أحلى من الشرف مافيش
علشان نعرف أد ايه ريحة الزباله وحشه ...لازم نشم الورد ....وعلشان نعرف كآبة اللون الاسود لازم نحط جنبه اللون الابيض ....وعلشان نفهم يعنى ايه دعارة ....لازم نفهم الاول معنى الشرف ...وعلشان تفهموا قصدى ...لازم احكيلكوا حكايتى ...من يومين كنت قاعد اتفرج على على حلاوة وجمال ونضافة ورقى وشياكةوابداع وعبقريه كليب قلبك حنين يا نبى ....ومافيش شوية صغننين ....وانفجرت على الشاشه ماسورة مجارى معفنه ....طلع منها كابتن بومه ....فيلم ...لبطل كل منايا فى الدنيا انه يستحمى ...اول عشر دقايق فى الفيلم بتدور احداثها فى نهار رمضان ....هه...نهار رمضان ...واتفرجو معايا ....مشرفة اتوبيس المدرسة ...واقفه فى ممر الاتوبيس بين الكراسى ...وبتعاكس كابتن بومه سواق الاتوبيس ....وتقوله ياجمال امه عسوله ياخواتى ...كابتن بومه قالها انا عايز اعدى ...قالت له ماتعدى ...الدنيا واسعه ....ماهو لو عدى ماقدمهوش غير انه يتحرش يا شابه ....تانى ....الاحداث بتدور فى نهار رمضان ....وشويه وجه مشهد لأمور وأمورة قاعدين على سفرة ....والامور بيبص للامورة بنظرات سهتانه لها معانى كتير مافيهاش ولا معنى واحد محترم ...وفجأه يعلو صوت آذان المغرب ....فتقول الامورة وهيه مستغربه نظرات الامور ...ايه مش حتاكل ؟!... هوه انت مش صايم ولا ايه ؟!.... سؤال لعم نكسه محروس عين امه المخرج من واحد جاهل بامور الابداع والدراما ....ايه الحكمه الابداعيه الدراميه فى ان الاحداث دى تكون فى رمضان ...هيه حبكت ...على راى صلاح منصور ....ماعندك ياسيدى ذو القعدة ورجب وجمادى ....القصد ....شويه وجات اغنيه اقل ما توصف بيها انها سافله ....وبدأ المعفن يغنى ويقول للأمورة ...ايه اكتر حاجه بيحبها فيها ...قالها قلبك وطيبة قلبك ...طبعا لما تشوفوه وهوه بيعنى وبيقطع فى الكلام ...تعرفوا على طول ان الموضوع مافيهوش لا قلب ولا طيبه ...الموضوع كله ان المعفن كان بيغنى للسيليكون ...ومكان ترسيب الدهون ....فيه سفاله كدة ...فيه وضاعه كدة...فيه فٌجر كدة يابنى ادميين ...مش عارف اقول ايه ولا اعمل ايه ولا اتصرف ازاى ....
وعزتك وجلالك يارب ما أنا عارف اغير غير بلسانى وقلبى ....أقبلها منى بحق جاه حبيبك النبى وقلبه الحنين ؟
ربنا يقبلها منك آمين
ردحذفلا يكلف الله نفسا إلا وسعها
وبعدين بذمتك يا راجل حد يتفرج على شخص محتاج يتمرش في الحمام ويحلق وينضف لسانا وخلقا وطبعا من عشر سنين؟
ماهو كده لازم اقول لك ردد عشر مرات
ياني ياني ياني
مش ها اعمل كده تاني
بص انت عملت اللي عليك
ردحذفاحا وصلنا لمرحله الضعف..اننا حتي موش قدرين نقول دا صح ودا غلط
"فمنكم من لم يستطع فبلسانه ومن لم يستطع فبقلبه وهذا اضعف الايمان"
وبس
اعمل اللي تقدر عليه وربنا شاهد علي الجميع
تصدق يا دوك قلبي وجعني عليك يا اخويا
ردحذفمقدره موقفك جدا وحساااااااه وعيشااااااااه
وانا عشان شايله المراره قلتلكم وصاحبة عيا يا اخويا ما بقيتش اتفرج على قنوات الاغاني خالص مالص
لما باحب اسمع اغنيه ربنا يخليلى الكمبوتر خاصتى والنت واسع وشرح وبرح وبانقي منه الى يناسب صحتى
بس اوقات بتصادف اشوف كليب واقع فى اي قناه من القنوات وباستعجب واستغرب واقول مين الى بتغني دي
لحد اخر الكليب ا شوف اسمها اكتشف انها واحده انا عارفها بس ما كانش شكلها كده
اه والله العظيم حصلت كتير جدا معايا
الراجل يا عينى الى بيغنى قلبك حنين يا نبى جه يشد فى شعره برنامج مش فاكره ايه ويقول على ميلودي بيذيعوا الاغنيه بتاعتي وبعدها يجيبوا اغنيه قمر ؟؟؟؟؟!!!!
هو انا ما اعرفش ايه اغنية قمر دي بس بان هى مين على وش الراجل وعلى وش المذيع باين كان عمرو اديب
وقالك طيب يعنى كانوا درجوها يعنى بعدك يجيبوا على الحجار مثلا وبعد كده يقلبوا على قمر
عموما الموضوع اصله مش شاغلهم لا بيبصوا لمين بيغنى ايه هو كله فى المهرسه وشغال ورزق الهبل على المجانين زي ما انت عارف
تحياتي يا دوك وقلبي معاك وما تعملش فى نفسك كده تاني
انا هاجي اديلك موقع الاغاني بتاعي يا ا خويا الى مهنينى ولا عمر طلعلى منه حد مش مستحمي ولا طلعلى منه قمر ولا سيلكونايه واحده باسمع بس
ايه الرغي بتاعي ده
ردحذفيلا بقى ماهو ما الطلعه من جوه البويا مش بالساهل برضه الواحد ما بيصدق يقوووووووول بقى
سؤال بس ايه اللي يخليك تحرق دمك وتشوف الفيلم ربي يخلي لنا الريموت كونترول في ثانية يغير المحطة
ردحذفنحن لا نملك ان نقيد الاخرين لكن لنا أنفسنا ومن هم تحت رعايتنا ومسؤوليتنا وقادرون ان شئنا ان ننقي الجيد ونهجر الردئ
انا والله نفسي أشوف كليب قلبك حنين يا نبي لكن مرارتي لاتحتمل ان انتظره على قناة ميلودي صراحة هذه القناة بقيت لها شعرة و يصبح من المفروض ان تكون قناة للكبار فقط
دمت بكل الود
الاخ اسلام ما تنخدغش قوى في وائل جسار شوفه فى حلقة يا مسهرنى على دريم يوم الجمعه الجايه وانت
ردحذفتعرف انها سبوبه دا أولا
ثانيا اوعى حد من رابطة محبى كابتن بومه يكون بيقرا كلامك أحسن يا حرام يغمن عليها حاكم دول عيال قطاقيط وفرافير خالص