السبت، 2 مايو، 2009

مين فينا الظالم(3)

مين فينا الظالم(3)
ام عم مرسى بعد ما الحكومة فصلتالانتاج عن التوزيع للعيش...اترحمت من طابور العيش والراجل بقى يجى لغاية عندها يديها العيش بقت بتاخد 40 رغيف وتدفع لة الاتنين جنية ...ام مرسى كانت بتاكل 4 ارغفة فى اليوم ...وباقى الاربعين كانت تقعد وتحط الحلة قدامها وتقطعهم لقم صغيرة...انا لما شفتها بتعمل كدة كنت فاكر ان عندها حد كبير ولا مريض بتقطع لة العيش علشان تسهل لة الاكل .....سذاجة منى انا معترف ...اتارى كانت بتقطع العيش علشان الفراخ....ام مرسى كان لعا وجهة نظر ...كانت بتقول ... العيش الحاجة الوحيدة اللى بناخدها ببلاش من الحكومة ... ودعمى ياحكومة رغيف العيش علشان الفراخ تاكل وتسمن ...وادفعى ياحكومة ...منين مش مهمم على حساب اية مش مهم ....المهم تدفعى مش احنا مسئولين منك ؟؟!! بلاش يا ام مرسى.... طظ فى الحكومة.... بس هوة مش فية ناس مش لاقية رغيف العيش دة ...ولا الفراخ اهم من البنى ادمين؟؟!!
ياترى انا عندى حق فى اضراب 17 مايو ..؟؟!!

هناك 7 تعليقات:

  1. والله برافو عليك

    الفساد مش بس في الحكومة الفساد في الناس كمان

    لازم تصلح نفسنا ولازم نفكر بدماغ الجماعة مش الفرد


    حتى لو انا محتاج لازم احس ان في محتاجين غيري مش انا لوحدي

    عندك حق جدا في اضراب 15 مايو

    ردحذف
  2. عندنا فى الارياف الناس بتحيب العيش علشان الفراخ وسورى المواشى والله حرام الناس اولى بالعيش من دول ياجماعة احنا لية بنعمل كدة فى نفسنا " ان الله لايغير مابقوم حتى يغيروا ما بنفسهم"
    تقبل مرورى

    ردحذف
  3. ايه ده عشان ما انا كنت مشغوله فى الويك اند

    قوم الاقي بوستين نزلوا من ورايا
    طيب هاقوم اطبخ واجي اشوف الى فااااااااااااتني

    اهو كده الرجاله يبقوا فاضيين فى الويك اند واحنا الى نشتغل

    ردحذف
  4. ايه ده البانر حطيته ؟؟؟؟؟؟؟؟؟؟؟

    اووووووووووووووووووووووك

    ردحذف
  5. شفتها والله بعيني
    وأحوليت
    معقوله ناس بتجيب عيش الطوابير اللي الفقير مش لاقيه علشان تقطعه للفراخ

    توخولوف حضاري وجهل عام وغباء اجتماعي

    تسلم ايدك

    ردحذف
  6. اها طبعا

    ماهو لازم ده يحصل

    ماهو شوف طول ما فى حاجه اسمها نظام اقتصادي مختل هايفضل فى مشاكل من النوع ده

    ارفعوا ايدكم يا عالم من على روسنا

    الناس غلطانه ايوه معاك

    بس بالله عليك لو جبت ام عمك مرسي وقلتلها الكلام ده هاتفهمه ؟

    الله طب وهى مالها
    دى بتحسبها بطريقه اقتصاديه فطريه جدا

    تجيب عيش من المدعوم ولا تروح تجيب شوال علف بالشيء الفلاني

    ولا بلاش تربي فراخ ؟

    ولا العيال تاكل بيض وفراخ منين ان شاء الله ؟؟

    لا بلاش ياكلوا انشاله عنهم كفايه رغيف العيش الاسود المنيل الى بيقرقش

    يتعلموا منين

    ماهو نص الناس دي بيبيبعوا انتاجهم عشان يعيشوا

    ياكلوا ويشربوا ويناموا فى بيتهم ويعلموا عيالهم ويلبسواويتعالجوا

    ولا المطلوب ياكلو رغيف العيش المدعوم ويناموا على كده ؟؟

    هاتقولي ايه الحل

    اقولك ايه رايك لو كل الدقيق الى فى السوق بقى بسعر واحد ؟؟
    كله كله مدعوم ؟؟

    زي ما بندعم الكهربا يا سيدى
    هى مش المفروض
    اه والله مفروض كده
    ان الكهرباء دي مدعومه

    ندعم كمان الدقيق

    هو يعنى الى هايكل من الدقيق الى مش مدعوم صهاينه ؟
    ماهو احنا برضه ؟؟!!

    عندنا ازمه فى القمح
    طب وايه يعنى ما احنا عمنول ماسحين الارض بارض الصعيد عشان ولاد الهوهو المفتريين خادوها عافيه

    قال يعنى احنا حقانيين اوي

    اتقدمت دراسه لوزارة التموين قبل كده عشان نخلي رغيف العيش المدعوم ده انضف من كده

    وقلنا القمح قليل وبنستورده ؟؟
    طيب معلش ما هو في دره وفى شعير ؟؟!!
    ليه مافيش خلط ؟؟

    بابا وجه اقتراح مباشر للوزير واتعمل به فتره وقالوا خلطنا القمح على الدقيق وهيصوا يا ولاد

    بعد شويه قالك لا اصل الدره بنحتاجه يا جماعه للمعاصر وبنصدره و اي بتنجان

    ايوه بنقلي به البتنجان بلاش نقلي ؟؟

    احنا نستووووووووورد المهم اننا نستورد


    صدقنى ام عم مرسي عندها حق تعمل كده
    جاهله الله
    هو كان حد علمها وقالت لا ؟؟؟

    قال ابوك مات من الجوع قال يعنى هو كان لقى اكل ولا كالش ؟؟

    ادعموا الدقيق كله بنص دعمكم للعيش المدعوم يطلع كله اد بعضه وتتحل المشكله

    وادعموا العلف

    وادعموا الحقققققققققققققققق

    ادعموا الحق قبل اي حاجه

    عارف لو روحت المعتقل هاقول انك انت الى قلتلى اقول كده
    ههههههههههههههههههههههههههه

    بينكشني ويسبنى ويمشي

    ردحذف
  7. ماهي ست غلبانه علي قدها
    وهي حلت مشكلتها ومشكلة فراخها بنفسها
    طب هو حد عمل لها توعيه وهي قالت لا
    طب حد حطلها البديل وهي ماعملتش بيه

    صبرني كهرباء ايه دي المدعومه ياصبرني

    ردحذف