عم عشم حى يرزق
سيدنا عمرو بن العاص رضى الله عنه سألوة مرة عن مصر .....وصفهالهم وقال : نيلها عذب ...وارضها خصب ...ورجالها طرب ....ونساؤها لعب ....والكلمة فيها لمن غلب ....ولأننا فى عصر المعجزات ....لسة الكلام هوة هوة ...بعد الف وربعميت سنة ...لسة الكلام هوة هوة ...لسة النيل هوة هوة ...عذب برغم صرف المصانع ورمى الحمير الميتة فية ....ولسة الارض هية هية ..خصب وبتطلع زرع رغم انها بتتروى بمية المجارى وتترش بالمبيدات المحظورة ...لسة الرجالة هما هما ...قاعدين على القهوة بيشدوا فى الشيشة ...وعاملين دماغ كورة وحشيش وجوزة الطيب على ورقة اللحمة ...مع خلفية موسيقية حزينى من نوعية كتاب حياتى ياعين ...والنساء هن هن ....اينعم مش بيض ولا شعرهم اصفر ولا عنيهم خضرا ...بس يروشوا اهلك ....انوثة على دلع على شبشب يطرقع على دماغ اللى يقل ادبة ...على وقفة رجاله ساعة الزنقة ...خلطة سرية خاصة جدا ..........اية .......فاضل حاجة ...ايوة ياسيدى ..هما هما برضة ...ولسة برضة ماسكين فى نفس السياسة ...سياسة اللى فى قلعك انفضة ....والدليل فى انتخابات النقابات ..ماهو اليومين اللى فاتوا كان فية اسهال انتخابات النقابات...اللى نجح هوة اللى نجح الانتخابات اللى فاتت واللى قبلها واللى قبل قبلها ...اللى نجحوا هما هما اللى نجحوا وهما هما اللى مصدعين دماغ ابونا بتداول السلطة والديموقراطية والحرية والمهلبية والمادة 76...هما هما ...الكلام دا فى انتخابات النقابات ...امال فى الانتخابات اللى بجد ...برضة هما هما .....
وحيفضلوا هما هما ...وحنفضل احنا احنا ...واكلنا العشم ومستنيين الخلاص ...الخلاص اللى مستنينة من زمان ....مستنينة من ايام الرومان ومجاش ...من ايام اليونان ومجاش ...استنينا الخلاص من العرب وبرضة مجاش ...من العثمانيين مجاش ...من المماليك مجاش ...من محمد على مجاش ...من الاخوان مجاش ...من الثورة مجاش ....................وووو.....وبرضة مجاش...ومش جاى وحياة ابويا ماهو جاى ...طول ما عم عشم عايش جوانا ...الخلاص مش جاى ...طول ما ازازة مية النيل العذب اللى طالعة مشبرة من التلاجة ..وطبق العنب اللى من ارضنا الخصب جنبنا مش جاى ...طول ما احنا عاملين دماغ الكروسات والبانجو وبنسمع حزينى وقرص الفياجرا بقى زى الملبس ....الخلاص مش جاى ...طول ما البرا والبانتى ابوفيونكة سهل الفك آخر همنا الخلاص مش جاى ...وحيفضل هما هما راكبين ...وحنفضل احنا احنا مركوبين
ملحوظة : الموضوع من وحى مكان ما فى مصر قعدت فية يومين ...بس لسة عندى امل ان يكون فيه مكان تانى فى مصر فية طاقة نور
كل عام وانت بخير أخي في الله
ردحذفوفرق السما والأرض بين أيام عمرو بن العاص والأيام المنيلة اللي عايشنها.
تقبل مروري
بتابع مدونتك من فتره و حقيقى بحبها عشان فيها فكر بأسلوب ساخر جدا و ان كنت احيانا اشعر ان هذه البلد سوف تذهب بعقلك
ردحذفالكارثه الكبرى ان كلامك صح و ما زالت مصر ينطبق عليها نفس الوصف من ايام عمرو بن العاص
الله يرحمه سعد زغلول قال قولته الشهيره
"مفيش فايده غطينى وصوتى يا صفيه"
تقبل مرورى
السلام عليكم ورحمة الله وبركاته
ردحذفحبك من أى نوع ؟
عنوان الجزء الثانى من سلسة الحب كما ينبغى ان يكون .
تابعونا على مدونتكم مدونة كل الشباب مدونة"إحنا شباب النهارده" .
طيب عم عشم مالوش عيال ؟
ردحذفالمشكله مش فى توافر المايه والاكل والفيونكات سهلة الفك
عشان فى ناس ما عندهاش كل ده ومتنيلين عايشين وواكلين جزمه
المشكله فى الدماغ
المشكله ان النظام الحاكم نجح فى تربية شعب صبور مهاااااااااود خانع ووهن
شعب ما لوش دماغ ولو توافر جزء من الدماغ
يبقى دماغ خرب عايز الحرق
طبعا الا من رحم ربي
بص حواليك يا دوك مين يقدر فينا يقول انا خلاصكم ؟؟
مين فينا ينفع ؟؟
مين فينا نقدر نقول بصوت واحده وعقل واحد وقلب واحد بلاش كلنا اغلبنا
انت انت ولا حدش غيرك ؟؟؟؟؟
ليه بتفتحوني فى الكلاااااااااام
بس لو لقيت طاقة نور يوما ابعتلي العنوان عشان انا مش لاقياه
تحياتي ليك
هو عم عشم عايش فعلا بس بقى بعافيه شوية اليومين دول
ردحذفوالله نفسي يبقى أمل مش عشم
انا تابعت المواضيع المتأخرة عليا :)
المدونة جميله جدا بجد
الاستاذ يغلب تلميذه دايما
انا هنا لاهنئك بالسنه الهجرية الجديدة ان شاء الله تكون سنة كلها خير عليك وعلى كل من تحب وربنا يصلح الاحوال ان شاء الله
ردحذفسنه هجريه مباركه :)
ردحذفمساء الخير
ردحذفجايه اقول لحضرتك كل سنه وانت طيب
لاقيت بوس جااااااامد
الخلاص مابيجيش الي عايزه هو اللي بيروح يجيبه
طول مااحنا مستنينه مش هيجي
لكن لو كلفنا خاطرنا ورحنا جبناه بهمه وعزم وقلب لايخاف الا الله هيجي معانا ويبقي زي الفل ان شاء الله
تحياتي