( الحقيقة لها الف وجه )
شكل مصر من برة يدى على حضارة وتقدم ...مؤسسات وكمبيوترات واتصالات ونت وهيومن ريسورس ... بس مش دى الحقيقة ... الواقع بيقول غير كدة.. الواقع بيقول ان مصر عبارة عن شوية بطون وقبائل وشلل وطوائف ... دول صغيرة جنب بعض بس مش وطن كبير يلم ... المشكله ان كله شله بقت تلم نفسها والزبون اللى يخش فيها ... يسيب عقله وفكرة وذاته برة قبل مايدخل ... ويتحول الى مسخ ينفذ ويسمع الكلام ويوافق ... مافيش حوار مافيش اسئلة .. .. اى فكرة جديدة بدعة .. اى تطرير ضلاله ....حاضر وبس ... الشله او القبيلة وزعيمها هما اللى عارفين كل حاجة .. الانتماء ليهم ...الولاء ليهم ... ويدوب الزبون ....والهنا كل الهنا للى يسمع الكلام ومايجادلش وينفذ .. والويل والثبور وعظائم الامور لكل من تسول له نفسه ان يقول رأيه ..... الشله وزعيمها هما الطيبين الحنينين المثالين اللى بيحبوا البلد وعايزين مصلحتها ... لكن اللى برة الشله دول ... الشريرين الوحشين الحراميه النصابين اللى عايزين يخربوا البلد...تعصب واسقاطات وصراعات وتخلف وقصور فى الفكر حيودينا لحروب وهميه دونكيشوطيه.... الكسبان فيها خسران والخسران فيها ندمان ...
كل مصر كدة ... الاخوان كدة ... الحزب الوطنى كدة ... الوفد كدة ... مديرية الرى كدة ... الجيران كدة ... انا لما بهاجم مش بهاجم الاخوان ولا الحزب ولا مديرية الطب البيطرى ... انا بهاجم تصرفات بأشوفها وبأحكم على عقلانيتها ومنهجيتها اى كان بقى مين صاحب التصرفات دى ... وحتى لو غلطت فى الاخوان المسلمين فدة لا يستدعى ان اعفر وجهى فى التراب ندما على الكبيرة التى وقعت فيها والجرم القبيح الذى ارتكبته فى اولياء الله الصالحين ...
خلاصة وجهة النظر ... اننى حر لا انتمى لاى شله اوقبيله او طائفة ... وانما انتمى الى مصر ... اللى مش حيتصلح حالها الا لما الشلل والقبائل المتناحرة اللى فيها .. تحط ايديها فى ايد بعضها وتقرب وجهات النظر لما فية مصلحة البلاد والعباد ... وليس مصلحة الشلل والقبائل ...بدال ماهم مقطعين البلد جزل.. جزل ... خلت الكلاب اللى برة يريلوا عليها ... يارب اكون عرفت اوصل وجهة نظرى ... ووالله انا مسلم وموحد ربنا وعارف رسوله ومبجل اهل بيته وخصوصا سيدنا حمزة سيد الشهداء خصوصا انه شهيد فى سبيل الاسلام فى حرب ضد الكفار ... مش شهيد فى سبيل القبيلة ضد اخواته وولاد عمه ....
السلام عليكم اخى الفاضل
ردحذف1-اخى لو لم اعلم انك مسلم ودينى هو دينك وربى هو ربك
لما أرهقت نفسى من البدايه للرد على ما كتبت بل مدونتك من المدونات التى اتابعها دائما واعتز انى أقرأها
2-اتفق معك ان مصر من بره حاجه ومن جوه حاجه لكن هل تعلم السبب اخى؟
السبب فى البعد عن الشريعه الاسلاميه التى طبقها الرسول والخلفاء الراشدين فى حكم الدوله الاسلاميه
3-هل تقصد انى تركت عقلى ووجهه نظرى وشخصيتى المستقله خارجا ودخلت الجماعه فأنصعت لما تسميه (بالأوامر ولأفكار التى تقرضها على الجماعه) اخى لقد ميزنى الله بالعقل انا ايضا
4-(ويتحول الى مسخ ينفذ ويسمع الكلام ويوافق ... مافيش حوار مافيش اسئلة .. .. اى فكرة جديدة بدعة .. اى تطرير ضلاله ....حاضر وبس ... الشله او القبيلة وزعيمها هما اللى عارفين كل حاجة .. الانتماء ليهم ...الولاء ليهم ... ويدوب الزبون ....والهنا كل الهنا للى يسمع الكلام ومايجادلش وينفذ .. والويل والثبور وعظائم الامور لكل من تسول له نفسه ان يقول رأيه ....)
اخى من مبادىء جماعه الاخوان المسلمين الشورى بل الشورى من اول مبادئهم
وافتخر ان اقول انى قد تربيت داخل الجماعه على قول رأيى دائما ولو فى اتفه الامور فنحن ولله الحمد لا نحجر على آراء أحد متخذين قدوتنا فى ذلك الرسول عليه افضل الصلاه والتسليم أخى اى فكره ما لم تخالف الشريعه الاسلاميه ليست ببدعه وأى تطوير ما لم يخالف ما أمرنا الله به ليس بجريمه
وأسألك ان تشاهد ندوه الدكتور محمد سليم العوا على التى سبق وأن ذيعت على قناه الجزيره مباشر ليتضح لك هذا الامر
5-(وحتى لو غلطت فى الاخوان المسلمين فدة لا يستدعى ان اعفر وجهى فى التراب ندما على الكبيرة التى وقعت فيها والجرم القبيح الذى ارتكبته فى اولياء الله الصالحين ...)
سامحنى وسامحك الله اخى
6-(وانما انتمى الى مصر ... اللى مش حيتصلح حالها الا لما الشلل والقبائل المتناحرة اللى فيها .. تحط ايديها فى ايد بعضها وتقرب وجهات النظر لما فية مصلحة البلاد والعباد ...)
أتعلم اننى ايضا مصريه اخى صدقنى هذا ما يدعو اليه الاخوان المسلمين ولذلك شعارهم فى الانتخابات (معا سنغير)والله أعلم منى ومنك بالنوايا ولكن الافعال توضح نواياهم وقد سبقت وذكرت ما فعله الاخوان فى الدوره السابقه
7-(وخصوصا سيدنا حمزة سيد الشهداء خصوصا انه شهيد فى سبيل الاسلام فى حرب ضد الكفار ... مش شهيد فى سبيل القبيلة ضد اخواته وولاد عمه ....)
ألم يحارب أبو بكره الصديق رحمه الله عليه المسلمين الذين منعوا الزكاه أولم يكونوا مسلمين أخى؟
8-أرأيت لماذا لا ينصلح حال مصر؟ موقفنا انت وانا هو خير إجابه مع التعميم طبعا
9-اخشى ان يتحول هذا النقاش الى جدال وهو ما لا أرضى به لذلك أقول لك رأيك ولى رأيى لكن أخى أرجوك لا تلقبنى بالمسخ فبئس اللقب هو سامحك وسامحنى رب العزه
تحياتى لك اخى الفاضل والسلام عليكم ورحمه الله
د اسلام
ردحذفسؤالي موجه لكل من هو مازال مصر على ان الاخوان اتجاه ديني مش سياسي
هو انا لوحدي الى ليا عنين وشايفه انهم اتفقوا مع الحكومه الانتخابات الى فاتت ولا ايه ؟؟؟
هو انا لوحدي الى شايفه انهم ضعفوا فكريا قبل ان يكون سياسيا ؟؟؟
هو انا لوحدي الى شايفه انهم ما عادش فيهم الى يستحق يقول انه راعي الاسلام ولا ايه
؟؟؟؟
كانوا من كانوا واصبحوا ما اصبحوا .. يظل الاسلام هو من اعزنا وليس نحن من نعزه
ويظل الاسلام بريء من كل طامع فى السلطه
مهما قالوا ومهما عملوا ومهما اثروا في عقول ناس هما حرين فى ارائهم وعقولهم
انما انا ما عنديش استعداد اسلم دماغي لحد
انا اشكرك ىا حبيبتى على كلامك اللى اهانا جماعة الاخوان المسلمين تساويهم مع الاحزاب الاخرى شكرامنى
ردحذف