كدة أريح
لو بصينا فى التاريخ حنلاقى ان الشعب المصرى طول عمرة شعب فى حاله ... مالوش دعوة بحد.... ومابيتدخلش فى شئون اىبلد....سواء كان شقيق او غير شقيق .. ولا عدو اوحبيب ... وعلشان كدة باطالب كل ابناء الجالية المصرية فى مصر ... وخاصة المدونين والمثقفين والمتعلمين ... اطالبهم بالا يتدخلوا فى موضوع انتخابات مجلس الشعب المصرى لأنه شأن داخلى ليس لنا الحق فى ابداء اى اراء فيه ... وبلاش وجع قلب.. وشكرا ...
نصيحة: أحسن حاجة تعملوها ياجماعة علشان مايجلكوش السكر والضغط والاكتئاب والمرارة... انكوا تقروا ميكى وسمير والاميرات ... وتتفرجوا على نيكلوديان وام بى سى3 ... لغاية مايومين الانتخابات دول يعدوا ... وترجع ريمه ( قصدى فتحى سرور ) الى عادتها القديمة ... ( قصدى لرئاسة المجلس ) ...
ملحوظة : تعبير الجالية المصرية فى مصر مش بتاعى وماعرفش هوه بتاع مين ... بس تعبير عجبنى قوى ... ولذلك احتفظ لصاحبه بكامل حقوق الملكية الفكرية .
بجد اقتراحات حضرتك في محلها تماااااااماً
ردحذفعلى الاقل هانستفيد اى حاجة من نيكلوديان
وام بي سي 3
لكن متابعتنا للانتخابات لن تزيدنا الا حسرة
انا اسمى مكتوب في البوست ؟؟
ههههههههههههههه
اصل انا بردو مرات بكون ريما بس من غير عادات قديمة
عاجبني جدا تعبير الجالية المصرية في مصر
ودايماً يا دكتور عندك امانة ادبية ربنا يجازيك كل خير
كل سنة وحضرتك طيب يا فندم
عيد سعيد عليك يارب
معاك حق تماما..
ردحذفوانا من اوائل الجاليه المصريه المقيمه فى مصر
ماليش دعوة بيها قلبا وقالبا..
وسلملى على البتينجان..
تحياتى
ريمه
ردحذفقصدى ريم ... وانت طيبه ومقطعة الخروف
بنت الغربة
ردحذفكل سنة وانت طيبة ... حتى البتنجان مبقاش بتنجان بقى بابا غنوج
اقترحات صحيحه واتفق معك لانها فى محلها
ردحذفجزاك الله كل خير
كل عام وانت بخير
كل عام وانت الى الله اقرب وعلى طاعته ادوم
عيد اضحى مبارك
اعاده الله عليك بالخير واليمن والبركات
ويارب العام القادم تكون عند الحبيب المصطفى
عيد سعيد
تحياتى
جايدا العزيزى
ردحذفانشاالله احنا وانتى وكل المسلمين ... امين يارب العالمين
كفاية سلبية يا جماعة ولازم يكون لك دور في تحديد مستقبل البلد دي ..... والا خلاص محدش يتكلم في السياسة بعد كدة ولا نقول تزوير ولا غيرة .... تحياتي للجالية المصرية
ردحذف