الأحد، 18 أبريل 2010

من فات قديمه تاه



من فات قديمه تاه

عارفين احنا توهنا ليه....علشان انبهرنا بما يقدمه الغرب ...ونسينا ان كل اللى بيطنطوا علينا بيه دة بتاعنا ....والله بتاعنا ....وعلى رأى الاسكندرانيه ... كلامك ده كله بتاعى وكاتبه على دراعى ....وكل الابحاث والمؤتمرات والندوات والكتب فى علم النفس والتنميه البشريه ...لخصها جد من جدودنا اللى ماعرفوش يخلفوا ...اسمه حسن البصرى ...قايل الكلام اللى بيقولوه اصحاب الحظارة دلوقت...من ألف سنه ...ماغلطش فى الكتابه ظ مش ض...اقرأوا وقولوا رايكم :

فكن ايها العاقل مقبلا على شأنك ....راضيا عن زمانك (السعادة)...سلما لأهل دهرك ...جاريا على عادة عصرك (ايجابى)...منقادا لمن قدمه الناس عليك (ديموقراطيه)...حانيا على من قدمك الناس عليه (ادارة) ...ولاتباينهم بالعزله فيمقتوك...ولاتجاهرهم بالمخالفه لهم فيمقتوك (فن التواصل )...فانه لا راحه لمعادى ولا عيش لممقوت .

واجعل نصح نفسك غنيمة عقلك.. ولاتداهنها باخفاء عيبك ... فتنفع عدوك وتضر نفسك ....لانه من اصلح نفسه ..ارغم انف اعاديه .(تنميه بشريه)

فهذب ايها الانسان نفسك بافتكار عيوبك وانفعها كنفعك لعدوك فان من لم يكن له من نفسه واعظ ...لم تنفعه المواعظ .واعلم ان من اعمل جده بلغ امانيه

اعاننا الله واياكم على القول بالعمل وعلى النصح بالقبول ..وحسبنا الله وكفا

من كتاب ادب الدنيا والدين للحسن البصرى ..الكتاب منزلاه مكتبه الاسرة باربعه جنيه ونصف ...يعنى بتمن كانزايه واتنين مولتوا....وماسيج ...

صدقه جاريه : اى كلمه فى الكتاب صعبه ومش عارفين تفهموا معناها ...انا على استعداد كامل للترجمه والشرح وتوصيل الطلبات للمنازل ...ومن غير اى بقشيش

هناك 6 تعليقات:

  1. من لم يكن له من نفسه واعظ ...لم تنفعه المواعظ

    اكتر كلمه عجبتنى جداجدا جدا

    والنبى يا دوك انت دايما تقلب عليا

    فكرتنى بحديث دار بينى وبين واحده فاضيه تماما
    مش وقت بس لا من كله
    عن الكتب المكدسه عندها
    ومنهم حاجات نادره من مكتبة الاسره
    اقري ده
    لا ماليش فيه
    طب انتى بتحبي الروايات اقري دي لا بصيت فيها قبل كده
    ده روايه فكسانه اخر حاجه

    طيب هانحط الكتب دي كلها فين بابا هاقطعك لو لقى كتاب منهم مرمي
    عبيهم فى كرتونه وحطيهم فى الاوضه دي

    ويبقوا يقبلوني لو فلحوا والله

    ردحذف
  2. فهذب ايها الانسان نفسك بافتكار عيوبك وانفعها كنفعك لعدوك فان من لم يكن له من نفسه واعظ ...لم تنفعه المواعظ .واعلم ان من اعمل جده بلغ امانيه
    بجد دول كلمتين بيلخصوا كل حاجه
    ويارب كل حد يستفاد بيها

    ردحذف
  3. معك كل الحق شتان بيننا الان وبين ما كان عليه الاجداد غيرنا استفاد من ذلك وبنى حضارته وطورها فيما نحن بقينا نبكي على الاطلال

    ردحذف
  4. السلام عليكم و رحمة الله وبركاته
    جزاك الله خيرا
    و الله فعلا كلام فى الجون
    قالوا عن كلام الحسن أنه يشبه كلام الأنبياء
    بس كما قال ابن خلدون : تغرم الأمم المغلوبة بتقليد الأمم الغالبة
    احنا عندنا كسل عن التفتيش و البحث فى تراثنا و تحويله للغة و طريقة عرض تناسب العصر و تنظيم مواده

    انا كنت اعرف ان كتاب أدب الدنيا و الدين ده للإمام الماوردى؟؟؟
    بارك الله فيك

    ردحذف
  5. د.على
    بارك الله فيك ...انت معلوماتك صح ماهو الماوردى هوه هوه ابو الحسن البصرى ...او الحسن البصرى

    ردحذف
  6. عجبتني دي قوي ( و لا تباينهم بالعزلة فيمقتوك ولا تجاهرهم بالمخالفة لهم فيمقتوك)
    بس الواحد بيعمل كده وساعات بيحس انه غريب عن الناس اعمل ايه عشان الاحساس ده ما يديقنيش واحس اني متداخلة مع المجتمع بدون ما دماغي تبوز؟!

    ردحذف