الكتالوج (2)
كـّبر...اسمة كدة بفتح الكاف وتشديد الباء ...كبّر وكيل نيابة ...يعنى عربية إزازها فامية ..وسارينة ...وركنة فى وسط الشارع ومحدش يقدر يفتح بقة ...ماهو نمر العربية عليها نسر ...كبّر مابيلبسش غير سينيية ومش طايق اللى حوالية ...ودايما لابس نضارة سودا ...طبعا علشان مايشوفش العبيد اللى ملوا البلد ...كبّر مابيردش على حد ومابيسلمش على حد ..ودايما باصص الناحية التانية وقافل نص عينة ....ويمشى حاطط ايدة فى جيبة ويقول يا ارض اتهدى ما عليكى ادى...جاة ومركز بقى ....مرات كبّر جميلة ...جميلة قوى .. يبقى مش اقل من وكيل نيابة هوة اللى يتجوزها ....وكبّر وكيل نيابة يبقى مراتة لازم تكون جميلة ...مرات كبّر حاسة قوى بجمالها وعارفة ان مافيش فى حلاوتها ...وشايفة كل الستات اللى حواليها زبالة واشكالهم تجيب الاكتئاب ...علشان كدة كارهة كل جيرانها ...بتعاملهم بقرف ..وغسيلها دايما ينقط على اللى تحت ...وعمرها ما قالت معلهش ...على طول بتضرب الخدامة ..وتشتم السفرجى...وتلعن ابو البواب ...جة الصيف وحرة ...وجة الفكنص (اجازة المحاكم ) كبّر ومراتة راحوا يصيفوا فى الساحل الشمالى ..فى منتجع القضاة ...ايوة بعيد عن الزبالة اللى ملو الشواطىء...كبر خد المشوار فى ساعتين ونص ...ماهو بيسوق بسرعة ...ياخايب هوة فية رادار يقدر يوقفة ؟؟!...بعد ماصيف كبّر ومراتة وهما راجعين ...قابلتة تريللا ...كبّر استكبر ياخد يمينة ..التريلا هية اللى توسع ...وطبعا كانت النتيجة حادثة فظيعة ...ضاعت فيها رجل كبّراليمين ...وازاز البربيز كلة دخل فى وش المدام ......كبر ساب النيابة ...والمدام اتنقبت ...طبعا مش تدين ؟؟!! والنعمة اتقلبت نقمة ...والقوة بقت ضعف ...والعز بقى زل ....العجيبة ان الجيران الزبالة والستات اللى وشها يجيب الاكتئاب هما اللى كانوا جنب كبّر ومراتة
كان عليك بإية ياكبّر بيه انت والمدام ...ماكنت تبص فى الكتالوج الاول ..علشان تفوق وتصحى وتعرف ان مالكش فى اللى معاك حاجة ..دا كلة فضل من ربنا
قال تعالى :ولولا فضل الله عليك ورحمته ما ذكى منكم من احد ابدا .صدق الله العظيم ...النور 21
قال تعالى : فكان له ثمر فقال لصاحبة وهو يحاورة انا اكثر منك مالا واعز نفرا .صدق الله العظيم ...الكهف 34
قال تعالى : ولا تمشى فى الارض مرحا انك لن تخرق الارض ولن تبلغ الجبال طولا . صدق الله العظيم ..الاسراء 3
قال تعالى : لكيلا تأسو على ما فاتكم ولا تفرحوا بما اتاكم والله لا يحب كل مختال فخور .صدق الله العظيم ..الحديد 23
ياه اول تعليق
ردحذفمش معقول دى عمرها ماحصلت من اول مادخلت
عالم التدوين تصدق ليها فرحة
وانا كنت باقول بيفرحوا ليه كدا
بس باين كده ان ده من تاثير السلاسل بتاعتنا
المهم بالنسبة لكبر ومدامه فهو مثل لناس كثير
فهذه ايات الله فى ارضه
بس اللى بفهم عن الله وان ليس لنا فى انفسناشىء
طبت بخير يادكتور العرض رائع
زدك الله علما وجعله فى ميزان حسناتك
السلام عليكم
ردحذفما شاء الله البوست جامد
بس فى حاجة مش واضحة عندى:
هى الاستاذة المهندسة مرات كبر غسيلها بينقط زى الناس الزباله اللى ملو البلد؟!!!!
والله فعلا يا دكتور الانسان لا يملك من أمره شىء
وانا كنت احيانا بيصيبنى بعض من نفحات كبر بيه ومراته الهانم لحد ما عرفت معانى اسماء الله الحسنى وان ربنا هو الأول أى مبتدأ النعم وهو وحده الذى يملك بقاءها او انقطاعها
ثم ان ربنا ده مالك الملك وهو المالك بحق واحنا كلنا كده على بعض ما نملكش اى شئ فى اى شئ يبقى ليه نكبر
سلام
تصفيق حااااااااااااااااااد
ردحذفجميل جدا طبعا كعادة حضرتك
مش لاقيه حاجه اقولها اكتر من كده
قال صلى الله عليه وسلم في الحديث الذي أخرجه مسلم في صحيحه فيما يرويه رسول الله عن ربه تبارك وتعالى: (العز إزاري، والكبر ردائي فمن ينازعني عذبته) فهل ترضى أن تكون منازعاً معانداً لله تبارك وتعالى؟!
ردحذفبس نقول له كده وخلاص
سمع فلنفسه
طرش فعليها
تحياتي وربنا يكرمك
كبّر وجميلة اغتروا بنعمة اساسا وجودها فضل من ربنا عليهم.. ولا شكروا ربنا ولا عاملوا خلق الله كويس فربنا اداهم درس صعب وغالي قوي كلفهم كتير.
ردحذفوالحمد لله انهم لقوا حد طيب يقف جنبهم.. واديهم اتعلموا التواضع ولو متاخر شوية.. بس كويس انهم اتعلموا حاجة والسلام.
تحياتي يا د. اسلام
مش هاقدر اقول غير رائع كالعادة
ردحذفانا مش هاتكسف وهاعترف انى كنت بفكر كدا احيانا
ومش كنت بتعامل مع كل الناس او كل الطبقات وبتعامل مع طبقة معينة وبس
لكن الحمد لله نظرتى اتغيرت
يمكن عشان اعرف اتعامل مع حماتى اللى عشان اعرف اتعامل معاها يبقا لازم اعرف اتعامل مع كل الشخصيات وكل الطبقات هههههههههههههههه
اهو حتى حماتى طلع لها فايدة
فعلا لازم ننظر لنعم ربنا علينا نظرة تانية ونشكر ربنا عليها ونجعلها مصدر للخير مش تكون محفز على التعالي والتسلط