الاثنين، 4 مايو، 2009

مين فينا الظالم (5)

مين فينا الظالم (5)
مرات عم مرسى ...ست ناصحة ومدبرة فى موضوع الخزين ....دايما عاملة حساب 10سنين قدام.....تنزل كل شهر تجيب التموين ...وخصوصا بعد الحكومة ماذودت الافراد على البطاقة ...مرات عم مرسى كانت تستخدم اللى تستخدمة ....وتحط الباقى تحت السرير ...يا فى دولاب المطبخ ....مرات عم مرسى فى يوم .... اتنطرت من على السرير وهية نايمة ....صوتت ...الحقنى يا مرسى فية حاجة بتقرصنى .... عم مرسى قام وفتح النور وشال من عليها اللحاف ...لقى سرب نمل ماشى على رجليها ....قعدوا يموتوا فية ....وشال المرتبة وطلعوا الاربع كراتين اللى تحت السرير ...كل كرتونة كان فيها 25 كيلوا سكر ...باين كدة النمل نفسة ماعت من السكر قام طلع على رجل مرات عم مرسى علشان يحدق ...نسيت اقولكوا ان دولاب المطبخ كان فية 35 ازازة زيت ....ونسيت اقولكوا برضة ...ان الزيت زرنخ ...واترمى فى الزبالة .....ودعمى ياحكومة ..وادفعى ...منين مش مهم ....على حساب اية مش مهم برضة ...هوة احنا مش مسئولين منك؟! ....بلاش يا مرات مرسى ....ظط فى الحكومة ...هوة مش فية ناس غلابة نفسها فى كيلوسكر تعمل سد الحنك للعيال ...ولا ازازة زيت تحمر لهم بطاطساية ...
ياترى انا عندى حق فى اضراب 17 مايو..؟؟!!

هناك 5 تعليقات:

  1. ما اعتقدش ابدا ان مرات عم مرسى ممكن تعمل كده صدقنى

    عارف ليه ؟؟

    عشان هى محتاجه تمنهم ولو قالت يا بيع هاتلاقي مليون حد يشتري

    اه يشتري بزياده عن تمن التمونين طبعا واقل هبابه من سعر السوق العادي

    وعارف كمان

    ابن عم مرسي اتجوز وخلف بقاله بيت محتاج هو كمان

    واخت مرات عم مرسي غلبانه وعندها 6 عيال وما لهاش تموين اصل جوزها ما بيشتغلش فى الحكومه

    واخوها وامها واخو مرسي وكل الشعب غلبان يا استاذنا

    شوفت بعينى ما حدش قالي

    الست بتاخد التموين من بتاع التموين وبتقول مش احسن ما ياكلهم عليا ويبيعهم هو غالي

    بتاخدهم بقى وتبيععهم هيا غالي الى مش محتجاه طبعا

    وكل اول شهر تعمل كده وبالفلوس الفرق بتجيب كيلو لحمه للعيال
    ولا مالهمش نفس اهو مره فى الشهر من نفسهم

    قولي انت مين فينا الظااااااااااالم

    الغنم الجعان ولا راعي الغنم الغافل عن غنمه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    بس برضه معاك حق فى الاضراب

    ردحذف
  2. حنعيش
    والله انا مع صبرنى فى جزء من اللى بتقوله
    دا لو هى ناصحة شوية
    لكن ساعات الغباء او الخوف يبقى عو المسيطر
    والخوف من الازمة او منع الحكومة فى يوم للتموبن
    تقوم الفالحة تربى بيهم النمل والصراصير ..
    وشئ لله يا حكووووووووووووومه

    ردحذف
  3. والله مرات عم مرسى دى بتهرج
    اولاً انا عندى سؤال

    هو التموين اجبارى..بمعنى هل هى مضطره تاخده كل شهر
    ولا ممكن تسيبه لو عندها احتياجتها

    المشكله عنا فى الاستهلاك اننا بنشترى الاكل ونخزنه خوفاً من الفقر او القحط او الجفاف ودى موروثات عندنا

    الدنيا بحلها اتغيرت حتى فى الخليج بقوا يشتروا على اد الاستهلاك بس

    محدش بيجيب بالكيله والكيلو والكرتونه غيرنا هنا فى مصر

    لازم نغير عاداتنا الاستهلاكيه
    وحد يفهم مرات عم مرسى

    تحياتى

    ردحذف
  4. استاذنا بعتلك اميل

    رد عليا اول ما تشوفه بلييييييييز

    سريييييعا

    ردحذف
  5. لا ياممكن التموين عندنا استخسارى ...سعيد بمداخلتك

    ردحذف