السبت، 28 أبريل 2012

مزاد الدين


مزاد الدين

دينكوا و دين ابوكوا و دين امكوا و دين اسلافكوا .... نزلتوة المزاد... و الا اونا...  الادوى ... الاترى  نشترى الدنيا بالدين نشتريها فمن يبيع ... نشترى الكراسى بالدين نشتريها فمن يبيع ...كدب وخداع وسفاله ..... لوع نسوان وكيد حريم ...ردح شراديح وكهن عاهرات .... بتبيعوا ايه بإيه جاتكوا القرف .
مش دى امريكا الشيطان الاعظم ... مش دى امريكا اللى مش عايزين معونتها ... مش دى امريكا اللى المخلوع كان بيسجد لها ... مش ده الشيخ الشهيد ابن لادن ...مش دى امريكا الوسخة اللى عطت لعيالكوا واخواتكوا وامهاتكو الجنسية .... بتبيعوا ايه  بإيه جاتكوا القرف .
قال والشعب الطيب عايز ينضرب على قفاه زى (حامد ) للمرة المليون وينتخب ابو الافتاح ومصدق بكل هطاله العركة الوهمية بينه وبين الاصدقاء المتأسلمون ....قال ويقولك شفيق ده فلول ... يانهار اسود على العقول المغسولة يابشر .
افخر اننى فلول ... وافخر اننى اكره الاصدقاء المتأسلمون واخواتهم فى الرضاعة ...افخر بأننى سوف ارشح الفريق شفيق ....وكفاية بقى عباطة وهباله ومتاجرة بالدين والشعب الغلبان ... كفاية بقى فيلم الثورة الاهبل اللى مصدقينه ده.
يا اخوانه ... يا خلق هو ... ياعالم ... يابشر ... يابنى ادمين ... فوقوا بقى يوم ماحتخرب مش حتخرب على اللى معاهم جنسية امريكية وخليجية وايرانية والمانية ... حتخرب بس..... على اللى معاه الجنسية المصرية ...
يحيا المجلس العسكرى.... يحيا المشير وعنان ... يحيا الفريق شفيق ... والموت للخونه وتجار الدين.

هناك 6 تعليقات:

  1. انا بجد نفسى الناس تعرف حقيقتهم كفاية كده تغييب للعقول .. وان لو وصلوا للحكم هيعزلوا مصر عن العالم كله ( بس بتمنى مشوفش ولا يجى عليا اليوم ده ابدا ) نفسى يعرفوا ان الدين لله والوطن للجميع وان ربنا معينهمش وصيين علينا وهو اللى هيحاسبنا على اعمالنا مش بشر زيهم زينا و فاكرين انهم ملايكة ولا رسل ولا من اولياء الله الصالحين لا الف لا وعمرنا ما هنركع لغير الله .. وانا كمان فلووووووول و مستعدة اقولها باعلى صوتى وادام اى حد و فى اى مكان لان ده رايي واكيد انا حرة فيه طالما راىى ده مش بيضر حد و بايد المجلس العسكرى والفريق احمد شفيق وده موقفى و مش هغيره مهما حصل ..

    ردحذف
  2. هدى نفسك واضح انك مضغوط جدا
    فعلا عندك حق فى كل كلمه قلتها بس هانعمل ايه الأمر لله
    صدقت اقبال بركه لما كانت بتقول نفسى يحكموا عشان تعرفوهم على حقيقتهم )

    ردحذف
  3. غير معروف :
    الله اكبر لقيت حد معايا مش خايف يقول انا بارشح احمد شفيق ... مش خايف يقول انا فلول ... مصر فوق الجميع

    ردحذف
  4. فافى :
    انا مش مضغوط انا قربت انفجر ... انا ماعدتش فاهم العالم دى عايزة تعمل ايه فى البلد... ورغم انهم بانوا على حقيقتهم ... الناس برضة بتقول بلاها مرسى هات ابو الفتوح ... وعاملين عقل جمعى ومخليين الناس مصدقة ان ابو الفتوح مش اخوان ... طاب ازاااااااى

    ردحذف
  5. طبعا مصر فوق الجميع و هتفضل فوق الجميع غصب عنهم كلهم .. متقلقش فى فى ناس كتير زيى و زيك و مش هيغيروا موقفهم مهما حصل و كمان هينتخبوا الفريق احمد شفيق .. يعنى خلى عندك امل ان اللى جاى هيكون افضل ان شاء الله .. ومتضيقش نفسك محدش هينفعك لو تعبت لا قدر الله ..

    ردحذف
  6. غير معروف :
    اشكر لك تعاطفك ... وبأذن الله اللى جاى احسن ... انا النهاردة سمعت تعليقات من نماذج بشرية مختلفة ... من دكتور الجامعه لغاية اللى بيلمع الجزم ... مع احترامى الكامل للى بيلمع الجزم ... كلهم على نغمة واحدة ... هما خدوا فرصتهم وضيعوها ... بصراعة معنوياتى النهاردة فى السما.

    ردحذف