الأربعاء، 4 أبريل، 2012

الف ليله وليله اخوان

الف ليله وليله اخوان

كان ياما كان.... من خمستاشر سنة زمان ... كان ابن خالتى اشجان ...عيل اخضر اسمه حمدان ... فى كلية التربية مع انه كان عايز يطلع فنان .... وانضم لجماعة الاخوان ... وبعد اسبوعين اتغير وكأنه ماكان .... اتحول وبقى مسئول تصوير مذكرات الامتحان ... للغنى والغلبان ... ولما اثبت جدارتة وتفانية فى خدمة الجماعة ... رقوه ومسكوه الاذاعة ... وشوية شوية بقى مسئول المظاهرات ومؤلف التترات ... وفى يوم جاله ابن قائد من قواد مكتب الارشاد ... معاه فى الكليه والاسرة وشبه الاتحاد ... قاله بكرة انشاء الله حنتجمع نشتم حرس الجامعة ... ولمعت فى دماغ حمدان لمعه ... قاله الهتاف حيكون حرس الجامعة ياجبان يا عميل الامريكان ... حمدان رتب المسائل ... ولم الحناجر ... وتانى يوم قامت القومة ...واترمى فى السجن مع زمايله على الكومة .... وجبنا الوسايط والقرايب وبوسنا ايد العدويين قبل الحبايب ...اول ماطلع حمدان لم العيله والجيران وراحوا لابن قائد مكتب الارشاد ... نزل الواد ... سأله حمدان : انت ماجيتش الكليه يوم المظاهرة ليه ...؟!

رد الواد وقال : اصل بابا قالى ماتروحش علشان امن الدوله حيقبض على المتظاهريين .

كوكو كوكو .... وهنا ادرك شهرزاد الصباح فسكتت عن الكلام المباح ... وسلم لى على عزيز مصر

ليست هناك تعليقات:

إرسال تعليق