المجانين فى جحيم
بما انى زبون ( فى اى بى ( فى مستشفى المعمورة للامراض العقليه ....وبما انى برضه زبون متعب ماباخدش الدوا فى ميعادة فنسيت امبارح آخد الحبايه ....فالهلاوس رجعت لى تانى ...وبدات اشوف اللى محدش بيشوفه غيرى ...شوفت كل اللى كانوا بيشتموا الشيخ سيد طنطاوى الله يرحمه وهوه عايش .....بيقولوا عليه عالم جليل خسرته الامه الاسلاميه جمعاء جمعاء ...على رأى محيى اسماعيل فى فيلم خلى بالك من زوزو ....وفجأة بعد ما كان اول امبارح سيد بيه اوكى ....بقى امبارح عالم جليل وعلم غزير وخساره فادحه ...وشويه والهلاوس زادت ...شفت ان اى رمز للاسلام من اول القرضاوى لغايه حسن شحاته ....لازم يتبهدل ويتشكك فيه وفى نواياه وفى علمه ...طبعا الهلاوس بينت لى ان المقصود مش الشخص ...المقصود الرمز ...ماهو لما اقول ان الرمز وحش يبقى كل اللى بيقوله الرمز وحش ...يعنى الاسلام وحش ....شفت برضه ان المؤامرة موجودة ومتحضرة مش عايزة كلام ....بس المؤامرة ماتنفعش من غير منفذين .....المصيبه بقى ان احنا اللى بننفذ المؤامرة اللى علينا ...احنا اللى بندمر نفسنا واسلامنا....احنا مين ....احنا انصاف المتعلمين ...اللى بنردد الكلام زى البغبغنات...احنا اللى بنقلد وبس .... بنقول اللى بيكبوه فى ودانا من غير مانفكر....
ولو حد نسى الحبايه هوه كمان وقام وقال ياجماعه فى عرض دين النبى ...بلاش تمسوا الرموز ...يبقى مجنون ...واشتراكى ...وشيوعى....وابن كلب جزمه مش متحضر ...ومعندوش ثقافة الحوار....ونظريه المؤامرة واكله دماغه ..ومايعرفش ان الاسلام مافيهوش كهنوت ...
والله والله والله وكمان والله ماهوعيب انى اقول ماعرفش ...العيب انى اخوض فى الناس بدون علم ...العيب انى اكون معاهم معاهم عليهم عليهم ...العيب انى اخالف بس علشان اتعرف حتىولو على حساب دينى....العيب ان احنا فى القرن الواحد والعشرين ولسه بتحكمنا ثقافة البسطة (بسطة السلم ...لان فيه ناس بتقول على الهريسه بسطه ولو انها كلمه قديمه ماعتقدش انها لسه بتتداول فى زمن البون فريت والكرسبى ستربس)
الله يرحمك يا شيخ سيد ويوسع لك قبرك ويسامحك ويغفرلك .....ويغفر لنا ويهدينا.
الموت له رهبة وجلال وديننا يأمرنا ان نذكر محاسن موتانا وحسابهم عند ربهم.
ردحذفلكن انا لست معك في مسألة عدم المساس بالرموز ومسألة قدسيتها لاقداسة لاحد كلنا أدميون وكلنا خطاؤون نحن لاننفي عن الفقيد علمه الغزير لكن ايضا لنا الظاهر ولنا الافعال التي سجلها التاريخ ولايمكن انكارها نحن لسنا قضاة ولا نملك مفاتيح لا جنة ولانار ونرد الامور لصاحب الامر سبحانه يقضي فيها بما يشاء ان شاء غفر وان شاء عذب
انا لله وانا اليه راجعون
أزال المؤلف هذا التعليق.
ردحذفانا مش فاهمة حاجة خااااااااااالص
ردحذفيمكن علشان انا ارباع متعلمين
والإحتمال الأكبر اني مخدتش الحباية علشان فلوس الجودة أكلوها في بطونهم الشريفة العفيفة
حقيقي
الرموز شمعتهم قايدة واحنا اللي مش فاهمين