الثلاثاء، 21 سبتمبر، 2010

الغازية والشاطر

الغازيه والشاطر

ياسلام لما الواحد يبقى شاطر... شاطر بجد ... يقعد كدة ويحط رجل على رجل والترقيه تجيله لغاية عندة ... تقوله :والنبى تعالى عندنا علشان نستفيد منك ومن علمك ... واهو برضه يكون لينا ضهر فى الزفت الدولى علشان مايفضلش كاتم على نفسنا ... اما المايل.... مايل جوة قبل برة ... يحرقها ويضيعها جوة ....ويبوس ايدين وجزم ولاد عمه... ويسب فى دينه علشان الحلويين يرضوا عليه بره .. وبرضه ياخد خازوق ... اصل حاكم الخوازيق دى مزاج مش اى حد يقدر يعرف طعمها ..... عارفين لو الشعب المصرى ده رجاله زى زمان ... رجاله كدة من اللى حرروا سينا وعدوا القناه ... رجاله من اللى لسه عندهم نخوه ....عارفين كانوا عملوا ايه ...؟ كانوا شالوا المشاعل وولعوها ومشيوا لغايه ما يوصلوا للاوبرا ... ويحوطوها .. ويفضلوا ينادوا ... بصوت يجلجل البلد ... ينادوا ويقولوا الغازيه لازم ترحل ... الغازيه لازم ترحل ... ساعتها الغازيه حتتنيل ترحل بقى ... وطبعا علشان ازمه الرجوله اللى صايبه البلد ... فمقدمناش غير ان احنا نكشف راسنا ... ساعة مغربيه ونقول : يارب ... يارب ... قضاءك وقدرك بحق جاه حبيبك النبى

هناك تعليقان (2):

  1. اشرب بيريل واسترجل !!!!!

    لازم المصريين يشربوا بيريل يمكن الحال يتغير

    تحياتي

    ردحذف
  2. هى غازيه واحده بس ؟ دول كتير يا دوك

    بس بينى وبينك وما تقولش لحد عشان ما يزعلوش مني يا اخويا اه فى ازمة رجوله

    مش عارفه الجين ده بدأ ينقرض وانا خايفه الحقيقه

    والحقيقه كل الغوازي لازم ينزلوا كفايه كده ...

    خليها كفايه كده بس عشان انا مؤدبه

    ردحذف