ماتريكس 3
فيه حاجه غريبه اتكررت اكتر من خمس مرات الاسبوع ده قدامى .....الواضح كده انها بداية ظاهرة ...او الله اعلم انها ظاهره موجودة بس انا اللى لسه شايفها ...شباب حلو كدة تالته اعدادى ....اولى ثانوى ...فصلوا ... عملوا حياه موازيه للى احنا عايشينها ...حياه افتراضيه ....فصلوا بين نفسهم وجسدهم ......الجسد مبقاش اكتر من توك توك يتنقلوا بيه من مكان لمكان ....لكن العقل والتفكير والعيشة بقت فى مكان تانى خالص ...الواد لما بيتكلم عن الفلوس يقولك مسابقات فى النت ...لعبة الحياه ....فوركس .. دى وسيله عمل الثروة...لما قلبه الاخضر حب ...حب واحده ماشفهاش ....ماسمعش صوتها .... بيحبها بالكتابه ...بيكلمها بالكتابه ...بيخاصمها ويصالحها بالكتابه ....ولما ماسورة هرموناته تضرب ....يفتح نيو ويندو ..ولا نيو تاب ....وهاتك ياهلاوس ...ويااوهام ...وتطلع كالعادة القدرات السريه ....ولما يحب يلعب رياضه ...بيشغل فيفا 2010 وينزل الملعب ويلعب ويضيع اجوان ويجيب اجوان ...ويرمى نفسه على ارض الاودة ويسجد وينطق الماوس .... وبعد مايحقق انتصاراته ويحس انه بطل ...يقرر انه يبص على احوال البلد اللى مش عجباه ....ويشارك فى حركات التحرير اللى على الفيس بوك ...ويسمى نفسه سعد باشا زغلول ... ولما يحب يقرب من ربنا ...يحط خلفية توكلت على الله ...ويغير رنات الموبيل كلها ويخليها ادعيه ...
الواد عنده خمستاشر سنه ....وعنده تيبس فى مفاصل الركبه ...وغضروف بين الفقره التانيه والتالته...وعين -3 وعين -3.5 ....كل ده مقدور عليه .....اللى تاعبه بجد ....البواسير ....وكل امانيه انه يجيب لاب توب ....علشان يعيش حياته وهوه ممد على السرير ....ويترحم من وجع البواسير ....
الغريبه ان الواد مابيرحش المدرسه ....ومابيفتحش كتاب ...والاغرب انه بينجح .....وابو ه واخد له شقه بالقسط علشان لما يتخرج من الطب يعملها عيادة ....ماتشتغربوش ...حيتخرج ...ويفتح عيادة ...ويبقى استشارى ...والدخول له حيبقى بالحجز ...دا طبعا فى عالمه الافتراضى ....او فى عالمنا ...ماهو مافيش حاجه غريبه على مصرنا ....دى ام الدنيا ...
اموت واعرف اسم الندل ..........ابو الدنيا دى .
تصدقوا .....انا مابقيتش خايف على القدس ......انا كل خوفى دلوقت بقى على الكعبه
ياه تعرف انك رعبتني معقول نوصل للدرجة دي ان الخوف ميبقاش على القدس يبقى على الكعبة بس المشكلة ان انا عارفة ان معاك حق وان كل نتيجة وليها مسببات والمسببات احنا بنشوفها ونعايشها كل يوم لكن متجاهلين النتيجة اللي فيوم حنوصلها بشكل حتمي لو لم تنصلح احوالنا
ردحذفمره من عشر سنين كده
ردحذفقلتلها ما ينفعش ابنك يبقى كده
ما ينفعش يتنح قدام البلاي استيشن اربع وخمس ساعات
ما ينفعش ولادك يبقوا كده قدام الكارتون اربعه وعشرين ساعه
قالت اعمل ايه يعنى
قلتلها هايتعلموا البلاده ويبقوا متلقين بس
هايتعلموا يعتزلوا الدنيا ويستغنوا عن الناس
قالت احنا فى غربه ومافيش ناس
وحاليا بعد عشر سنين
هو ده الى حصل
الولد مربي كلب متوحش وسمكة قرش وبيلعب فيفا وما بيقدرش يمشي لاخر الشارع وما بيعرفش يخدم نفسه وما بينجحش وما بيتكلمش ومالوش علاقات اسريه
تعرف يا دوك انا لو كنت عملت ما يرضاه هذا المجتمع كان زمان ولادي كده
لا تتخيل كمية الانتقادات التى توجه ليا عشان رفضت اسلم دماغ ولادي للتلفزيون والكمبيوتر وفى الاجازه تلاقينى ماشيه سواحه بالعيال من تحفيظ لتعليم رسم لتعليم كمبيوتر لتدريب فى النادي
وسط اعتراضات وانتقادات من الجميع وانااااااا مطنش
المجتمع يا دوك بيبص تحت رجليه
المجتمع عايز يسستمنا على هواه
هوا فاسد بعيد عنك خالي من التفكر
والنبى انت بتقلب عليا يا دوك
اه بتوصل للدرجادي واكتر
ردحذفعرفين السبب؟؟؟؟؟؟؟
ان الاهالي بقوا مشغولين انهم يجيبو اللقمه علشان يأكلو ولادهم
وبينسو ولادهم نفسهم
هل ياتري ربوهم صح ولا مربهمشي اصلا وسابوهم للنت والعالم بتاعه
مفيش متابعه...مفيش كلام مع اولادهم
طب عوذنهم بشاركو فالحياه اذاي بقي طول ماللي فيها مطنشنهم اصلا ولا حتي بيخلوهم يتشاركو معاهم حتي بالكلام؟؟؟؟؟؟؟؟؟؟
للبيت رب يحميه
ردحذفكلمه حق اتقالت من الاف السنين
الى كل متابعى مدونة هانعيش يعنى هانعيش يللا نهنى صديقنا اسلام بعيد ميلاده وعقبال 100 سنه
ردحذفكل سنه وانت طيب يا دكتور اسلام
ردحذفوالموضوع بتاعك بيقول الحقيقه
ان احنا ما عدناش بنربي العيال احنا بنسيبهم يتربوا بالصدفه بنعلفهم بس اهم حاجه
لا ونديهم شهاده وياريت تكون بالانجليزى عشان البرستيج بس
اصل احنا بنجيب العيال دي عياقه كده زي اي بدله جديده
بس عجبنى اوي بتاعة اسم الندل ابو الدنيا
موضوعك جميل كعادتك
وتاني كل سنه وانت طيب
لما يبقى التعليم كأنه حلقة خضار .. مش حلقة علم دي النتيجة .. الله يرحم ماكناش نشيل راسنا من الكتاب طول السنة ونقول يارب نجحنا بأي حاجة.
ردحذفتحياتي لك
هذا هو توهان العالم الافتراضي ولكن الواقع سيوقظهم من غفلتهم عما قريب إن شاء الله
ردحذف