الثلاثاء، 15 يونيو، 2010

الاشتغالة من زمان قوى

الاشتغالة من زمان قوى

كان عندى مشكلة كدة والحمد لله ربنا نجانى منها على خير ....طبعا انتوا عارفين البنى ادم ...اذاما مابتلاة ربه فكرمة ونعمة يقول ربى اكرمن ... ويفترى بقى ... بس والله وعد مش حافترى تانى ... المهم عزمتنى على سينما قولت دلع نفسك ياواد ... ودخلت فيلم عسل اسود ... بامانه فيلم بأرشحة لكل اسرة ولكل شاب وفتاة ولكل راجل وست ولكل مصرى من الاخر ... الفيلم احداثة فى رمضان ... بس مش زباله زى كابتن بومة و الوان السما السبعة ... حاجة كدة محترمة ....ربنا يثبتك يا احمد ياحلمى وتقدر تفضل على كدة ....

حا أحكى لكوا مشهد من الفيلم : ولد عندة ست سنين ...سأل احمد حلمى اللى جاى من امريكا وقال له : هية مش امريكا نزلت على القمر وحطت العلم بتاعها علية .... احمد حلمى رد وقاله ايوة ... الولد سأل تانى : طاب العلم كان بيرفرف ليه مع ان فى المدرسة علمونا ان القمر معليهوش هوا !!!!!!!!!!!!!!!!!!... احمد حلمى تنح ... وانا تنحت .... وعلى ما اعتقد ان انتوا كمان تنحتوا ....

انا بقى اللى بأسال :... امتى حنبطل نشتغل نفسنا ونعرف قيمتنا ؟امتى حنبطل نقلد تقليد اعمى ؟ امتى حنبطل انبهار بالبهار اللى بيقدموه لنا؟ امتى حنعرف ان عمر امريكا ما حتخاف على مصلحتنا ؟

امتى بقى يابشر ياللى ماشين ورا منظماتهم ؟ !!!!!!!!!!!!!!!!!!!!!!!!!!!!!!!!!!!!!!!!!!!

يلعن ابو الفلوس اللى تعمل فى الواحد كدة

هناك 7 تعليقات:

  1. تصور انا شوفت الاعلان بتاع الفيلم ده وقلت برضه شكله بجد فكرته حلوه

    قصة الباسبور الامريكاني دي قصه لواحدها هابقى احكيلكم عليها

    وبعدين احنا لنا حق يا دوك نقعد فاتحين بؤنا زي نفق شبرا ونقول اهييييي شوف ازااااااي

    هما بيروجوا صح لنفسهم مافيش حد فى خيبتنا

    واحنا مش هانتعلم ابدااااااا ابداااااا نحترم نفسنا ونفكر ونبطل نبقى بصمجيه ابدا

    شكلها كده ولا ايه

    احمد حلمي يارب يثبته فعلا وما يهلسش هو كمان


    وبعدين ده كلام ؟

    تروح السينما لواحدك

    طب قول تعالوا يا سيادة الريسه ومعاكي الشعب الكاتب بتاع ليالي مصريه

    هيييييييييه دنيا ناس تروح السينما وناس تقعد تصوت قدام منار
    ماشي ياعم

    ومافيش افترا تاني

    اديك شايف انا ليا عنين فى كل منطقه
    هههههههههههههه

    الحمد لله يا فندم على فضله

    ردحذف
  2. دماغ..ودماغ كبيره قوى يامعلم..

    ردحذف
  3. بجد اتفرجت علي الفيلم
    احمد حلمي اثبت مكانته فعلا
    وعاجبني ذكا}ه فأختيار الافلام والسيناريوهات والتمثيل صح
    حتي مقالاته فجريده الدستور اكتر من رائعه وكتير اوي بحسها:)

    ردحذف
  4. أنا نفسى اتفرج على الفيلم فعلا
    وحضرتك شجعتنى والله..
    __________

    بجد فعلا مشكلتنا هى التقليد الأعمى
    مشكلتنا ان احنا بناخد من الشىء أسوأ حاجة ونقلدها ، يعنى لما نيجى نقلد
    نقلد فى الحاجات اللى بتتنافى مع دينا وأخلاقنا ومجتمعنا معتقدين ان هى دى الحرية
    والتقدم .. حسرة علينا
    أنا مش فاهمة ليه مناخدش الاستفاده من علمهم ونسيب تصرفاتهم وطريقة لبسهم الغريبة وأفكارهم المضطربة اللى بيدّعوا انها هى دى الحرية والتقدم والانطلاق وماهى والله الا اسفاف لا يقبله الدين ولا المجتمع..
    عندنا أعظم دين نتعلم منه كل فضائل الأخلاق بس احنا اللى مغميين عنينا وابتعدنا عن منهجنا فلازم كان يحصلنا كده
    قلبت عليا المواجع يا"د/اسلام" ..
    ________________________

    ندى الياسمين

    ههههههههههههههههههه
    انتى ماشيه بتبهدلينى فى كل منطقة
    ليه كده يا ندى..
    وانا اللى مراعية فرق السن
    ( وش بيطلع لسانه )
    يعنى المفروض اقولك يا طنط وحضرتك والكلام ده
    بس أنا فوت بمزاجى لما عرفت انك اكبر منى بسنتين بس :) :)..
    مااااشى يا طنط ندى :D
    ههههههههههههههههههههههههههه

    ردحذف
  5. الحمد لله ان مشكلتك اتحلت الحمد لله انها مرت على خير

    ربنا معاك ديما يا اسلام يارب

    اما عن احمد حلمى انا بعتبره الوحيد اللى بيعمل افلام تتشاف فى مصر دلوقتى ربنا يوفقه ديما

    الناس اللى هارشت الامريكان كترو وخلاص شكلها الحقيقى الناس فاهمه انما اللى بيحصل غصب عننا دا
    شغل سياسات مانقدرش نعمله حاجه

    الانبهار بامريكا خلالالالالالاص من فتره تقلص وهايفضل يقل لغاااااااااايه ماينتهى خالص

    تحياتى يادكتور

    ردحذف
  6. أرجوا المساهمة في دعم الحملة لو تكرمتم

    (حملة الجسد الواحد)

    أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

    صورة الشعار .. في مدونتي أعقل مجنونة في الوجود .. ويكتبون فوقها ..

    (حملة الجـسد الواحـد)

    رابط المدونة

    http://dndanh111.blogspot.com/2010/06/blog-post_14.html

    جعله الله في ميزان حسانتكم .. آمين

    ردحذف
  7. انا مشفتش الفلم لكن من كلامك اكيييييييييد
    ح افكر اشوفه ما دام يهم كل بيت كده
    تحياتى

    ردحذف