الثلاثاء، 7 ديسمبر 2010

سيمفونية السادية والاستسلام

سيمفونية السادية والاستسلام

مقدمة

سيمفونية السادية والاستسلام ...سلسلة اجتماعية سياسية نفسية ... هيه مش جديدة ... بالعكس دى احداثها بتدور من قديم الازل ... وعلشان كده .. حألبس وش المخرجين الفاشلين ... اللى ما عندهمش حاجة جديدة يقدموها لنا ... فيحكوا فى المحكى ... ويرغوا فى المرغى ... ويسترزقوا على قفا الهبل اللى زينا ... فأنا بقى حأعمل زيهم وأحط رجل على رجل ... وابص فى السقف وانا مش مركز ... واقول : آه ... ايوه ... فعلا ... الحدوتة قديمة ... بس الرؤية جديدة ... ....يالا ياولاد العبيطة.. مخرجين نصابين ولاد لذينا ... قال رؤية جديدة قال .

القصد ... سيمفونية السادية والاستسلام .... ملهاش زمان .. ولامكان محدد... لانها زى ما قولتلكوا .. بتحصل من زمان وحتفضل تحصل ليوم القيامة ... ابطال السيمفونية ...اربعة ... الكبير والاتباع والمقاومين والدهماء ...... على فكرة انا بدأت السلسله دى وأنا مش عارف حتخلص امتى ... بس وعد .. مش حخلصها غير لما أمسك كل بطل فيهم ... واشرح امه ... مش شتيمة والله ... ده اسلوب لغوى معاصر ... يجمع فى تفرد عبقرى... الاستعارة المكنية والكناية وصيغة المبالغة فى نفس ذات نفس الوقت ... تعبير لغوى معاصر يدل على أنى حأدخل فى كل التفاصيل .. تفاصيل كل بطل لوحدة ... وتفاصيل العلاقة بين كل بطل والتانى .. والتفاصيل بين الابطال كلهم وبين بعض ....

قضى الامر الذى فيه تستفيان ....توكلنا على الله ...

... الى اللقاء فى الحلقة الاولى

هناك تعليقان (2):

  1. مع انى مفهمتش كويس

    بس اعتقد ان الحلقات الجايه هتفهمنى اكتر

    معلش بقى عقلى صغير مش بفهم الكلام الكبير ده

    تحياتى

    ردحذف
  2. مدونة ما كفاية بقى
    العفو ياست البنات ... انا اللى موضحتش علشان اعمل شوية تشويق للى جاى..

    ردحذف