الخميس، 5 أبريل، 2012

الى واحد من الناس ...ارجو قراءة البوست

واحد من الناس :
لا بقى ... دول بيقولوا ان 95% من الخلافات سببها سوء التفاهم وعيوب الاتصال ... ودة اللى عامل الحروب الدون كيشوتيه اللى على الفيس واللى مسببه الهم اللى احنا فيه .
لم يكن تهديدا والله العظيم .... ولكن اللى كان ممكن يتقال كان حيمس الاخوان ... وانا كنت اعتقد انك اخوان ...فخفت الا تتدايق منى .. بدليل لما قولت لك : (انا لا اعرف ماهى رتبتك فى الاخوان ... ولكن انا متأكد انك لاتعلم كل شىء)
احنا فى زمن عز فيه العقول الرشيدة ... فحكاية انك ماتعلقش عندى دى تزعلنى اكتر ما يزعلنى ان الشاطر يبقى رئيس مصر ( دعابة ... مزحة ... هزار والله العظيم هزار )
وبعدين الحمد لله اهو عمر سليمان اعلن عدم ترشيحة ... رييح واستريح
حته مؤامرة كدة فكر فيها معايا :
عمر سليمان ماكنش حيترشح ولا دياولو.... قوم ايه المجلس العسكرى حب يلعب الدنيئة مع الاخوان .... قوم ايه سرب لهم ان عمر سليمان حيترشح ... قوم الاخوان اتجننوا ( لاحظ انك لست اخوان ولاحظ انفعالاتك لما جات سيرة عمر سليمان ) قوم ايه الاخوان سخنوا ... قوم راحوا عاملين حكاية ترشيح الشاطر دى ... اه ومتنساش فيلم الحاجة ام ابو اسماعيل ... قوم ايه الشعب كله يقوم على الاخوان ويفقد الثقة فيهم .... ولأن الاخوان غرهم انتصارهم خصوصا انهم بشر يعنى مش ملايكة ...فكلوا الطعم بسرعة ... ووقعوا فى الخيه ...وبعدين راح عمر سليمان قال انا مش لاعب ... يبقى مين اللى طلع وحش وكداب وبيرجع فى كلامه .... الاخوان ... لوصحت المؤامرة دى ... يبقى فعلا على راى المفتى السياسة نجاسة وصدقنى ياصاحبى ... احنا بناكل البالوظة ... وحنفضل ناكل البالوظة
اه نسيت ممكن يكون مين مهندس المؤامرة دى لو صحت ... عمر سليمان ... ليه ؟ لان المثل بيقول اللى مربى قرد عارف لعبه .
كبر ... كبر ... ومستنى تعليقك على البوست الجاى ... والله مانا عارف لسه حشتم مين ... بردع واختفى ... والاخوان وكفايه عليهم كدة ... ويارب ام ابو اسماعيل ماتطلعش امريكية ... مش حأرحمة ...

هناك تعليقان (2):

  1. عن المؤامرة السليمانية ففكرت فيها من وقت اعلان عدم ترشيحه وواضح ان دي نهاية الحبل المرخي لشنق انفس

    رايي ان كمية الاخطاء اللي قوعت فيها الاخوان تحملهم جزء من السمئولية , ويبقى الانتظار سيد الموقف

    لو قرات ما قرات عن عمر سليمان ستعرف لماذا انزعجت وبشدة , انه يعني نهاية اي محاولة سلمية للتغيير والخروج من التبعية السياسية للغرب (اللي واضح انها مش حتنتهي قريب ولا حتى لو الاخان حكموا لكنها بداية على كل حال لو حصلت انتخابات نجح فيها اللي الناس تختاره بغض النظر عن هوه مين ) ,

    طالما اي حد بيتهاجمه بتصيبه اللعنه كده :) , متهاجم المجلس العسكري



    شكرا ليك :)

    ردحذف
  2. واحد من الناس :
    اشهد ان لا اله الا الله اخيرا اتفقنا ...انا سعيد جدا
    بينى وبينك كدة نفسى اقول اللى فى نفسى عن المجلس العسكرى ... بس مش دلوقت بعد 30 /6 ويمكن اكون لمحت فى بوست اسمه مصمص وازواجها الخمسة ... بس مش كل اللى فنفسك تقوله ...

    ردحذف