الثلاثاء، 9 يونيو، 2009

فاصل اعلانى ونواصل تانى

هوّة توتو أحسن منك؟

توتو الولد الجميل بياكل بيتزا مط ...وانت ياحبيبى بابا حارمك من البيتزا ...توتو الولد الجميل بياخد هدية كمان ...يعنى توتو الجميل بياكل ويلعب... وانت يا عينى قاعد فى البيت بتاكل اكل ماما المعفن ...قوم بسرعة اتصل بـ 0900 من ورا بابا ...ايوة من ورا بابا علشان تدبسة ...ماهو يستاهل علشان مابيحبكش ....ياللا ياحبيبى توتو مش احسن منك

للتواصل مع المعلم مط :


العنوان : حوواوشى المط ....امام مقلب الزبالة .....الهرم .


E.mail : ARSAK @ HABAL .com

هناك 6 تعليقات:

  1. فى الحقيقه يا استاذنا ما عادش بس هى دي المشكله والله

    قلبي بيتقطع كده من جوه لما اشوف عيل متربي على التيك اواي
    ولما تزيطهم الهانم وتطبخ تعملهم هامبورج ولا سويس

    والعيال كمان بقوا زوقهم زباااااله

    اخرهم واولهم سندوتش معفن من بره ما تعرف هو كلاب ولا قطط ولا حمير ولا خنازير

    وبتوع التليفونات دي يا فندم ما هى الى تقليبه عيش

    والحكومه سايباهم ياكلوا عيش على قفانا واحنا نستاااااااااااهل

    مش احنا الى معرضين قفانا ؟؟؟

    وعلى رايك رزق الهبل على المجانين

    ردحذف
  2. بيتزا مط
    كبداكي الحاج
    باكدونالز الهوهو

    لو قلت لطفل النهاردة مش ها تاكل تيك أواي تبقى فعلا بابا الوحش وماما البخيلة وهو شهيد الأمريكان فرايز شيكين

    زمن الأستهلاك
    مش في الفلوس بس
    لأ في الصحة قبلها

    تحياتي

    ردحذف
  3. معلش بقى السبب فى الستات اللى فى البيوت اللى مش عارفين يطبخوا وبيستسهلوا التيك واى مش خايفين على عيالهم او انهم معرفوش يربوا العيال على ان ده منظرة فارغة
    اصلا معرفش الواحد يجيله نفس ازاى ياكل برة البيت والله اعلم معمول ازاى الحاجات دى

    ردحذف
  4. الموضوع دة كل الناس تقريبا بتعاني منه

    الناس بتستسهل والطفل بيتعود
    غير ان قدامه اغراءات بالهبل

    والمفروض هنا دور الام والاب انهم يحببوا ولادهم فى الاكل الصحي بانهم هم نفسهم ياكلوه بنفس قدام عيالهم.

    كمان حكاية اتصل من ورا بابا دي؟؟
    هي وصلت لكدة.. عليه العوض في العيال

    ردحذف
  5. د, اسلام
    اعتذر عن التاخير وان كنت متابعة اعلاناتك الجميلة التى تعبر عن الواقع ..
    عندك حق تماما
    ابنى يقول لى انت مش بتحبينى علشان مش بتجيبى لى وحبة بالهدية .. ومهما شرحت وحاولت افهم الاعلان يزغلل العين ويمحى كل اللى نقوله .. واذا ضحينا بالفلوس ازاى نضحى بالصحة
    ولا زالت المحاولات مستمرة من الجانبين
    وحسبى الله فى الاعلانات اللى جابت لنا الهسهس

    ردحذف
  6. هههههههههههههههههههه
    والله ممكن نلاقي الإعلان ده قريب في التلفزيون
    مش بعيدة يعني

    ردحذف