الثلاثاء، 1 يونيو 2010

ليالى مصرية 5 +تعديل

ليالى مصرية


الليله الخامسة


بقلم ريتشارد قلب القطة


بصت له وقالت ميرسى جدا يا أستاذ شعبان بس أنا أسفه....ماينفعش مع نظره أستحياء ماكره من ميار......يقابلها نظره دهشه شديده من أستاذ شعبان

بس ميار كانت عارفه هى بتعمل ايه شافت فى عنيه أول مادخل عليهم المكتب .....نظره أستكشاف وأول ماشافها أتحولت لنظره أعجاب

فاجمال ميار كان ولا زال مصدر أعجاب الجميع.....نفس النظره شافتها فعنيه وهو بيعرض عليها التوصيله المجانيه بعربيته .....فقررت تلعب معه لعبه شد واريخى....

مشى أستاذ شعبان بوجه يعلن عن زعله من ميار.......وأستمرت ميار فى طريقه للبحث عن مواصلات.....وعلى وجهاهاأبتسامه صفراء تعلن بها بدايه خطوه جديده ليها على سلم الحياه التى تتمنها.....رجعت ميار للبيت وعلى وجهها علامات سعاده ......تقابلها نظره أستغراب من مامتها :

أزيك يابنتى دلوقتى؟

خير كنتى نزله الصبح مش مبسوطه ورجعه الحال غير الحال

ميار : مافيش ياما ما ايه هو المفروض افضل متضايقه؟

مامتها : لاء ابدا يابنتى انا مبسوطه انك سعيده بس حبيت اطمن عليكى

برد سخيف من ميار تنهى الحوار : خلاص خلاص ياماما أانا تعابه عايزه أرتاح.

تدخل ميار سريرها بعد تغير ملابسها وهى مستمره فى التفكير فى اللى حصل .....وتعبيرات وجه أستاذ شعبان وبترتب هاتعمل ايه بكره

صحيت ميار من نومها بدرى عن العاده تجهز وتبقى فى أبهى صوره ليها

دخلت مامتها عليه تصحيها أتفاجات بيها جاهزه على النزول

مامتها : ايه النشاط دا يلا بقى علشان تفطرى

ميار : لالا أنا مستعجله وورايا مشوار قبل الشركه

يلا سلام وتركت مامتها فى حاله حيره وقلق عليها

مردده: ربنا يسترها معاكى يابنتى ربنا يسترها معاكى يابنتى

وصلت ميار المكتب كانت سلمى كالعاده موجوده اما ياسر فاكان غير متواجد على مكتبه

ميار : صباح الخير ياسلمى

سلمى بأسلوب به غيره واضحه : اهلا صباح الخير ايه الشياكه دى كلها أنت منوره ليه كده النهارده؟

ميار باسلوب ساخر : أنت عارفه أنى طول عمرى شيك ومنوره دا مش جديد عليا....وتكمل فين استاذ ياسر هو أجازه النهارده

سلمى : لسه مش عارفه أجازه ولا متأخر ربنا يستر ويطمنى عليه

قصيدى يطمنا كلنا عليه

بعد حوالى مرور نصف الساعه يدخل عم محمد الفراش ....يا أنسه ميار أستاذ شعبان عايز ملف شركه ألاسمنت يكون عنده حالا لان استاذ ياسر اتأخر وهو محتاجه فى قسم المشتريات

ميار مبتسمه حاضر ياعم محمد حالا

سلمى مش دا الملف اللى كنت بتسألى عليه أمبارح

ميار : أيوا هوة

سلمى : ولقتيه.... كويس

ميار : أنا مافيش حاجه تضيع منى ولو ضاعت أعرف أجبها تانىِِ

ميار بخطوات ثابته واثقه تتجه لمكتب أستاذ شعبان

تخبط على الباب .....صوت أستاذ شعبان: أدخل

تدخل ميار وعلى وجهها أبتسمه ناعمه : صباح الخير يا أستاذ شعبان الملف اللى حضرتك طلبه

أستاذ شعبان ببتسامه عريضه : صباح الورد يا أنسه ميار

ايه الورد الجميل اللى لقيته على مكتبى أول ماجيت الصبح دا

ميرسى جدا .

ميار ببتسامه ساحره وبصوت ناعم ياعنى معنى كده أعرف أنك حضرتك مش زعلان منى.

أستاذ شعبان : أولا أنا كنت زعلان بس لما دخلت لقيت الورد الجميل دا وعليه كارت فيه كلمتين ارجوك ماتزعلش نسيت كل حاجه .... ثانيا ايه حضرتك دى أنا صحيح مدير لكن بردو زمايل

ولا ناويه تكسفينى زى أمبارح

ميار: شوفت بقى أنت مش ناسى أزاى

أستاذ شعبان : لالالا خلاص نسيت صدقينى

ميار : يا أستاذ شعبان أرجوك لازم تعرف أنى رفضت أركب معاك رغم ثقتى فيك بس بابا لو عرف هاتكون العواقب شديده

احنا عائله محافظه ماينفعش دا يحصل دا بابا لو شفنى

ياخبر وتسحر شويه فى باباها وهو قاعد على كنبه الصاله

وهى عارفه انه ضعيف لايملك لها شىء مردده داخلها

ياعنى كان لازم أنت تطلع أبويا ....وتفوق على صوت أستاذ شعبان : ميار سرحتى فى ايه؟

ميار فى بابا الحقيقه أصله شديد جدا

أ ستاذ شعبان : خلاص انا ممكن أوصلك وأنزلى بعيد زى ما أنت عايزه

ميار : لالا ياأستاذ شعبان ماقدرش تقول عليا ايه نظرتك ليا هاتكون ايه

أستاذ شعبان فى أستنكار : أنت بقولى ايه يا ميار أنا متاكد من أخلاقك ودا واضح

والا كنت ركبتى معايا على طول أمبارح بس عجبنى جدا أنك عملتى حساب ولدك بس ولدك عقليه قديمه مع احترامى ليه هو مايعرفش أننا كويسين وأننا زملا ومدى اتحرمنا لبعض

تبتسم ميار أبتسامه هاديه وهى من داخلها فى منتهى السعاده

لان أستاذ شعبان بيجد لها المبررات وبحاول يقنعهابصحه موقفهم ...فقد نجحت فى أولى خوطتها الثابته نحو هدفها

يقطع الحديث خبط على الباب

أستاذ شعبان: أدخل

يدخل ياسر فى حاله أرهاق واضحه ويرى ميار واقفه فى يدها ملف شركه الاسمنت فى استغراب وهو يفكر كل دا وماسلمتش الملف لاستاذ شعبان دانا وصلت المكتب من نص ساعه وسالت عليهاسلمى قالتلى انه طلب ميار ترحوله بالملف لانى اتأخرت

يقطع أستاذ شعبان شرود ياسر السريع

خير ياياسر مالك شكلك تعبان

ياسر هاحكيلك بعدين اسف انى اتأخرت عن

الاجتماع شكلكم لسه مابدأتوش

استاذ شعبان ما انت عارف لازم رؤساء الاقسام يكونو موجدين فأخرنا الأجتماع لغايه ماتوصل

ميار بصوت هادىء : طيب بعد أذن حضرتك أستاذن أنا يا فندم ولا محتاجنى دلوقتى

أستاذ شعبان : لالا ياميار روحى أنت خلصى شغلك وشكرا على تعبك معايا بس هانعمل ايه استاذ ياسر هو اللى اتأخر تفتح

ميار باب المكتب تستعد للذهاب متفاجائه بصوت ياسر فى نبره حاده لوسامحتى يا انسه سيبى الملف اللى فى ايدك هنا هانحتاجه فى الاجتماع

يلفت اسلوب ياسر الغير متوقع والغريب عنه نظر استاذ شعبان بينما تضع ميار الملف على المكتب فى توتر وسرعه وتغادر المكتب غير مستوعبه اسلوب ياسر فهو دائما لطيف معها مهذب فى الرودد

استاذ شعبان ينظر لياسر ليبداء معه الحديث خير يا ياسر مالك ياخى شكلك تعبان النهارده ...........

والى اللقاء فى الليلة السادسة بقلم هوبتى..

هناك 30 تعليقًا:

  1. هوة قلب قطة .... بس باينه دماغ تعلب ... الله ينور عليكى .... طريقتك فى الكتابة روعة ... وفلاش باك وشغل سيناريوهات سيما .... ماشاء الله الله اكبر ... الا تقولى حسد ولا حاجة ...يا جماعة التحديات بتزيد

    ردحذف
  2. فعلا بقت تحديات جامدة

    والقصة واخدة مسار جميل

    متابع دائما

    تحياتي

    ردحذف
  3. مجررررررررررررررررمه

    حلوه حلوه حلوه

    جميله يا قطتي بجد اسلوبك جميل جدا

    يا دوك ايه الحكايه هانعمل مسلسل احنا جامد باين

    يلا يا هوبه بسرعه بقى

    ردحذف
  4. يا جماعة يعنى هى قصة واحدة والليالى بتكمل بعضها ولا كل ليلة منفصلة
    رجاء التوضيح

    ردحذف
  5. بداية سأجيب سامي على تساؤله القصة واحدة والليالي تكمل بعضها كل واحد يسلم لمن بعده وهكذا دواليك
    اعجبني تسلسل القصة لحد الان في هذا الجزء عدنا ن جديد لنرى ميار في البيت فالشخصية فعلا المفروض ان نراها في عالميها البيت والعمل
    ملحوظة صغيرة فقط لننتبه لها جميعا نحن اتفقنا ان شعبان هو مدير قسم المشتريات كما حددت ذلك سيكو هانم وليس مديرا عاما بالتالي مدير المشتريات ليست له سلطة لا على رئيس قسم المحاسبة هو ليس مديره ولا على موظفيه بالعكس العلاقة بينهم تكاملية
    تحياتي وودي

    ردحذف
  6. خواطر هو انا معاكي طبعا هى اتعاملت مع شعبان على انه حاجه اكبر من اللازم شويه

    يعنى لكن طبعا هو باعتبار انه مدير مشتريات يعنى مدير اداره وممكن يكون فى معاملات بينه طبعا وبين قسم المحاسبه العلاقه تكامليه وممكن يطلب اوراق وكل حاجه

    وخلي بالك احنا ما حددناش يا خواطر هى بتشتغل فى قسم ايه اصلا
    واصلا الى بيشتغلوا فى قسم المشتريات بيكونوا محاسبين برضه
    الفكره ميار ممكن تستفيد منه ازاي بما انها حركاتها محسوبه وتطلعتها محدده واكيد اطماعها فى شعبان مش جواز ولا حب ولا حاجه تانيه غير الشغل وانها تنط على كتفه

    ردحذف
  7. دكتور اسلام الى انا باقوله ده يعتبر مخالفه للقواعد ومصادره على الافكار ولا عادي ارغي ولا ايه

    نبهوني يعنى اصل انا ساعات باحود شمال

    ردحذف
  8. اسلام
    ندى
    هايثم
    سامى
    خواطر شابه
    بشكركم جدا لكلامكم وعارفه ان الكلام الكبير اللى قاله اسلام وندى دا من رفع المعنويات كتر خيرهم
    اوى ودى اول محاوله اكتبها يمكن فى حياتى فاكانت كتير عليا فعلا
    خواطر الحمد لله ان الاحداث لغايه دلوقتى عجباكى معنى كده انى ماأخلتش بخيط الاحداث لانه بصراحه كل اللى قبلى كتبو فاأبدعو
    انا تعاملت معها على انها محاسبه فى قسم المشتريات
    واللى عرفته ان شعبان مدير قسم المشتريات
    فانا مش عارفه هى كانت فعلا فى بدايه القصه محاسبه
    ولا لاء فا هرجع تانى للبدايه واشوف
    وطبعا بناء على كده بانيت اسلوب معملتها ليه
    لانه مديرها وهى كمان لسه جديده مش مخضرمه وليها وضعها فاممكن المعمامله تككون ابسط شويه من كده
    وفى نفس الوقت علشان تبينله انبهارها به ومدى احترمها
    وان شاء الله هارجع للبدايات ولو فى اى حاجه هاغيرها وهابعتها لاسلام علشان كل حاجه تبقى تمام

    تحياتى للجميع
    ويشرفنى التعامل معاكم فى حاجه زى دى على شرف الراحل اسامه انور عكاشه رحمه الله رحمه واسعه

    ردحذف
  9. قلب قطة عزيزتي انا ملاحظتي هي نابعة من رغبتي ان نخرج في النهاية بعمل متكامل هذا هو الدافع الوحيد عزيزتي
    نحن حددنا من قبل في الليلة الثالثة ان ميار عينت في قسم المحاسبة رئيسها في القسم هو ياسر وزميلتها هي سلمى في الليلة الرابعة سيكو هانم اضافت شخصية جديدة هي مدير قسم المشتريات
    الذي اعرفه بحكم عملي ان العلاقة بين رئيس قسم المحاسبة ورئيس قسم المشتريات ليست علاقة رئيس بمرؤوس العلاقة بينهما تكاملية وكلاهما يتبع للمدير المالي
    ولو رجعت للحلقة الرابعة ولطريقة تعامل ياسر مع شعبان سترين انها لاتوحي ابدا بعلاقة مرؤوس برئيسه
    ارجوا ان يتسع صدرك لملاحظتي واؤكد لك انني استمتعت كما سبق واوضحت بتسلسل القصة وبأننا رأينا ميار من جديد في البيت
    دمت بكل ود عزيزتي

    ردحذف
  10. ايه الجمال دا
    والله خوفتيني انك تركبيها معاه العربيه لان في صديقه حلوة كانت ناويه لو هي الي كتبت الحلقة دي كانت هاتركبها وتسبني انا اشد في شعري بقي ههههههه

    ردحذف
  11. الحلقة عجبتنى جداا

    مية مية يا رتشارد

    ردحذف
  12. خواطر شابة

    كلامك صحيح فعلا بعد رجعوى لليالى السابقه وجدت دا

    ويعلم الله انى سعيده بكلامك لان دى اول تجربه قصه ليا

    فادا تعليم مفيد جدا ليا واى شرف انى اكتب وسطكم كلكم اقلام جميله
    وانا هاغير فى الجزء الحوارى دا وهابعتها تانى للاسلام معلش انى هاتعبه معايا بس اسلام اخ عزيز
    ويهمه زينا انها تطلعه فى احسن صوره
    وليكى منى كل التحيه والتقدير

    هوبتي

    لالالا ماينفعش عربيه ايه ابقى ركبيها انت بقى
    وخلى اللى وراكى تششد شعرها هههههه
    كتر خيرك

    ردحذف
  13. star in the sky

    تحياتى ليكى واشكرك يا قمرايه

    ردحذف
  14. قمت بتعديل الحوار وبعته لاسلام علشان هويتى تبنى على علاقات مظبوطه من الاول
    وشكرا للكل وخصوصا اسلام اللى تاعتبته معايا

    تحياتى

    ردحذف
  15. بجد الحلقه دي جميله .. ميار بدأت تدخل ف متاهه ..

    مش عارفه هتطلع منها على ايه ..؟!

    طريقتك ف وصف المواقف عجبتني اووي ..كاتبه من الآخر يعني :)

    و مستنيه الحلقه الجايه من هوبتي ..

    ردحذف
  16. اللى بتقول انا اول مرة باكتب دى ... عملت تعديل علشان يمشى مع خط خواطر شابه ... ولا احلى ولا اجمل من كدة ...
    انا كنت بافكر نظبطها ازاى .... وكنت حأستاذن خواطر نخلى شعبان مدير عام ... وكانت حتعديهالى ... علشان هية طيبة .... ماكنتش عارف ان معانا كاتب ارارى كدة
    ندى : ارغى براحتك وكله يرغى براحته ... كلنا نفكر بعض .. علشان المواضيع ماتسرحش ... وهوة دة المقصود العمل الجماعى ياجماعة ... طبعا مع الاحتفاظ على افكار كل واحد
    هوبتى بعتت الليلة السادسة .... بس حانزله بكرة... وياعينى على نجمة مش حاتلحق تاخد نفاسها

    ردحذف
  17. ياااااااااااااااااربى

    ده انا سهرررررررررانة مخصوص وكنت هقوم انام


    لا الله يخليك نزلها

    حتى افكر وانا نايمة
    اهه استفيد بالوقت

    هههههههههههههههههه

    ردحذف
  18. طيب سؤال

    هو كده ياسر يبقى رئيس قسم الحسابات اللى شغالة فيه ميار ؟؟؟

    وشعبان المدير العام للشركة؟؟؟


    ولا ايه بالضبط ؟؟؟؟؟

    ردحذف
  19. الـسلام عليكم..

    الفكرة جميلة بجد
    وتطور الأحداث فيها لذيذ
    ان شاء الله معاكم
    بس حددولى ليلة عشان أجهز نفسى
    لو مكنش فيها رخامه:)

    ردحذف
  20. ستار
    شعبان زى ماهوة رئيس قسم المشتريات... مش مدير ميار .... ومش مدير عام .... هنا العقدة ... امال عايزة منه ايه؟

    ردحذف
  21. رينشارد قلب القطة
    بداية شكرا عزيزتي على سعة صدرك تانيا ماشاء الله عليك كنت افكر كيف ستفعلين عندما قلتي سأعدل الحوار لكن صراحة ارفع لك القبعة التغيير جاء بشكل سلس
    star in the sky
    عزيزتي ياسر رئيس قسم المحاسبة الذي تعمل به ميار وشعبان رئيس قسم المشتريات

    ردحذف
  22. منار
    اهلا وسهلا بيكى .... الليله اللى حتكتبيها ... هيه الليلة الثالثة عشر ... يلا ورينا الهمه

    ردحذف
  23. هوبتى
    انشر الليله ولا حتعدلى حاجة بعد ما ريتشارد عدلت

    ردحذف
  24. بــَـنــُــوتــه عـــآديــه

    ميرسى ليكى بجد انت اللى من الاخر هههههههه


    حنعيش يعنى حنعيش

    ربنا يخليك والله دا انا تعبتك معايا بس هاعمر ايه انت الريس ههههههههههه متشكره ليك جدا كتر خيرك


    خواطر شابة

    كتر خيرك يا خواطر والله انا جايه اتعلم منكم انتو اقلام مبدعه ماشاء الله ودا عمل مشترك فالازم نساعد بعض اننا نوصل به لاحسن الاشكال بجد هو جميل وخساره يبوظ
    والحمد لله ان التعديل عجبك دا شرف ليا

    تحياتى للجميع وجزيل الشكر

    ردحذف
  25. تصدقوا انا فرحانه بكم اووووووي

    فى زمن الى ما حدش له دعوه بالتاني فى احسن الاحوال

    اه عشان فى احوال تانيه بيفكروا بس يهدوا بعض

    منورين يا رفاقي الاعزاء

    ردحذف
  26. بقي كده يا ريتشارد تزنوقيني بالشكل دا ما كنش العشم

    ردحذف
  27. بجد متابعه الحلقات في شوق شديد
    اسلوبكم في الكتابه رائع بجد
    ياريت الحلقات تنزل ورا بعضها دفعه واحده
    بجد تسلم اديكم :))

    ردحذف
  28. ريتشاردي

    والله قرأتها من اول لحظة يا حبي
    بس سامحيني انا اتمتعت بيها جدا
    بس نفسي مصدودة ومسدودة جدا جدا جدا

    معلش ي ريتشاردي
    وعلى رأي د. اسلام مش كل قط يتقال له يا مشمش
    بس انا في دور اكتئاب بيحصل بعد كل جريمة اسرائيلية
    يومين كده وابقى مؤكد طبيعية
    او مش مؤكد
    لما نشوف

    ردحذف
  29. ندى الياسمين

    انا كمان فرحانه بينا اوى حاسه ممكن نعمل حاجه حلوه اوى لاننا مجموعين على فكر ه حلوه وزى ماقولت لخواطر دى فرصتى اتعلم منكم وفيكم الحقيقه هههههههه


    هوبتي

    ههههههههه ليه بس ربنا مايجيب زنقه انا قولت نعالى الاحداث ونخلق صراع جديد وشويه لؤم بين ياشر وشعبولا انا متاكده انك هاتعملى حلقه من احلى الحلقات لانى قريت اسلوبك وعارفه قد ايه هو غنى وجميل بس ركزى وربنا يكرمك


    لماضة

    تحياتى ليكى يا سكرايه


    ستيتة حسب الله الحمش

    ست الستات مش لازم تعلقى علشان اعرف انك قريتها
    انا متاكده من دا وعارفه اد ايه انت حزينه ومخنوقه
    انا كمان بالرغم من انى بمارس حياتى بشكل طبيعى بس انا مش طبعيه ومش كويسه بس مش عايزه استسلم للاحباط بس بردو مش كويسه حزينه زى مابقولو من اللى احنا فيه
    ربنا يفكها عليكى وعلينا يارب وعلى امه الاسلام والامه العربيه مسلمنها ومسحينها يارب

    ردحذف
  30. أنا جيييت .. وأسفة للتأخير الشديييد :)

    جميلة جدا الحلقة ..
    وبجد أسلوبك حلو ياريتشارد ..
    أول مرة إيه بقا ... والله جميل ما شاء الله

    والفلاش باك عامل شغل برضه ;)

    نورتي الكافيه بتاعي ياقطتي ...

    ونورتي الحلقات ....
    ومستنية بقية نوورك D:
    D:

    ردحذف