الأربعاء، 14 أبريل، 2010

احنا اسفين ياصلاح

احنا أسفين يا صلاح

عناوين الاخبار النهاردة مش مريحانى :

مصر تستعيد أصبع اخناتون من سويسرا بعد اكثر من قرن.(ليه دلوقت)

مجلس الوزراء يوافق على تعديل قانون التوقيت الصيفى.(ليه عايزينها ضلمه)

الرئيس مبارك يرأس اجتماعا وزاريا بشرم الشيخ غدا.( ليه مستعجل )

يارب اكون فاهم غلط . وعموما انا مش من مؤيدى البرادعى ....هه....تانى ... انا مش من مؤيدى البرادعى..... ومن قبل الصوبع مايرجع

هناك 10 تعليقات:

  1. انا والله نفسي افهم هو البرادعي مرشح نفسه لتكون مؤيد او معارض له انا اللي اعرفه انه بالدستور الحالي لايمكنه اصلا الترشح ولابد من تعديل الدستور ليتمكن من ذلك ومع ذلك الكل يتحدث عنه وكأنه مرشح رسمي ياريت لو كلامي غلط تفهمني

    ردحذف
  2. طيب هو فين بقي بقيه اخناتون نفسو؟؟؟؟؟؟؟؟؟
    سوال يفرض نفسو:)

    ردحذف
  3. خواطر شابه
    كلامك صح ومنطقى وعقلانى ....بس هيه دى مصر ياخواطر
    فيها ميزه انك تعيشى فى العالم الافتراضى

    ردحذف
  4. ازيك يا دكتور

    انا عاجبنى جدا تعلق خواطر
    ليه الكل بيتعامل على ان البرادعى فعلا رشح نفسه خلاص ؟

    وبعدين مش المفروض اصبع اخناتون دا مسروق منذ اكثر من قرن
    طيب مش في فوايد كان يرجعوه ايد حتى

    ردحذف
  5. أخبار مفبركة عشان ندوش نفسينا بها

    ردحذف
  6. سأل الممكن المستحيل : أين تقيم ؟ فأجابه في أحلام العاجز

    ردحذف
  7. هو اصلا عنواين الاخبار مش مريحاني على طول

    تحس ان فى استهبال دايما فى المنطقه واحس انى الوحيده الى مش فاهمه حاجه والعالم كلها بتلف وتدور عشان تقنعني بحاجه مش صح

    وعليه باقوم هزه دماغي كده واقول ماشي اياكش تولع
    بيهم طبعا بينا احنا لا

    انا مش من مؤيدى حد خالص
    اي قرد بصديري يطلع يقف ويوافق على تغيير الدستور بحيث اقدر ارشح نفسي
    وبحيث اقدر كل ست سنين اقول رايي فى الغضنفر الى قاعد فوق
    انا مستعده انتخب ابو صديري
    وبعد الست سنين نتفاهم

    ردحذف
  8. السلام عليكم و رحمة الله و بركاته
    معلش شوية شوية علينا...
    أولا ميييييين صلاح .... صلاح الدين مثلا
    و بعدين ايه علاقة الأخبار دى ببعضها و ايه علاقتها بالبرادعى...
    بالنسبة للبرادعى ...انا هستخدم نفس طريقتك و اقولك انى حاسس ان البرادعى هيطلع فى الآخر رشدى مش البرادعى ....و لنا عودة فى التعليق بعد ردك
    بارك الله فيك
    تحياتى و احترامى

    ردحذف
  9. احنا متاسفين ياصلاح ...دا تعبير كان بيقوله عمرو عبد الجليل فى فيلم توشكى
    د على:
    اربط بقى الاخبار مع الاعلان بتاع توشكى حتعرف ان احنا بق و بس ... وان ممكن يتعمل فينا حاجات كتيرة ...شرعيه وغير شرعيه ... واحنا غلطنا فى صلاح كتير واستغلينا فرصه عدم وجودة ولخبطنا ...فانا عن نفسى من عند ربنا كدة ...مابأيدش البردعى ولاغيرة ...كله الا ال......... بس بجد انافعلا مابايدش البرادعى مش علشان خايف ولا حاجه لاسمح الله

    ردحذف