الكتالوج (3)
جلدة وهبالة اتنين اخوات توأم ... سبحانك يارب عكس بعض خالص ....ماتقولش ان دول اخوات ابدا ... بس هية كدة طول عمرها البطن قلابة ...جلدة كان مبدأة ..اتجوز لية علشان اجيب واحدة تاخد فلوسى واقعد اوكلها واشربها على حسابى....لا ياعم ....وطبعا محدش بيقدر مايتجوزش حتى لو قعد طول عمرة يقول مش حتجوز ...القصد كانت جوازة الشوم على المدام ...التلاجة التوشيبا الجديدة عمل لها قفل ...ويطلع الطماطم والخيار ولوازم الطبيخ كل يوم الصبح ويقل التلاجة بالقفل ...بعد الفرح غير لمبات البيت كلها خلاها سهارى ...الغريبة انة كان بيقفل التليفزيون فى الاعلانات علشان يوفر فى الكهربا...وطبعا سذاجة منى لو اتكلمت على اللبس دا موضوع غير وارد طرحة بالمرة ....عمرة ما ادى صدقة لغلبان كان يقول ماهو لو ربنا بيحبة ما كنش خلاة فقير .....الست اتخنقت ياولداة ...ماهى لما توصل انة ياخد مرتبها ويديها خمسة جنية تصرف منها طول الشهر ...يبقى كفاية كدة ...وطبعا كل اللى حواليها بيقول لها اصبرى ..خليكى اصيلة .. اطبعى بطبع جوزك ..ماهو محدش حاسس ..ولا حد يقدر يحس باللى هية فية ..وفى يوم قالت لة يا تطلقنى يا اموت نفسى واجيب لك مصيبة ...طبعا طلقها ماهو خاف لو موتت نفسها يدفع هوة مصاريف الجنازة ....ومش مضطر انى اقولك ان المدام هية اللى دفعت اتعاب المأذون ...واتنازلت عن المؤخر والنفقة ...وسابت لة لوحين خشب من مُلة السرير ..انا لغاية دلوقتى ما اعرفش هوة خدهم يعمل بيهم اية ؟؟؟
هبالة بقى..... هار اسود فلة ياروحى ....مراتة بقى محسودة على النعمة اللى معيشها فيها ...ابخات تقول اية !!...كل يوم فستان ولا جزمة ولا شنطة جديدة ..... والسيغة بتتدبل كل شهر ...بتزهق من شكلها ياحبة عينى .... وبعدين مصنعية اية اللى بتتكلموا عنها دى .... المهم الواحدة تجدد وتعيش ..ان مااتمتعتش فى شبابها حتتمتع امتى ؟!!!...القطط والكلاب بيموتوا فيها ...بيستنوها كل يوم الساعة واحدة الفجر ميعاد رمى الزبالة من البلكونة ...ولما الكيس ينفجر من الوقعة يعمل صوت مدفع رمضان بالظبط .... كلة يتلم ...سمك ولحمة وفراخ وسلطة ....وليمة يامعلم وخلى الغلابة تاكل ...هبالة عندة من كل حاجة تلاتة ...تلفزيون ...دش...هبالة صاحب صاحبة واللى فى جيبة مهوش لية ...هبالة مبدأة اصرف مافى الجيب واستلف مش عيب ...عمرة ما عمل حساب بكرة ..هبالة تجارتة بارت ..عادى بتحصل مع اجدع الدول ...هبالة فلس والديون ركبتة ...والمدام سابتة ..ماهى مش واخدة على الفقر ..هبالة دلوقتى فى السجن معهوش يدفع النفقة ...
مش لو كان هبالة وجلدة بصوا فى الكتالوج مش كان زمانهم عايشين مبسوطين .
قال تعالى : الذين يبخلون ويأمرون الناس بالبخل ويكتمون ماءاتاهم الله من فضلة واعتدنا للكافرين عذابا مهينا . صدق الله العظيم ...النساء 37
قال تعالى : فلما ءاتاهم من فضلة بخلوا به وتولوا وهم معرضون. صدق الله العظيم ..التوبه76
قال تعالى : والذين اذا انفقوا لم يسرفوا ولم يقتروا وكان بين ذلك قواما . صدق الله العظيم..... الفرقان 67
قال تعالى : ولاتجعل يدك مغلولة الى عنقك ولاتبسطها كل البسط فتقعد ملوما محسورا . صدق الله العظيم ..الاسراء 29
قال تعالى : ان المبذرين كانوا اخوان الشياطين وكان الشيطان لربه كفورا . صدق الله العظيم..الاسراء 27
السلام عليكم
ردحذفقال تعالى : والذين اذا انفقوا لم يسرفوا ولم يقتروا وكان بين ذلك قواما
يا رب ارزقنا الوسطية والتوازن
البخل صفة مزمزمة والاسراف لا يقل عنها فى السوء
تحياتى
لا البخل بينفع ولا الاسراف بينفع.. والغريبة ان البخيل بيبقى سعييييييييد جدا طول مهو بيكنز الفلوس على قلبه.. والمسرف بيبقى سعييييييييييد جدا طول مهو بيجيب لنفسه طول الوقت حاجات.
ردحذفكل واحد حاسس بالأمان فى الى بيعملة.
لكن اللى بيعرف الوسطية فى الانفاق دة هو اللى هيبقى مرتاح فعلا.. ربنا يرزقنا الوسطية والتوازن على رأي بنجاواتى.
تمام كده الله يفتح عليك
ردحذف