الثلاثاء، 24 أبريل 2012

اسكتوا... اسكتوا .... مش طلعوا مابيعرفوش


اسكتوا... اسكتوا  .... مش طلعوا مابيعرفوش

هما بصراحة كان شكلهم يخدع ... صحة كدة ونفس وطول وعرض وعضلات ... ولاسجاير ولامعسل ولاتفاحة ...والتزام... ومافيش سهر .. ويصلوا الفجر حاضر ويعملوا بعدة رياضة وجرى  ... وماشاء الله يقعدوا فى العقيقة من دول وهاتك يافارم... إمام يامعلم ... امام جامع بقى .. امام شفعات ... اهو زى ماتحب تحسبها احسبها.....بس يافرحة ماتمت ... خدها الغراب وطار ..... طلعوا فى الاخر ...لوك لوك ..لوك لوك .. وفعل مافيش ....طلعوا مابيعرفوش ...وفى السياسة مابيفهموش ... و الاقتصاد فى غير الزيت والانابيب مانجحوش ...وغير شوية الشعارات مايقولوش ... ويدبدبوا يا الدوار  يامايدخلوش .... وغير اللوع واللف والدوران مايقولوش ... ولو اللمه مش فى صالحهم  مايطلعوش ... ويخافوا على الكرسى لامايقعدوش ...فيجيبوا الاستبن تيوبلس علشان ماينفخوش .... ماهم فى غير الجحور مايعيشوش ... وياصفقات ياميتفقوش ... بس اللى عايزين الدح .... للأح مايقولوش .... دول مش بس طلعوا مابيعرفوش ... دول يابإيدهم اللبوس يا مايلبسوش .... 

ملحوظة هامة جدا :
 الموضوع لا يحتمل اى  ايحاءات تخدش الحياء العام  ...وانا مش مسئول على اللى حيتخدش  

ملحوظة هامة جدا جدا   :
 اتنين بأكرههم عمى ............... الغبى

ملحوظة هامة جدا جدا جدا   :
ابقى قابلنى فى الدستورية العليا يا معلم

هناك 4 تعليقات:

  1. كانوا بيهجموا اللى قبلهم و يقولوا انهم مش عارفين ياخدوا حقهم و مظلومين و من جماعة محظورة لكل سلطة فى البلد مش عايزين يسيبوا ولا كرسى فى اى منصب و مش عايزين يسمعوا اى راى الا رايهم وانهم صح فى كل حاجه نفس النظام اللى فات مفيش حاجه اتغيرت ولا هتتغير طول ما فى ناس كتييييييير اوى سلبية بس ربنا اسمه العدل واكيد ان شاء الله هيجى يوم وبلدنا دى هتبقى احسن بلد فى الدنيا .. بالتوفيق دايما ..

    ردحذف
  2. غير معروف:
    يارب يارب يارب .... بلدنا تبقى احسن بلد .... يارب

    ردحذف
  3. جامدة جدا جدا جدا يامان وان شاء الله عمرو موسى هو رئيس مصر القادم وحنقف كلنا وراه اقصد بجانبه علشان ماتفهمنيش غلط وعلشان خاطرى بلاش كبدة فهمى لان اخر مرة تعبتنى جدا جدا جدا-ومنتظرين منك رايك الحصيف فى الموقف السياسى فى الفترة القادمة والتوقعات المرئية للانتخابات من غير ما تزعل حد-----------------------------------------------محمد حبشى

    ردحذف
  4. حبشى:
    باذن الله احمد شفيق رئيس الجمهورية ... ومن غير ما ازعل حد

    ردحذف