الأربعاء، 6 مايو، 2009

مين فينا الظالم (7)

مين فينا الظالم (7)
صباح قصدى الدكتورة صباح بت عم مرسى ....دكتورة يعنى من ملايكة الرحمة ...خلصت الطب ...وجالها التكليف .......كان طبعا لازم بيبقى عندها نبطشيات ....كانت تروح النبطشية وتطلع على سكن الاطباء ...تتفرج على التليفزيون ...وتقرا فى المجلات اللى جايباها معاها ......الممرضة اتصلت بيها وقالتلها فية حالة طوارىء تحت يادكتورة ....صباح شخطت فى الممرضة ...وقالتلها خليها عندك للصبح وادى لها اى حاجة ......هوة اية احنا مش بنى ادميين ......عايزين ننام ........اتصرفى وماتتصليش تانى ...صباح او الدكتورة صباح ملاك الرحمة كان عندها وجهة نظر ...هوة احنا بنخد كام فى النبطشية يعنى ...علشان نفضل سهرانين طول الليل ....دى حكومة بت كلب على قد فلوسهم ....

ياترى انا عندى حق فى اضراب 17 مايو ؟؟؟!!!



كارم.... ابن اخو عم مرسى ...ربنا كرمة ودخلوة فى الشرطة ....ابوة اللى هوة اخو عم مرسى باع 3قراريط ارض طين سودة ....من اللى مافيش منها من بعد مابنوا السد ....علشان يدفع رشوة ...علشان يدخل الشرطة ...طبعا مش الكلية ...الكلية بتبقى عايزة 3 فدادين .....القصد... كارم وابوة كان عندهم وجهة نظر ....فى الشرطة التظبيط على ودنة مانت لوشوفت إربع الجنيهات اللى بتقع من العربيات وهية معدية على المزلقان اد اية ...حتعرف ان مش خسارة ندفع تمن 3 قراريط ...ونخش الشرطة .... داعز ياولة ربنا كتب هولنا ....الشطارة بجى تتلحلح وتظبط اللى فوجك علشان تجف على المزلجان ساعة الضهرية .....مش تخيب ويوجفك باليل ...كارم قال لا ابوة ....ماتخفش يابا دى سبوبة باليل اجمد كمان ....رد ابوة وقال لة .... بص ياولة ...اول جرشين يدخولولك ...نجيبوا حولى ولانعجة ...وندبحوا ...امال..... احنا لازم نشكر ربنا الى نعمتة ...ولااية .....كارم رد : طبعا يابا ...هوة احنا اجل منها .....دا احنا جريب جوى نبقى من كبارات البلد....ياترى انا معايا حق فى اضراب 17 مايو ....؟

هناك 5 تعليقات:

  1. الظاهر ان عائلة عم مرسي دي مضروبة بالنار

    وعاوزه يتولع فيها بجاز من اولهم لآخرهم هههههههههههه

    معاك ياأستاذنا
    طلع المستخبي
    اول خطوة في علاج المرض انه نعترف ان في مرض

    ردحذف
  2. طبعا عندك حق في اضراب 17 مايو

    بس ممكن بليز اعرف يعنى ايه حولي

    النعجة انا عارفها

    بس حولي دا مش عارفاه خالص

    انت اسلوبك حلو بجد جدا

    ردحذف
  3. طب قولي انت انا ما عنديش حق اقول الواحد يهاجر ويشوفله بلد نضيفه اسهل


    بس قاعده برضه مش عارفه ليه

    المهم

    بالنسبه للدكتوره صباح
    فهى والى زيها ان شاء الله هاعملهم محرقه كبيره برضه

    سؤال واحد بس
    ولاد التييييييت دول

    الى مش عاجبه شغل الحكومه بيشتغل فى ام الحكومه ليه

    ما يشتغل فى مكان تاني ده ايه القرف ده



    وبالنسبه لكارم

    فمش هاقولك هو غلبان وجاهل

    لان ما حدش بيتوه عن الحلال والحرام

    لكن ارجع واقول فين حاميها ؟؟

    حاميها حراميها يا فندم

    هى شغلانه فاسده من الاول ورشاوي وكده يعنى

    تحياتي لحضرتك يا فندم

    ردحذف
  4. حنعيش يعنى حنعيش6 مايو، 2009 1:05 م

    حمد الله على السلامة ياريم فينك من زمان ...حولى بالفلاحى يعنى خروف وتطنطق بضم الحاء والواو وكسر الام

    ردحذف
  5. يا عم حنعيش
    نعيش ازاى والبلد نصها مرسى وعيلته
    بس العيب فى مرسى والا فى حكومة مرسى اللى ما عرفتش تزرع الحب والتقدير فى قلوب الناس
    مين اللى علم الناس انهم فى جانب و الحكومة فى جانب تانى ..
    مين اللى اد الناس الاحساس ان الحكومه عدوة مش صديقة ...
    عموما انا مع ابراهيم ان مرسى واللى زيه عايزين ضرب النار مهما كانت اسبابهم

    ردحذف