضوع حيبقى عادى ..بس البنى آدم اية ياخوانا غير شوية دم واعصاب ...دا البنى آدم هه....والمجتمع وان كان عامل نفسة كلاس وفرى هوة كمان...بس ماكنش بالع الموضوع ..وماصدق يلاقى لبانة ..واية بالنعناع كمان ...بدأت مرات آسر تتلكك وتتخانق وتنكد علية ...وجوز مى هوة كمان بدأ يحس ان حبل التحضر بيحز على نخوتة كل مايشوف آسر ومى بيتكلموا مع بعض ...رغم انه عارف انهم اخوات فى الدراسة وانهم مايجوزوش لبعض ...دا طبعا غير كلام الناس وتلميحاتهم المكتومة وشوية شوية مرات آسر الجميلة فى الشكل والروح والتعليم ماستحملتش ...اتطلقت من آسر ...وعلى آخر لحظة جوز مى لحق نخوته قبل ماتفطس وفك حبل التحضر وطلق مى ...مى وآسر بقوا متطلقين ...وكمان مابقوش صحاب ...ماهو من غير مايقولوا لبعض ...كل واحد فيهم حمل التانى مسؤلية اللى حصل له ...خسروا الجوازة وكمان خسروا الصداقة والاخوة فى الدراسة

والى اللقاء فى الحلقة الثانية

هناك 3 تعليقات:

  1. حرام عليك شوف لينا نهاية تانية هذه النهاية سوداوية جدا وليس فيها رابح الكل خاسر

    ردحذف
  2. عاوزة اسئلك سؤال
    هو اصحاب آسر الرجالة او بمعنى ادق الشباب ها يفضلوا معاه على نفس درجة الصداقة بعد الجواز؟
    حسب التجارب الحياتية
    لا اصدقاء آسر الرجال ولا صديقات مي البنات ها يفضلوا في حياة كليهما بنفس درجة القرب ونفس درجة التأثير
    كل منا كان له رفقاء وفرقتنا دروب الحياة المتشعبة مع بقاء القلب على نفس درجة الوفاء والإخلاص والنجدة عند الحاجة


    السيناريو اللي تخيلته غير واقعي
    مش علشان هما شاب وفتاة
    لأ علشان مفيش حاجة كده غير عند بتوع بورتو السخنة والتجمع "ومش كلهم كمان"
    ودي شريحة متنفعش تكتب قصة متكاملة

    تحياتي

    ردحذف
  3. اه معاك انا لحد ما كل واحد فيهم اتجوز غير التاني

    وضغط على الطرف التاني وعيشه دور الاخوات فى الدراسه

    لكن الى بعد كده بقى

    انا بقى شايفه ان مش حكاية النخوه والغيره بس
    لا
    الفكره ان الكبلز الجداد مافيش بينهم وبين بعض الى كان بين مي وآسر

    والمقارنات دايما معقوده غصب عنهم

    وعلى جميع الاصعده

    بمعنى

    آسر بيقارن بين مي وعلاقته بها وبين ومراته

    مي هى كمان بتقارن بين آسر وعلاتهابه وبين جوزها

    ومرات آسر بتقارن هى كمان بين مي وبينها هى شخصيا

    وبالتالي نفس الموقف جوز مي

    الواحده احيانا ما تتحملش فكرة ان صديق جوزها الراجل اقربله منها تخيلوا لما تكون كمان الصديق ده ست

    والعكس طبعا

    الموضوع معقد فعلا مش بالبساطه دي

    بس السؤال تفتكر بقى هايفكروا فى بعض تاني بعد ما اطلقوا ولا لا ؟؟؟

    وتفتكر فعلا هما محملين بعض مشاكلهم وفشلهم ؟؟؟

    مش عارفه

    الاحتمال بتاعك موجع موحش مرعب يا دوك

    هاجيب مي نفسها تقراه

    ردحذف