مين فينا الظالم(2)
عم مرسى كل شهر يروح التأمين يجيب علاج السكر ....يصرفوا لة علبتين انسولين مع انة ما بيستخدمش غير واحدة بس ...كان ياخد العلبتين يستخدم واحدة ويحط التانية فى باب التلاجة ....وبرضة يروح التأمين كل شهر ياخد العلبتين ...بيقول حقى مالحكومة بتلهف منى تلاتة جنية كل شهر تأمين صحى ....عم مرسى عندة فى باب التلاجة اتنين وعشرين علبة انسولين .....عم مرسى راح الشهر اللى فات ملقاش انسولين ...كان ناقص ...عم مرسى اتعارك وشتم الدكاترة والممرضات والصيدلى .....ورح وهوة بيسب ويلعن فى الحكومة ....اللى ماتعرفهوش ان عم مرسى لما روح ....جة يطلع علبة انسولين من اللى فى التلاجة علشان ياخد منها ...اكتشف ان فية احداشر علبة تاريخ الصلاحية بتاعهم انتهى .....وطبعا رماهم فى الزبالة .....مش مهم مالحكومة تشترى ....مش احنا مسئولين منها ...اشترى ياحكومة ....مش مهم منين ولا مهم على حساب اية ....بلاش ياعم مرسى ....طظ فى الحكومة بس مش حرام اللى اترمى دة ...مش اكيد فية حد تانى ممكن يموت لو ملقاش الانسولين دة .....احنا بنعادى مين ....؟؟؟!!!....احنا بنحارب مين ...؟؟!!
ياترى انا عندى حق فى اضراب 17 مايو؟؟؟!!!!
اول تعليق
ردحذفعم مرسى ده فيه منه كتير
مصيبتهم الجهل اولا والاستغلال ثانيا
ونادى وقول للصبح .. ولا من مجيب
خلاص يا عم نوافق على الاضراب
تحياتى
وفيه عم ظألط وده بياخد علبه ويبيع التانية
ردحذفاما عم شلاطه فده عنده سرطان من نوع أكيوت لوكيميا أم 3 وعلاجه يعدي ويأزح والحكومة ها تسيبه يموت لأن تأمينه مش ها يغطي الكيماوي ونقل نخاع عظم
لو كان عم شلاطه بيتعالج بما يرضي الله
كان عم مرسي وعم ظألط بقى عندهم شيء اسمه انتماء
بس مفروض بس يخافوا من ربنا وطظ في الحكومة تحت اي بند
تحياتي
الناس بتستغل بعض يا دكتور .ز مش عايزهم يستغلو الحكومة ؟
ردحذفمحدش بيقول ان الحكومة صح بس بردو مش الحل اننا نكون كدا
على الاقل نتقي الله حتى يجعل لنا مخرجا
مش يمكن دا غضب من ربنا ولو اتصلح حالنا ربنا يرضى عننا
طاب اية رائيك ياستيتة ان لو مرسى اتقى ربنا كان حيكون فية فلوس نعالج بيها عم شلاطة...مش تمشى كدة برضة
ردحذفحميل قوى يا ريم مش معنى ان الحكومة حرامية نبقى احنا كان حرامية ...دا لو اعتبرنا الحكومة حرامية...يعنى نتقى ربنا وملناش دعوة بحد يقوم ربنا يكرمنا
ردحذفشوفى يا انا ...قدرنا ان احنا ننادى ونقول للصبح واكيد حد حيسمع ...على الاقل غيرنا بلسنا
ردحذفنعم ؟؟
ردحذفلا حقيقي نعم
طيب انا مع الاضارب ومن هنا للصبح اقول لا تفسد وابدأ بنفسك ومن تعول
انما
احب الاول على ذكر الانسولين
اقولك ان عندنا هنا بيدوا فى ا لتامين الانسولين ازازتين
ازازه بايظه وازازه سليمه
اه والله
بايظه ازاي ؟؟
مافيهاش ماده فعاله
وكل الى مشي عليها راح المستشفى بعد كام يوم
معادا بنت صغيره هى الى مشيت عليه كويس
ده الكلام ده من بؤ دكتور فى مركز لمتابعة مرضى السكر
مش من عندي والله
دلوقتي الى له حد يعرفه فى التامين بيجيبله انسولين من المستورد الى هو انسولين بصحيح وباقي الشعب بياخد الهوا فى ازايز
الى بيتصرفله ازازتين وهو بياخد واحده ده اساسا بيتصرفله اثنين ليه ؟
عشان لما ادي 2 جنيه للموظفه بتاعة التامين الصحي عشان تمشيه بقى احسن هاتجيله غيبوبه من كتر اللطعه
قالتله يا حاج اعمل حسابك المره الجايه ابقى كل حاجه مسكره قبل ما تيجى عشان ترفعلك السكر عشان يكتبولك ازازتين بدل ازازه
لييييييه ؟؟
لانه لما بيكون المريض محتاج ازازه ونص فى الشهر بيدوله ازازه واحده بس
والله احنا وحشين بس مش اوي كده
احنا غلابه
احنا شعب غلبااااااااان مش لاقي قوت يومه
واديها كمان جهل يعنى قلة عقل
تبقى بقت منظومة الجهل كملت
انا لما باروح بالصدفه مشوار عند مستشفيات الجامعه
من الى باشوفهم هناك قدام باب المستشفى بس
باوقن تماما ان الى ماسكين ام البلد دي عايزين يتعدموا فى ميدان عام
صدقنى المشكله مش ان مافيش موارد والله ما هو كده ابدااااااااااااااااااااااا
يا فندم مستشفيات الجامعه دي لو انت قريت مزانيتهم تتخض
تقوووول دي زمانها جنه من جوه
احنا عندنا فلوووووووس والله عندنا فلوس بس انا هاشرحلكم بعدين الفلوس دي بتروح فين وازاي
انت بتنكشني ليه ؟