الثلاثاء، 25 مايو 2010

ليالى مصريه

ليالى مصرية

جيلى وكمان الجيل اللى بعدة ... اتربى على افكار اسامة انور عكاشة ... زى ما الجيل اللى قبلنا اتربى على افكار نجيب محفوظ واحسان عبد القدوس .... اما الجيل دة بصراحة ومحدش يزعل مش لاقى اللى يربيه ...

اسامة انور عكاشة اليومين دول فى المستشفى ... ربنا يشفيه يارب ... ولشدة حبى للراجل دة فكرت فى حاجة ... نهديهاله وهوه فى سريرة .... حنكتب سلسله اسمها ليالى مصريه ... حاجة كدة شبه ليالى الحلميه ... بس مش واحد بس اللى حيكتبها .... كل المدونين حيشتركوا فيها .... كل واحد يسلم اللى بعدة ...

ازى :

انا حاكتب الحلقة الاولى .... وادعوا احد المدونين لكتابه الحلقة التانيه ... واللى يكتب الحلقة التانية ... يدعوا احد المدونين لكتابة التالته ...

مش مهم الحبكة الدراميه ولا الصور البلاغيه ... المهم نشغل الخيال ...ونضيف شخصيات ونموت شخصيات .... الف حلقة ..... ايوه الف حلقة ....

واللى علية الدور يكتب الحلقة بتاعته ويبعتهالى على الايميل وانا انشرها ... ونشوف حنقدر نوصل لغاية فين ... اللى موافق يعلق عندى ويقول موافق


هناك 14 تعليقًا:

  1. المبدأ لاأختلاف عليه لكن المشكلة هي ملكة الكتابة الابداع الادبي موهبة ربانية يمنحها الله لمن يشاء الامر ليس سهلا أبدا لكن صراحة ليس مستحيل وربما من هنا تنبع حلاوته
    تحياتي

    ردحذف
  2. ما عنديش مانع اطلاقا

    انا اينعم اوقات كنت باتخنق من اسامه انور عكاشه عشان بيكتب حسب الطلب والسوق اوقات انما برضه ما ننكرش انه كاتب جميل جدا جدا وربنا يشفيه

    طبعا لازم تدينا فرصه ننوه عن الموضوع على مدوناتنا عشان الناس كلها تعرف ونشوف مين هايشارك معانا

    يا افكارك يا دوك

    ردحذف
  3. بس الف حلقه

    يا وهوتي يا دوك احنا عملنا فيك حاجه
    ههههههههههههههههه

    انا واحده شقيانه عندي ربع دسته مدونات وزيهم عيال

    الناس بس يتفقوا واحنا نشد معاك على طول

    ردحذف
  4. فكه حلوه بس ليه ما نسميهاش خواطر مصريه

    ردحذف
  5. فكره حلوه بس ليه ما نسميهاش خواطر مصريه

    ردحذف
  6. الفريكيكو
    هيه خواطر حلوه ... بس ليالى علشان ليالى الحلميه مشاركه مننا مع الراجل العيان... الاهم بقى انت بالذات عايزك تشارك وخصوصا الفكرة اللى حابدأ بيها حتعجبك ... جايبه على برتقانى ... حظك معايا زفت ... والله ما بقصد يا اخى هيه بتيجى كدة

    ردحذف
  7. ندى
    مافيش فرصة ...العمر مافيهوش كتير .... انتى موافقه وخواطر موافقه ... والفركيكوا حيشارك غصب عنه ...
    انا حانزل الحلقة الاولى بكرة وانتى اللى حتكتبى الحلقة التانيه ... وماقدمكيش غير فرصة يومين ... والكبيوتر اتظبط مافيش حجةبقى

    ردحذف
  8. خواطر
    اعملى حسابك حتكتبى الحلقة التالته...عطيتك فرصة اهوه ... بس الفرصه يومين بعد الحلقة التانيه

    ردحذف
  9. يا وهوي طب ده انا احتمال مسافره بعد بكره

    طب بص اكتب بسرعه وابعتهالي عشان احاول ا كتبها قبل ما اسافر
    عاااااااا
    ايه ظلم المدون لاخته المدونه :)

    يلا قوم اكتب بسرعه انشاله تبعتهالي ميل ما دام انا هاكمل عليها

    ردحذف
  10. IT'S OOOOOOOOK

    بس أنا مش بكتب عامي أوي يعني لو انتو عاوزين يوميات عامية ... لكن لو عاوزين حاجات فيها تأملات شوية أنا دايسة معاكو

    شوفو كده مدونتي وكتاباتي عاملة ازاي لو مناسبكم أوك ... أعرف بس انتو عاوزين ايه بالظبط بالمثال عشان افهم كده

    WITH UU

    ردحذف
  11. طب وضح لي من فضلك حأكتب فين عندي ولا عندك ولو عندك حتوصلك ازاي بأي طريقة

    ردحذف
  12. عجبانى الفكرة ممكن اشترك معاكو ؟؟

    بس لو سمحتوا خلونى ف الاخر خالص

    علشان انا جهاز الكمبيوتر بتاعى بايظ

    وشغالة ع جهاز عويل جدااااااااااا

    بتاع ابو جهل بعيد عنكم

    فخلونى ف الاخر خاااااااااالص

    يمكن يكون الجهاز بتاعى اتصلح

    بجد فكرتكم حلوة اوى

    ردحذف
  13. انا اول مرة ادخل المدونة بس هتابعها ان شاء الله

    الفكرة ممتازة وممكن اشترك بس مش هقدر حاليا بس ممكن ابعت لك على الأيميل

    بأذن الله

    شكرا

    ردحذف
  14. الـفكرة جميلة..
    بس ألف قصة أعتقد ان الحكاية هتكون كبيره أوى
    مش كبيره اوى وبس ده كبيره اوى اوى اوى اوى
    لو مثلا 100 على الأقل هتبقى معقولة
    عشان الواحد ميملش
    >> مع انى شيفاها كبيره بردو
    اه وعندى اقتراح كده صغنن
    ممكن نعمل مدونة مخصوص للحكايه دى
    لانها لو مشيت على ألف قصة فعلا
    يبقى هتقتحم جزء كبير من مدونتك

    وان شاء الله أشارك معاكوا

    وبالتوفيق..

    ردحذف