بالذوق بالعافية حنعيش بفلوس من غير حنعيش حتى وسط الغباء حنعيش
الأربعاء، 24 نوفمبر 2010
الاشارة السبب ياضنايا
الاشارة السبب ياضنايا
كان فيه فيلم قديم اسمة الحرام... بطولة فاتن حمامة ...عن قصة للدكتور يوسف ادريس ... قصة من اروع القصص اللى بتبين يعنى ايه القهر بتاع ابوه ... سبب المشكلة اللى حصلت لفاتن حمامه فى الفيلم ...كان جدر بطاطا نفسها راحت له ... وكان تمنه اغلى تمن ممكن يندفع فى جدر بطاطا ... كان التمن شرفها ... وكان السبب جدر البطاطا ... كانت طول الفيلم بتكرر جملة : جدر البطاطا السبب يا ضنايا ... انا بقى استلفت الجمله دى وخليتها الاشارة السبب يا ضنايا ... لان طول ما انت واقف فى الاشارة بتحاول تسلى نفسك ... فبتقرا اسامى المحلات ...الاعلانات ... بتتفرج على الرايح واللى جاى ...ولاننا فى ايام انتخابات ...فبتتفرج على يفط المرشحين ... وربنا مايوريكوا.... واحد مستقل كاتب : قوم الصبح واغسل وشك ...عمر فلان ما حيغشك ... اعلان تانى بتاع الحزب الوطنى بيقول : علشان خاطر تتطمن على ضناك ... وكاتب شوية بنود كدة هية برنامج الحزب الانتخابى ...منهم بند حلو قوى ...بيقول : تحسين مستوى العيش البلدى ... طاب يا اخى قول حنخليه عيش فينو... يعنى بقالك تلاتين سنة بمؤسساتك ووزراتك ومستشارينك ولجنة سياساتك ..ومش عارفين تحسنوا الرغيف البلدى ... وحطينه فى الخطة الخمسية الجديدة .....يافطة تانيه بس روعة ... مرشحكم اللواء فلان الفلانى ..(لواء امن دوله بالمعاش .... هه لواء امن دوله يعنى موظف حكومة ...) مرشح الحزب الوطنى .... عمال وفلاحين ... يبقى اكيد محمد ابو سويلم مرشح نفسه فئات ....استغبيت نفسى وقولت ايه العبط دة... ما سيادة اللواء حاطط صورة وهوه لابس جلابية وطاقيه ... يبقى صح الراجل دة عمال وفلاحين ... دايما انا كدة ظالم ومفترى ...اخر واحدة بقى قبل الاشارة ماتفتح ... صورة احد الوزراء بس مرشح نفسة فئات ... وزير فى حكومة الحزب مرشح نفسة فى انتخابات مجلس الشعب اللى وظيفته محاسبة الحكومة ... وطبعا طلعت برضة ظالم ومفترى ... هوه مش بيقولك حاسبوا انفسكم قبل ان تحاسبوا ... الوزير حيعمل كده ... ايه المشكله ... الاشارة فتحت .. ومشيت .... العيب مش فى اليفط العيب فى الاشارة اللى بتجيب الضغط والسكر والهلاوس ...
نصيحتى ليك خلى في العربية كتاب اى كتاب تسلي نفسك فيه لحد الاشارة ما تفتح احسن من ظلم الناس الطيوبين العسولين وانا كمان هاعمل النصيحة دى دايما علشان ابعد تركيزى عن الناس دي علشان انا كمان بظلمهم بردو
فى الرد اللى فات ... انا كنت باتكلم على كل الطوائف والشلل وليس الاخوان وحدهم ... وبالتالى لم اقصدك بكلمه مسخ ... وانا قصدت كل من بيدخل الحزب والنادى والشله وكل اللى بيبص على مصر من بلكونته بس مش من البلكونات اللى جنبه كمان ... عموما عفوك عما قصدت ومالم اقصد وتحيا مصر عزيزة بالاسلام
مساء الفل يا دكتور
ردحذفدايما كدا ظالم الناس يا دكتور ؟؟
نصيحتى ليك خلى في العربية كتاب
اى كتاب تسلي نفسك فيه لحد الاشارة ما تفتح
احسن من ظلم الناس الطيوبين العسولين
وانا كمان هاعمل النصيحة دى دايما علشان ابعد تركيزى عن الناس دي علشان انا كمان بظلمهم بردو
المشكله ان عندى عاده تفرس اصلا وهى انى أقرأ اى حاجه مكتوبه فى الشارع سواء كان اعلان او يفطه اى حاجه
ردحذفلما الواحد فعلا هيجيله الضغط من اللى بيقرأه
هههههههههههه عرفت بقا ان الاشاره ليها فايده بتخلينا نقرا الاعلانات وبعدين الضغط والسكر يعلى وبعدين الشعب يموت والحكومه ترتاح وتبقى الحكومه ضربت عصفورين باشاره واحده ههههههه
ردحذفتحياتى يادكتور
ريم :
ردحذفمرحبا سيدتى ... تعليقان وراء بعضهما .. هذااكثر مما اتمنى
مدونةما كفيه بقى :
ردحذفانا مش مصدق ... انا قولت انك حتكسر ورا مدونتى قله
فى الرد اللى فات ... انا كنت باتكلم على كل الطوائف والشلل وليس الاخوان وحدهم ... وبالتالى لم اقصدك بكلمه مسخ ... وانا قصدت كل من بيدخل الحزب والنادى والشله وكل اللى بيبص على مصر من بلكونته بس مش من البلكونات اللى جنبه كمان ... عموما عفوك عما قصدت ومالم اقصد وتحيا مصر عزيزة بالاسلام
قول يارب
ردحذفتصدقى صح .. ماجاتش على بالى دى ... شوف انا ابيع العربية احسن ... علشان افضل قاعد على قلب الحزب وحكومته
ااااااااااه شوف الظلم والافترا يا اخي
ردحذفلا انا باشوف صور يا دوك بجد تجيب تخلف عقلي حرام عليهم والله الى بيعملوه فينا ده
طب وبعدييييييييييييييينن
ملحوظه هامه فى فيلم الحرام كان جوزها الى نفسه فى جدر البطاطا
مش عارفه هامه ليه بس هى هامه يعنى
السلام عليكم اخى الفاضل:
ردحذفأعتذر عن إساءه فهمك
اخى لم أكن لأترك الشيطان يزرع بيننا بغض أو عداوه لمجرد اختلاف رأى
لتعلم أخى اننى أكن أكبر إحترام لك ولقلمك
أدعو الله ان يجعلك سببا فى نشر شريعته السمحه
ملحوظه صغيره بقى: انا بنت
مدونة ما كفاية بقى
ردحذفوست البنات كمان
هههههههههههههه
ردحذفماشى يا دكتور
العيب مش فى اليفط
العيب فى الاشارات
انا حاسس بيك فى ايام الانتخابات دى صدقنى :))
ربنا يكون فى عونك