الجمعة، 26 نوفمبر، 2010

سيناريو حلم

سيناريو حلم

مشهد رقم 1

نهارخارجى

الشعب يتجة الى صناديق الانتخابات للادلاء بصوته واختيار اعضاء مجلس الامه ... الاحداث تمر فى هدوء ... الشرطة لا تتدخل ... والامن المركزى لابس اخضر فى اخضر وكل عسكرى ماسك وردة ...

مشهد رقم 2

ليل داخلى

يتم فرز الصناديق تحت سمع وبصر الجميع ... الجمعيات الاهلية ... جمعيات حقوق الانسان ..المراسلين الاجانب ... الفضائيات ... وكارفور ...

مشهد رقم 3

نهارداخلى

اعلان النتائج ونجاح الحزب الديموقراطى بستين فى المية ... ودخول الرفقاء وحزب العهد وحزب بكرة و المستقلين المجلس ... وكله مرضى ومبسوط ....وبيمنى نفسه بقرارات علاج الاورام

مشهد رقم 4

نهار داخلى وخارجى وليل داخلى وخارجى

الاصليين اهمه ... شفافية وديموقراطية وهمه ... الاصل هيه السيادة ... من غير مراقبين اجانب ...

ولاول مرة من غير تزوير زى ما وعدنا ... جزر القمر تشيد بنزاهةانتخابات ممكلة الاصل ... الصحافة الفرنسية تتمنى لفرنسا انتخابات نزية كانتخابات مملكة الاصل ... فلفل شطة ... وبن مطحون يا امريكانى يا ملعون ....

مشهد رقم 5

نهار داخلى

اجتماعات مجلس الامه ... وقوانين غير ذات اهميه ... وسيد قراره واخته حمرة الخجل هانم

وطلبات احاطة مؤجلة .. والعودة الى جدول الاعمال ... والدخول للمجلس بعد قلع الجزم برة ...

مشهد 6

نهار داخلى

شوية لخبطة وهيصه وظمبليطة ... مفتعله اوغير مفتعله ....تؤدى الى المطالبه بحل مجلس الامه ... والدعوه الى الانتخابات من جديد ... الحق حق ... ومانسكوتش على عبحق لوكان غلطان ...

مشهد 7

نهار داخلى

قرار ملكى بحل مجلس الامه ....ونبدأ من جديد بكل انواع الشفافية القديمة ... والديموقراطية المعروفة.... وياسلام بقى مع ملك جديد ... وعلى النخله بلح زغلول بيقول : مافيش فايدة ... دا كان بس علشان النفوس تهدى ....واتدلعى يا متطلقة ...لولولولوى

لقيت بنتى بتهزنى وبتصحينى وبتقول لى با با ... با با ... قوم بقى انت مش قولت انك حتوصلنى المدرسة النهاردة ... قومت ... وحمدت ربنا انه حلم ... بس حلم صايع قوى وذكى جدا ... الا ممكن يتحقق؟؟؟

هناك تعليقان (2):

  1. مفيش شئ بيفضل على حال لابد واكيد مسيرنا نتغير ونشوف يوم عدل باذن الله
    تفائلوا بالخير تجدوه

    ردحذف
  2. هو الحلم زى ما هو مش هيتحقق

    بس مغزاه بمثابرتنا وجهدنا وصبرنا وعملنا ونيتنا الحسنه وتقربنا لربنا وايجابيتنا اكيد اكيد هيتحقق

    واستبشروا خيرا

    املنا فى الله كبير

    بس كويس ان بنتك صحتك كنت هتروح بعد كده فين فى الحلم

    ردحذف