الخميس، 17 يونيو 2010

الطريق الى فتكات ( ايلات سابقا)

الطريق الى فتكات

( ايلات سابقا)

ساعات كتير بتبقى نيتنا كويسة واحنا بنختار اسم لعيالنا لما بيتولدوا ....ماهو احنا مابنبقاش عارفين ايه اللى مستخبى لنا .... يعنى مثلا واحد يسمى ابنه ذكى ... ويطلع فى الاخر حصاوى ... وواحد يسمى ابنه أمين ... ولما يكبر يبقى حرامى .... ولا يسمى شريف ... ولما الواد يكبر ... يلاقى عنده مشكله ... سببها الهرمونات....

ساعات برضة فية اسامى تحتار فى معناها... يعنى ايه مثلا بهنسى ... ولا سرياقوسى ... ولا الاسامى اللى ليها اكتر من معنى .... زى مدكور مثلا ... ياترى اصلها دكر ... يعنى من الذكورة والنقطة وقعت بفعل الزمن ... ولا اصلها من الذكر ... يعنى الناس بتجيب سيرته ... بالخير طبعا... عموما انا مابحبش الاسامى اللى على وزن مفعول دى ... بتدايقنى مش عارف لية ....

انا ايه اللى خلانى اتكلم فى موضوع الاسامى دة ... انا كنت عايز اتكلم عن حاجة تانية خالص ... كنت حاحكى لكم عن حاجة مش حتصدقوها ... وحتقولوا عليا ان خيالى واسع .... انا عارف انى مهما حلفتلكوا مش حتصدقونى ... بس حاحكى لكوا ... شفت راجل ... راجل راجل يعنى ... بس بيقلد الستات ... اه والله .... لابس محزق علشان يبين نعم ربنا عليه ... ولما بيتكلم.... بيتكلم بالعين والحاجب ... ويتدلع وهوه بيحرك ايدية ... اه والمصحف كدة .... دا غير انه بيعرف فى انواع مساحيق الغسيل ... ويقولك على المسحوق اللى يخلى الغسيل يشف ويرف ... مش مصدقين.. انا عارف ؟!! ......طاب وربنا المعبود بيعرف فى الصابون السايل ... ايوه ويعرفة من اول نقطة كمان .... طاب حأقولكوا على حاجة فعلا مش حتصدقوها ... بيطبخ ... وبيزوق التورته ..هه .... حقولكوا حاجة كمان ... بس ده سمع.... انا ماشوفتش ... اه علشان محدش يقول انى انا اللى بأسيح اه ........ بيصطاد فى الميه العكرة ...هه...... ايوة ... مابيصدق يعرف ان واحد صاحبة مراته سافرت الا وجرى يروح له ... انا بكرر اهوه انا سمعت ماشوفتش .... بيروح يطبخ له ويروق له الشقة ويغسل الهدوم .... لما صحابه مبقوش طايقيين مراتتهم ... ووقعوا فى بعض بسببه ...

بصراحة ... لو انا صاحب وكالة اعلان ... مش حاسيبة ... اخليه يعمل اعلانات منتجات العناية الشخصية ... اه والله ... دى الشركة اللى حيعمل اعلانتها .... مبيعتها حتطير فى السما .... ...... ..... ومن غير اجنحه.

يلعن ابو الفلوس اللى تعمل فى الواحد كدة

هناك 11 تعليقًا:

  1. هههههههههههههههه

    ردحذف
  2. لا حول و لا قوة إلا بالله

    ردحذف
  3. سيدى العزيز
    اولا انا مغرم بطرقتك في سرد القصص والحكايات
    بالنسبة لموضوع الراجل الست ولا الست الراجل دة
    انا مستغرب انت حضرتك ازاى انك متأكد انة راجل راجل وانت بتحلف ...
    ازاى انت متأكدة ؟.. المهم ممكن يكون ست وعمل عملية تحول ؟ يمكن
    وأخيرا كما قالت الاخت الفاضلة لله في خلقة شؤن

    اهم شيئ اننا نقول كما قال الرسول الكريم علية الصلاة والسلام عندما نرى اهل البلاء نقول الحمد لله الذى عافانا مما ابتلة بة كثيرا من الناس وفضلنا علي كثير ممن خلق تفضيلا .. او كما قال.

    صح ولا اية
    تحيتي لحضرتك كثيرا
    م/ علي يونس

    ali-younes.blogspot.com

    ali-younes2.blogspot.com

    ردحذف
  4. م/على
    تحية من القلب وشكر على اطراءك الجميل ... وعلى فكرة المدونتبن بتوعك روعة ... وحاتابعهم من النهاردة

    ردحذف
  5. الاستاذ الفاضل العزيز
    انا مش مصدق نفسى انك مررت علي مدونتى ورءيك هذا سوف يشجعني اكثر حيث انني معجب جدا بأسلوبك الشيق.
    علي فكرة انا متابع جيد لمدونتك وكذلك للموضوع البارع الذى ابتكرته وهو تداول وتبادل الكتابة في موضوع ليلى مصرية ولقد قرأة جميع الحلقات ومبهور بها جدا وبجميع الحلقات التي طرحت حتي الان وكنت اتمني ان تضعني في قائمة المنتظرين حتي امتحن نفسي اذا كانت لدى القدرة علي الابداع مثلكم .
    ونحن في انتظتر ابداعاتك
    تحياتي لك
    م/ علي يونس


    ali-younes.blogspot.com

    ali-younes2.blogspot.com

    ردحذف
  6. هو فى ناس بيكون طبعها كده بجد يا دكتور فعلا

    هو فى رجاله اه تحب شغل البيت لسبب او لاخر

    انما حكاية انه بيتكلم زي الستات دي يبقى اكيد هو عنده مشكله

    يا اما مشكله نفسيه محضه

    يا اما اكثر من ذلك

    فى حاله فى الطب ويجوز حضرتك ادرى منى بها وهى فشل تذكير المخ للجنين

    وده ممكن يطلع رجل مكتمل الرجوله لكن من جواه عنده شعور بيقطعه بيقوله انت ست او ياريتك كنت ست
    وطبعا مواجهة الشعور ده صعب جدا خصوصا فى مجتمعنا ما بيعترفش بالمشكله دي

    ومش بيفهمها الله اعلم به

    تحياتي يا دوك

    ردحذف
  7. م/على
    حنكون سعدا جدا بالمشاركة معانا فى الليالى ... بس انا خلاص بقيت سابق ... عليك بقى وعلى الريس الجديد ... ندى الياسمين .... هية اللى بتحجز وترتب ...وانا على فكرة متأكد ان الحلقة اللى حتكتبها حتكون روعة...

    ردحذف
  8. السلام عليكم و رحمة الله و بركاته
    ا / حنعيش
    أولا قصة الكلور حلوة أوى ...احييك عليها ..
    ثانيا بهنسى نسبة إلى بلد اسمها بهنس و سرياقوسى يعنى من بلد اسمها سرياقوس ... مدكور مش عارف بس ممكن يكون تفسيرك صح ... و من اسماء مفعول محمود
    بالنسبة لل(راجل) مقدرش أقول غير ربنا يهدينا و يهديه و الحمد لله الذى عافانا مما ابتلاه به و فضلنا على كثير من عباده
    بارك الله فيك
    تحياتى

    ردحذف
  9. الاستاذ الفاضل


    بالنسبة لموضوع سلمى الفراشة الحائرة ..الذى كان مطروح.

    لقد تم طرح القصة كاملة من جميع الزواية .

    لذا يشرفني دعوت حضرتك ودعوت جميع الاخوة والاخوات للتفضل بالمرور علي المدونة والتعليق بجدية وحيادية ومن لة اى تجربة حقيقية يتفضل بالاستدلال بها لتعم الفائدة.
    يشرفني حضوركم

    أستذنا محتاجين رئك في هذا الطرح بشدة فواجب علي المحترمين مثل حضرتك المساهمة
    ali-younes.blogspot.com
    م/ علي يونس

    ردحذف
  10. ايه دا انا ماشوفتش البوست دا نزل امته

    دا لا مؤخزه تتتتتتتتتتتتتت ولا هو بيشتغل فى البيوت

    لو بيشتغل مش عيب اهى لقمه عيش فى زمن اسود

    بس انت بتقول بيلبس محزق علشان يبين نعم ربنا عليه

    ياعنى تتتتتتتتتتتتت هههههههههههه
    واصحابه بقى مبسوطين به يبقى هما بتوع تتتتتتتتتتتتت

    الله يحرقهم ملو البلد

    ردحذف