خصيمك النبى تدعي له يغور
جلبى جايد نار ...جملة طول عمرى بأسمعها بس عمرى ما حسيت معناها زى اليومين دول ...بقالى اسبوع بأغلى ...نفسى اوطى على الارض اخد طوبة حمرة ....واحدفها فى دماغ الكائن اللى فى بالى واعور بيها اهله ...واشفى غليلى ...حتقولو لى طوبة حمرة لية ...ماهو لو متغاظ منه قوى كدة ....احدفة بظلطة اهى اجمد من الطوبه ...اقولكوا لاااااااااااااا ...لانى اتعلمت ايام زمان لما كنا بنتعارك مع العيال بتوع سنة ستة اللى فى المدرسة اللى قدامنا ....ان الطوب الاحمر احسن فى التعوير....علشان بيتفرفت فى الجرح من جوة يقوموا فى المستشفى يضطروا ينضفوا الجرح قبل ما يخيطوة ...وبكدة الزبون يتعذب تلت مرات ...مرة لما الطوبة تيجى فى دماغة ...ومرة لما ينضفولة الجرح ...ومرة لما يخيطوة ...نوع من انواع العذيب الذيادة ....زمانكوا بتقولوا دا ارهابى وغلاوى ومعندوش رحمة ...بس هوه يعنى شفتونى عملت حاجة ...اهو كلام ابن عم حديت ...فضفضة تهوى على النار اللى جوايا من الكائن اللى رجلة والقبر ومش عايز يتقى ربنا ....ياشيخ عيب على سنك دا انت عندك خمسة وسبعين سنة يا متصابى ...بتبيع دينك بدنياك يا شايب ...تبيع دينك علشان تترقى يا عايب ...يا اخى ترقية الندامة عليك وعلى اهلك ... ولعت فى الخلق وقولنا الناس هيه اللى غلطانة كان المفروض تمسك طفاية حريق زى ماهى ماسكة الموبيل .....غلطت فى الطرحة وقولنا زلة لسان من كائن بيقول انة فنان ....اخرة المتمة جاى تصقف وتكافىء اللى بيغلط فى الاديان .....اقولك اية ...روح يا شيخ الهى وانت جاهى تترقى وتغور من وشنا ...وتسافر لاسيادك ...وتنول رضاهم قادر يا كريم والهى تموت هناك ....ولا بلاش لساعتها يرجعوك على حسابنا ويدوك لقب شهيد ما هو كله دلوقت بقى شهيد ...والشهيد بقى ارهابى ...؟!!!!
على فكره انا رجعت فى كلامى .... والختمة الشريفة خسارة فيك الطوبة الحمرة ...خليها... يمكن تنفعنا ...اهو نحك بيها ضمايرنا يمكن تنجلى ولانخوتنا يمكن تورد ...ولا نحطها قدامنا تفكرنا لما كنا عيال رجالة قبل مانكبر ونقعد ندعى زى الولايا
دكتور اسلام
ردحذفكل سنة وانت طيب
الاول فكرت قصدك على كبير العيلة
قلت عمل ايه وانا مش عارفة
ولما فهمت قصدك على مقصوف الرقبة
اللى كرسى اليونسكو هبله
ليك افقعه دعوة تصيب ولاتخيب باذن الله
ابرك من الطوبة الحمرة
على فكرة لك عندى سؤال فى المدونة
ادخل جاوب عليه
يا عم بالله عليك ما تفكرني
ردحذفمش كفاية ساكتين عليه ولحد دلوقت مقتلهوش
لكن كمان يدوله جايزة ,, و 200 الف جنيه من دم قلبنا
حسبنا الله ونعم الوكيل
ههههههههههههه
ردحذفمش عارفه اقولك ايه .. ربنا يتقبل الدعوه :))))))))
ماهو سؤال
ردحذفحمار "كان أصله جحش" ولما كبر وكل عليقة وبقى حمار عليه القيمة اديناه رقابينا يحكمنا
قام جاب كام جحش صغننين وابتدى يعلفهم لحد ما شاخوا وبقوا معاه بيكملوا المسيرة وبيسيروا
لا الحمار الكبير كلام فيه نافع
ولا الحمير اللي وراه دعا فيهم شافع
ولا حد بيتشال من كرسيه على غلط غلطه
ولا صالح بيتحط في مكانه والأمر توسده غير أهله
خلاص بقى ده زمن اللي مش معروف له مله واللي مش معروف له انتماء سياسي واللي مش معروف له اتجاه جنسي محدد
ده زمن جمال البنا وصلاح منتصر والبدري وفيفي عبده قبلهم كلهم
اسكت اسكت لحسن الكيل طافح والله
ابقى تعالى عندي ها نتهبب نعمل شيء يمكن يجيب نتيجة في قصة النت اللي حددوه رغم انفنا وسكونا على قفانا
والأغلب الأعم ها نهوهو ولا ها نلاقي حمار يرد علينا
شفت طلعت زرابيني ازاي واديك شفت مخزون الأباحة بتاعي كله
نصيبك بقى اديك اخ وتستحملني لله .. اصلي مبؤئة
والنبى محد يجبلى سيرته
ردحذفبتعصب
والله يادكتور اسلام الوضع بقا صعب ومستفز جدا في كل شئ
ردحذفهاقولك زى ما قلت عندى حسبنا الله ونعم الوكيل