الأربعاء، 11 فبراير، 2015

الحب الاول (1)

الحب الاول (1)

ماوحشتكوش السلاسل ؟ انا عن نفسى وحشتنى ... وجات لى فكرة سلسلة جديدة ... عن الحب الاول ...اول رعشة ايدين ونفضة قلب وتسهيمة ...عارف حتقولولى الموضوع اتهرس فى 300 فيلم قبل كده ... حقولكوا ماهى دى حلاوتها ... نحاول نشوف رؤية جديدة ... وياسيدى خليها 301 مجراش يعنى ...
وهنا ... تتداعى الاسئلة :
 هوه الحب الاول ده  حب بحق وحقيقى ولا لعب عيال ؟
طاب الايام بتنسى الحب الاول ولا بيفضل لازق فى الذاكرة ؟
...طاب لو الايام جمعت الحبيبين بعد ان ظنا كل الظن ان لاتلاقيا .. حيكونوا لسه بيحبوا بعض زى الاول ولا الحب حيزيد ولا حيقل ولا مش حينفع علشان الايام غيرتنا  والدنيا لعبت بقلوبنا وعقولنا البخت ؟
ياترى حنعيش على ذكرى الحب الاول ولا حنحاول ننساة ولا حننساه فعلا علشان نعرف نعيش ولا هوه اللى مخلينا عايشين من اساسه ؟
طاب ممكن الحب الاول يتحول صداقة ... طاب ممكن يتحول عداوة ؟
عموما حنحاول نجاوب على الاسئلة دى وغيرها مما يستجد اثناء حلقات السلسلة ... وطبعا الموضوع وجهة نظر وادراكات وخبرات ... ولان مافيش حد ادراكاته وخبراته زى التانى ... فالموضوع يحتمل انه يتعمل فى 600 فيلم مش 300 بس ... اتمنى النقاش والحوار ... وربنا يقدرنا على فعل الخير ويخرب بيت الاخوان قادر ياكريم ؟



هناك تعليقان (2):

  1. يا كبير احنا في إنتظار الحلقات على أحر من الجمر
    أصلاً شوية الأسئلة اللي حضرتك سألتهم فوق دول يلعبوا مكعبات في دماغ أجدعها واحد
    :)
    بالنسبة للمناقشة والحوار ؛ فغالباً هتلاقي التعليقات من غير معرف كتير (طبعاً مش شرط أكون أنا يعني وأنت أكيد فاهمني يا معلمي)
    D:
    مساك فل وورد وريحان بإذن الرحمن يا سيد المدونين الجدعان

    ردحذف
    الردود
    1. تسلم لى ياباشا ويسلم كلامك الحلو اللى اتمنى انى استاهل نصه

      حذف