الجمعة، 14 مايو 2010

حى على الفلاح

حى على الفلاح

بقالى اكتر من اسبوعين فى غيبوبه نفسيه ...دخلت بسببها غرقة العنايه المركزة ...ركبت خراطيم الحياة ...اكل وشرب وبس ... يعنى حى مش عايش ...واعتقدت ان السكته النفسيه دى خلاص مش حافوق منها ..اى نعم كنت بقاوم بس المناعة كانت فى الارض ...الى ان بعثت العناية الالهيه من يساعدنى ... خدت تلت حقن .. قومونى زى الحصان ..

الحقنة الاولى كانت على ايد ندى الياسمين ... قالت لى... بالمحسوس كدة ...عيب لما تقولنا حانعيش يعنى حنعيش وفى الاخر تهرب وتسلم .

الحقنة التانيه جات لى فى رسالة على الايميل ... كان فيها الصور اللى فى البوست اللى فات ... لقيت الصور بتتكلم وتقولى : حى على الجهاد ...قوم واعد ما استطعت من قوة .... وخلى الباقى على ربنا .

الحقنه التالته بقى كانت فى الوريد ...هيه اللى خلتنى حأرجع وانادى واصرخ ...ياللا نعمل اضراب 17 مايو : فى بعض الكتب السوالف ...ان الله تعالى يقول : "اننى انا الله , ملك الملوك , قلوب الملوك بيدى ,فمن اطاعنى , جعلتهم عليه نعمة, ومن عصانى جعلتهم عليه نقمة ,فلا تشتغلوا بسب الملوك , ولكن توبوا الى , أعطفهم عليكم"

ياللا... المرة دى لازم نكون اقوى واشجع واسرع ॥وننشر الدعوة ... دا كل الحكايه فاضل 4 ايام ياللا .... بلاش تضييع وقت .




هناك 10 تعليقات:

  1. انا أخدت البانر الأولاني لأن هو اللي فيه المواضيع كلها
    حلو قوي البانر التاني بس مش فيه غير الموضوع ده ومايوضحش خالص هدف الحملة
    كتر خيرك انك فكرتني
    ربنا يكرمك وشد نفسك كده الله يخليك
    انا حالة قوة عزيمتي بعافية ومش عاوزة حد ينزلها زيادة

    ردحذف
  2. ستيته:
    الفضل فى البانر التانى لربنا طبعا لكن اللى مصمماه ندى الياسمين ربنا يبارك لها ويكتر خيرها

    ردحذف
  3. بعد أذن حضرتك انا كتبت عن الحملة عندى فى المدونة
    جزاك الله خيرا على دعوتك دى وان شاء الله نلاقى آثرها الطيب

    اه بالمناسبة انا عجبتنى الكلمات دى جت فى وقتها الصراحة
    بالذوق بالعافية حنعيش بفلوس من غير حنعيش حتى وسط الغباء حنعيش

    ردحذف
  4. جارة القمر
    شرفتى المدونة ... من غير اى اذن ... اكتبى وانشرى واعملى اللى انت عايزاة ...

    ردحذف
  5. س سؤال نعمل ايه فى اضراب 17 مايو

    انا ماسمعاش عنه

    منتظره تقولى نعمل ايه


    جزاكم الله خيرا

    جيجي والعالم

    ردحذف
  6. غير معروف
    شرفت بمرورك ... لو دوستى على البانر بتاع السنه اللى فاتت ... البانر الازرق ... حتلاقى بوست اسمه طاب عايزنا نعمل اية يا عم الحاج ...دة اللى عملناه السنه اللى فاتت ... واللى حانعمله السنةدى ... وبكرة باذن الله حنزل بوست فيه شويه حاجات حنعمله زيادة السنة دى ... وشكرا على اهتمامك

    ردحذف
  7. معاك يا دكتور قلبا وقالبا
    وبينا يقدرنا على الصح دائما

    ردحذف
  8. أنا معاك يا معلمي
    كلمة السر كتكوت

    وما دام إنت معايا في الجمعية
    فأنا معااك في الإضراب

    ردحذف
  9. أجمل إضراب شفته في حياتي

    ردحذف
  10. صباح الخير يادكتور

    الف الف سلامة من السكتة النفسية

    حضرتك عارف انى معاك طبعا
    والبانر حالا هاحطه عندى في المدونة

    بجد الاضراب دا انا بحس انه لو خد الانتشار الكافي بين الناس هايكون له تأثير كبير ورائع

    ردحذف