عميل و لا عويل ؟؟؟!!!
المسئول عن ازمه بتحصل فى اكل ولا شرب ولابوتجاز ... يبقى عميل ولا عويل...... ؟
المسئول عن اجيال جاهلة ومتخلفة بتطلع تسعى فى الشوارع وتمسح عربيات وهيه معاها بكالوريوسات .. يبقى عميل ولا عويل..... ؟
المسئول اللى بيضيع تاريخ بلد وثقافته ويساعد على تطور الانحدار الاخلاقى فيه ... يبقى عميل ولا عويل..... ؟
المسئول عن الفساد الادارى والرشوة والمحسوبيه ... يبقى عميل ولا عويل ......؟
عموما ان كان عميل منه لله ... وان كان عويل بقى ......برضه منه لله ... بس انا رأيى انه لا عميل ولا عويل ... ده عليل ... ايوه يعنى مريض ... والمرض اللى عنده الله يعافيكوا ... مرض نفسى عقلى مع شويه تخلف ولعب فى كروموسومات الاكس واى ...... من الامراض اللى مابتتعالجش .ادعوا له ربنا يشفيه ...اويشفيهم ... ماهوا بقى مرض معدى ... استر يارب
دكتور إسلام
ردحذفمعلش ده تعليق مالوش دعوه بالبوست
الحوار ده كان على موقع بص وطل مع أحمد عيد
بداية .. ما حقيقة ما تردّد حول بطولتك لمسلسل "مش عايز أتجوّز" المقرر عرضه في رمضان المقبل؟
هذا الكلام ليس له أساس مِن الصحة؛ فأنا رفضت هذا المسلسل؛ لعدم اقتناعي بفكرته التي تعدّ نسخة كربونية من مسلسل "عايزة أتجوّز" الذي قدّمته الفنانة هند صبري في رمضان الماضي، وأبلغتُ مسئولي شركة "ستار واي" -وهي الجهة المنتجة للمسلسل- برفضي.
إنت اللى كاتب المسلسل ولا ده تشابه أسماء ولا حد سرق فكرتك وكتاباتك؟
اللعب في الإكس والواي ها يخليه عقيم
ردحذفلا عليل
ولا عويل
ها يخليه يا صاحب كلينفلتر سيندروم
يعني عضمه ملخلخ ومش راجل اخر حاجتين تلاتة لكن اللي احنا فيه ده داون سيندروم يا دكتور
ومش في كروموسوم 21 بعيد عنا وعن السامعين
لأ دي موزايكية اصيلة
ابو حميد
ردحذف... ممكن يكون تشابه اسماء ... وممكن يكون سرق الفكرة والكتابه ... بس اللى متأكد منه ان انا مش اللى كاتب المسلسل ... داغير انى ما اعرفش اللى كاتب المسلسل كاتب ايه ... عموما حيبان ... وساعتها حتيجى تشهد معايا فى المحكمه .. ولا حتخلع ؟!!!
او ربنا ياخدهم كلهم ونخلللللللللللللص
ردحذفيااااااااااااااااارب
ردحذفالله يهدي الجميع
ردحذفدكتور إسلام
ردحذفعيب عليك
طبعا حخلع
:)
ابو حميد ..
ردحذفكده طمنتنى ...هيه دى اخلاق المدونين ...
المبدأ الاساسى للتدوين :
للمدون لاخيه ثلاث :
تعليق
بانر
اسمه على قائمة المدونات الالكترونيه
غير كدة يروح يلعب مع الاسد