الاثنين، 15 مارس، 2010

مضاد غنى

مضاد غنى

الغنى : انت باصص لى فى رزقى ليه؟!

الفقير: انا عمرى مابصيت لك فى رزقك ...انت اللى بتبص لى فى رزقى

الغنى : انا.... انا ابص لك انت فى رزقك .... اما عجايب والله

الفقير : ايوه ...وبتحسدنى كمان ...بتقول دا باله مرتاح وصحته كويسه وعندة عيال كتير

الغنى : مش دى الحقبقه ولا ايه ...انت بتحط دماغك على المخدة تنام ...وصحتك ماشاء الله ...تعتل عربيه نقل لوحدك !....وعيالك حواليك يسندوك لما تكبر .... لكن انا مابنمش الا بمنوم ...وماشى على طول بالدوا ....وماعنديش عيل يسندنى لما اكبر.

الفقير : انت مابتنمش علشان قلقان على فلوسك ....وصحتك تعبانه من كتر الاكل ....وفلوسك تسندك احسن من ميت عيل !

الغنى : شفت انت بتنام علشان بالك مرتاح مش قلقان على حاجة ...ماعندكش حاجه تخاف عليها

الفقير :هيه دى مشكلتك ...انا كمان مابنمش ياباشا ...بس علشان بفكر ازاى ادفع ايجار الاودة اللى متاويانا .... انا عيان زيى زيك بالظبط ....بس انا عندى انيميا من قلة الاكل ...لكن انت عندك كولستيرول من كتر الاكل ....انا لما باتعب باروح مستشفى وزارة الصحة ابوس الايادى علشان قرار علاج على نفقة الدوله ....لكن انت لما بتتعب بتاخد اول طياره لامريكا تعمل تحاليلك .

الغنى : مافيش فايدة الفقير ده نمرود ...مابيحمدش ربنا على النعم اللى فى ايده

الفقير : مافيش فايدة الغنى ده طماع ....مابيحمدش ربنا على اللى عنده ...دايما عايز اكتر واكتر ..

الغنى : علشان انا فاتح بيوت ناس كتير ....انا اللى باصرف عليهم

الفقير : لا ياجميل ...هما اللى بيصرفوا عليك ....لولاهم ماكنتش تعيش العيشه اللى انت عايشها دى

الغنى : ماهم بياخدوا مقابل شغلهم !!!

الفقير : دا مش حقهم ...انت مابتديهمش اللى يستاهلوه

الغنى : عرفت بقى انكوا بتبصوا فى رزقى ...انا اللى بفكر ...انا اللى باتحمل المخاطر ...انا اللى بادفع الضرايب ...

الفقير : وهما الى بيشتغلوا ويعرقوا علشان تزود فلوسك ! ...ولو ماشتغلوش مش حتعيش فى الفيلا ولا تركب المرسيدس

الغنى : ايييييييييه ...عايزنى اوزع فلوسى عليهم ولا ايه

الفقير : هما مش عايزين اكتر من حقهم ...اديهم مرتبات على قد جهدهم وعرقهم ...امن عليهم علشان يطلع لهم معاش ...اعمل لهم تامين صحى ...مش تمضيهم على استمارة 6 قبل حتى مايمضوا على استمارة 2

الغنى : هما اللى مابيبطلوش شكوى ...مابيبطلوش زن ...وبعدين مافيش غنى وفقير ...فيه غنى وغبى ...الفقير ده غبى ...مابيفكرش ...مابيغامرش ...مابيكافحش ...يبقى يحط لسانه فى بقه ويرضى باللى يجيله.!!

الفقير :دا كلام بتقوله علشان تريح ضميرك وانت بتاكل حقوقهم ...وبعدين مش الطبيعى ان الناس كلها تفهم فى البيزنس ...ولا تبقى رجال اعمال زى جنابك ...لكن الطبيعى ان اللى زيك يقف جنب اللى زيهم ويساعدهم مش يستغلهم ...؟!

الغنى : هما مش عايزين حد يقف جنبهم ...هما عايزين تكيه ....ياكلوا ويشربوا ويناموا على حساب غيرهم ...بس خلاص زمن التكايا راح وانتهى ...

الفقير : ياعينى على الفقير يا ولداه ...دايما يطع هوه الغلطان ...هوه السبب ...لكن الاغنيا ملايكه وعاملين اللى عليهم وزيادة ...وفى الاخر يستكتروا علينا الرغيف ابو شلن والطعميتين وعود الجرجير.!!

ياترى مين فيهم عنده حق ...الغنى ولا الفقير ...ياترى فعلا عكس غنى غبى ولا عكس غنى فقير ...ياترى نقول ان ربنا يرزق من يشاء بغير حساب ....ولا نقول ان الله لا يغير مابقوم حتى يغيروا ما بانفسهم ...ياترى الرزق فلوس بس ولا حاجه تانيه احنا مس حاسيين بيها ...ياترى الفلوس هبلتنا ولا احنا فعلا من غير الفلوس مانساويش ....ياترى ستى الله يرحمها كان عندها حق لما قالت ربنا لما وزع الارزاق محدش عجبه رزقه ولما وزع العقول كل واحد انبسط بعقله....ياترى حدفيكوا يقدر يقول لى المفرمه دى ممكن تقف ازاى ....!!

هناك 39 تعليقًا:

  1. الفقير اللى يقدر يثبت نفسه ويقدر يكون ليه كيان هيعيش رغم انف مين وهيوصل للغنى واكتر كمان بتقواه وعمله وايمانه

    ردحذف
  2. هتقف لو الكل رضي بقسمته ونصيبه
    واحلي حاجه فالدنيا الرضا بما قسمه الله عزوجل للبني ادم
    تقبلي مروري وتحياتي

    ردحذف
  3. الحاجة الوحيدة اللي بتخلي للحياة طعم هي الرضا والقناعة بدونها لاالغني سيسعد ولا الفقير سيسعد
    ايضا السعادة لاتقاس بحجم الاموال وايضا الغنى ليس دوما مرادفا للسعادة ولا قلة ذات اليد مرادف للشقاء
    تعجبني دوما صورة في مدونة الدكتورة ستيتة لاسرة كبيرة ومتعددة الافراد نائمة في غرفة ضيقة لكن بابتسامة رضا كبيرة على كل الوجوه

    ردحذف
  4. لا طبعا مش عكس غني غبي

    والدنيا لازم تفضل فيها غني وفقير

    لكن مش لازم تفضل فيها جعان ومتخم

    الدنيا لازم يفضل فيها مريض وصحيح

    لكن مش لازم يبقى فيها مريض مش لاقي علاج ومرض تاني بيتعالج بملايين من دم الكل

    شوف يا استاذنا

    انا هاتكلم بصفتي مش اي حد من دول لا غني ولا فقير

    وفي نفس الوقت انا هما برضه

    حضرتك اصحاب الاعمال فيهم ناس ولاد تيت بجد وبياكلوا عرق الغلابه بجد وبيعملوا كل الى انت بتقول عليه وزياده حبتين وقدام عينى ومن بؤهم نفسهم الي هما اصحاب الاعمال

    بس كمان الاجير حضرتك هو كمان بقى ابن ستين تيت وبصحيح بصحيح سبعين فى الميه منهم عايز تكيه مش عايز يشتغل
    اخدوا على الفكر الاشتراكي بس للاسف بيطبقوا نصه

    نصه بتاع ادينى مافيش هاعمل ايه عشان تدينى

    عايز يقبض مرتب ويتعمله تامين وحقوق وكل تمام ويانتخ ويزوغ ويخلص اجازاته كلها المرضي والعرضه اول باول حتى لو مش عيان ويزوغ ويصلي الظهر فى ساعه ويزوغ ويستأذن باعذار وهميه

    وبعد ما صاحب العمل يعمله التامين ويصرف على اوراق تعينه يصبح الصبح يمشي ما يرجعش
    وابقى قابلنى بقى

    عادي جدا

    قولي انت بقى مين الظالم ومين المظروم

    مين الصح ومين الغلط

    بس طبعا لازلت باقول بعد ما العامل ياخد حقه كاجير عادي
    ليس له اي حق فى انه يقول الراجل ده عايش فى خيرى وماله انا السبب فيه


    ابدا ابدا

    الرزق بيد الله وربنا مقسم الارزاق الى هى مش فلوس بس
    كل واحد وله رزقه باللون الى ربنا كتبه عليه

    مافيش حد فيهم ابدا صاحب فضل على التاني

    وصحيح صاحب العمل ان كان معه المال لو كان بصحيح انسان كويس
    ويعنى تماما كلمته الى بتقول انا فاتح بيوت وانا سبب رزق للناس دي
    وان كان بيقول ان ده مال الله وانا ليس الا سبب وطريقه لتوزيعه
    وبيدى كل ذي حق حقه
    ويعطى الاجير حقه قبل ان يجف عرقه
    وبيرحم من فى الارض

    واكيد هايستحمل المسؤليه والمخاطره وقلة راحة البال بنفس راضيه

    واكيد مش هايحسد الفقير على صحته

    والفقير لو اشتغل هو كمان بيما يرضى الله وما حدقش على الغني هايعيش مرتاح البال وراضي وسعيد

    بس الغني لازم يعرف انه رزق من الله والمال اختبار
    كثره اختبار وقلته اختبار

    والفقير كمان لازم يعرف كده ويعرف كمان انه مش عشان فقير يستحل مال الغني بدون وجه حق

    موضوع جميل بجد يا دوك ومهم اوي عشان انا باشوفه فى عيون الناس فعلا

    تحياتي لحضرتك

    ردحذف
  5. المدونة رائعة شكرا لك ..

    ردحذف
  6. شكرا على المدونة الرائعة

    ردحذف
  7. شكرا على المدونة

    ردحذف
  8. المدونة رائعة :) ,بالتوفيق دائما

    ردحذف
  9. اشكرك على هذة المدونة الرائعة

    ردحذف
  10. شكرا جزيلا على هذة المقالة الجميلة

    ردحذف
  11. شكرا على مجهودك الرائع

    ردحذف
  12. شكرا على المدونه الجميلة و بالتوفيق دائما

    ردحذف
  13. شكرا على المدونه الجميلة و بالتوفيق دائما

    ردحذف
  14. شكراااااا على مدونتك الرائعة

    ردحذف
  15. شكرا على المدونه الجميلة و بالتوفيق دائما

    ردحذف
  16. شكراااااا على مدونتك الرائعة

    ردحذف
  17. اشكرك على هذة المدونة الرائعة

    ردحذف
  18. شكرا على مجهودك الرائع

    ردحذف
  19. شكرا جزيلا على هذة المقالة الجميلة

    ردحذف
  20. شكرا جزيلا على هذة المقالة الجميلة

    ردحذف
  21. شكرا على مجهودك الرائع

    ردحذف
  22. شكرا على المدونه الجميلة و بالتوفيق دائما

    ردحذف
  23. شكرا جزيلا علي مدونتك الرائعه

    ردحذف
  24. شكراااااا لك .....مقالتك اكثر من رائعه

    ردحذف
  25. مدونتك رائعة .. اعدك بالزيارة الدائمة انشاء الله .. كل التوفيق

    ردحذف
  26. قلمك رائع .. شكرا لك ..واعدك بالزيارة

    ردحذف
  27. شكراااااا على مدونتك الرائعة

    ردحذف
  28. قلمك رائع .. شكرا لك ..واعدك بالزيارة

    ردحذف
  29. شكرا على المدونه الجميلة و بالتوفيق دائما

    ردحذف
  30. اشكرا كثيرااا...مدونتك اكثر من رائعه

    ردحذف
  31. شكرا جزيلا علي مدونتك الرائعه

    ردحذف
  32. مدونتك رائعه.....شكرااا لك

    ردحذف
  33. مجهود رائع ومدونه مميزه...شكرااا لك

    ردحذف
  34. مقاله رائعه ومميزه جدااا...بالتوفيق دائما

    ردحذف
  35. مدونه اكثر من رائعه ...كل التوفيق

    ردحذف