بأحلف بسماها وبتربها ...........لأخربها
الدايرة اللى انا عايش فيها بياخدو منها اتنين لمجلس الشعب ...واحد فئات وواحد ياعمال يافلاحين...دا على اساس ان دلوقت فيه عمال لابسه العفريته الزرقا وماسكه فى ايديها مفتاح الانابيب وبتبنى مصر ....ولا اصلا بقى فيه فلاحين بتصحى الفجر تسرح الغيط علشان تزرع الدهب الابيض طويل التيله ... وللى مايعرفش احسن وقت بيبنى عليه الفلاحين بيوتهم على الارض الزراعيه ...هوه موسم الانتخابات ... حاكم الحكومه بيجيلها رمد حبيبى فى موسم الانتخابات مابتشوفش كويس المبانى وهيه طالعه على وش الارض الزراعيه ...مش ده اللى عايز اتكلم فيه ....اللى عايز اتكلم فيه ان الزفه بدأت بدرى ... عديت اليفط..... لقيتهم اتنين وستين واحد وواحده مرشحين نفسهم .... ايوه مالستات بقى لهم مقعد دلوقت شوفتوا احنا بنتطور ازاى.... طبعا كلهم مترشحين من اجلنا ...كلهم منا وبنا ... كلهم عايزين يغيروا ....كلهم بيحبوا مصر ....كلهم حيخدمونا ويبوسوا ايدينا ... ويعدوا علينا كل يوم باليل يشوفونا عايزين اى حاجه ولا لأ ...وقبل ما ننام يطرقعولنا صوابعنا ....
لو شوفتوا اسماء واشكال وتاريخ المرشحين ...تعرفوا ان الموضوع مافيهوش مصر خالص ...ولا تغيير ولا من اجلنا ولا صوابع ولا بدنجان...الموضوع ليه بعد تالت ورابع وخامس ....ياعالم ياهوه ...ياعالم حرام عليكوا الضرب فى الميت حرام ...مصر ماتت وعفنت والدود كلها خلاص ....مش هاين عليكوا تسيبوا لنا شوية العضم .... ولا لازم تطحنوه هوه كمان ....
نصيحه لوجه الله :
.... ظبطوا.... وسستموا ...وارشوا ...واعملو اللى فى نفسكوا فيه ....واخربوها على الاخر .... بس اعرفوا يوم ما البلد دى حتخرب ......حتخرب عليكوا قبلنا..... الهى يخرب بيوتكوا
اسلام
ردحذفما يتنافسوش ليه ويقتلوا بعض على الكرسى اللى حيخليهم يهبروا بلا حدود .........
يسرقوا بلا حساب.........
يسافروا ويدلعوا ويتنيلوا يتعالجوا لو ربنا اصابهم بداء ببلاش...
انت مندهش ليه يا دكتور
خليك فى نقاءك واحلامك
خليك اجنى الحسرة كل يوم وكل ساعة على نفسك وناسك وارضك
بس اوعى تحلم ببكرة
لانهم خلاص سودوووووووووووووووووه على كل شريف
القدر وانا :
ردحذفاول مرة اشوف لهجه الاستسلام دى ... اصحى فوق اوعى تسلم قاوم باللى تقدر تعمله ان شالله بتغميضه عين ...بس استسلام لا ...احباط لا ...اكتئاب لا ....ماشى
انت عارف حضرتك ان الشخصيات دي مقصود وجودها
ردحذفالى هو انت لما تبص للناس المرشحين تقول ما كلهم انيل من بعض
والله ما انا منتخب
هو ده القصد والنيه لعملك
وممنوع منعا بتا ان حد نضيف الناس ممكن تتلم حواليه يظهر على الساحه
مره جالي ورقه ترشيحات الاخوان للمجلس المحلي
الحقيقه فاتهم يحطوا صورة رجب (مشرف موقف الارياف رسميا وبلطجي المنطقه فعليا )
نفس السياسه الرخيصه دبت فيهم اتفقوا مع بعض سبونا ندخل باي شروط
طب ادخلوا وانتم بهايم طيب ماشي بهايم بهايم بس نعيش
انت زعلان من القدر وانا انها مستسلمه ويائسه
امال انت فاكر ايه حال الناس كلها
حتى احنا الى بنهاتي وبنقول ونقول ونقول
فى النهايه النتيجه الفعليه اننا مستسلمين
حاجه تقرف
واعرف ان الى مش عاجبينك دول والى عايزين يطحنوا العضم رجالة حبيبك