السبت، 9 يناير 2010

صبرنى يارب على مى وآسر

صبرنى يارب على مى وآسر

آخر بوست لصبرنى ...من الاخر كدة.... روعة ...حاجة كدة من السنما الواقعية بتاعة عم صلاح ابو سيف....بصراحة البوست استفز فية رحلات الدماغ اللى كنت باعملها ...قولت ياواد ماتيجى نعيش مع اختنا مى واخوها فى الدراسة على رأى صبرنى ...آه ماهو اليومين دول مش زى زمان ...زمان كان فية اخ فى الرضاعة ....لكن فى زمن الماركتينج بقى فية اصناف كتير ...اخ فى الدراسة ...واخ فى المواصلات ...واخ فى الخروجات ...وأخ فى الأخ.....القصد علشان ما اطولش عليكوا لقيت فيه احتمالين مالهومش تالت ....الاحتمال الاول انهم يتجوزوا ...الاحتمال التانى انهم مايتجوزوش وكل واحد ياخد نصيبة ....لقيت الاحتمال التانى ينبثق على احتمالين ...يا ميتجوزوش ويفضلوا اصحاب ...يا مايتجوزوش ويفترقوا ...وفجاة لقيت الموضوع بيكبر معايا ....وماينفعش يتقال فى بوست واحد ....قولت اخد كل احتمال فى بوست ...ونمشى معاهم ....ونشوف حيوصلوا لفين ....وياترى اية الصح .....الى اللقاء فى الحلقة الاولى

هناك 4 تعليقات:

  1. لا لا لا

    يا دوك كتير عليا الكلام ده والله

    وبعدين ده انا كده هاجي ابات عندك فى المدونه دي لحد ما تكتب

    يلا بسرعه

    متشكره اوي بجد ربنا يكرمك انت كلك ذوق

    ردحذف
  2. وانا فى انتظارك على احر من الجمر
    وباقولك مقدما تسلم دماغك والله ينور
    لانى واثقه فى افكارك قوى

    ردحذف
  3. وده نقدر نسميه تعاون المدونين من أجل حياة افضل
    من أجل مي وآسر
    فكرتني بفيلم محمد هنيدي "كصة حب ميرفت وعيلاء :)
    يالا كلنا مستنين

    ردحذف
  4. قرأت بوست صبرني يا رب وفعلا وكما قلت هو بوست رائع
    وبالتالي انا متشوقة ان اعرف كيف ستنهي قصتهما او كما قلت في تعليقك عندها انتظر ان اعرف منك ياترى ما سيكون حالهما بعد عشر سنوات
    في انتظار ذلك تقبل تحياتي

    ردحذف