الأحد، 24 مايو 2009

الكتالوج (4)

الكتالوج (4)

عصام جودت منتقى ....راجل عصامى او عظامى مش دى المشكلة ...المشكلة فى انة واخد الاربعة وعشرين قيراط كلهم ...المال والاولاد والصحة والجاة والسلطان ...كله يامعلم ....المشكلة ان محدش بيستحمل الاربعة وعشرين قيراط ...تقال يا عالم محدش يقدر يشيلهم ...ماهو لو كانوا ناقصين قيراط ولا قيراطين كانت بقت سهلة ...بس تقول اية.... صحيح قتل الانسان ما اكفرة ...عصام ما استكفاش غرة المال والسلطان والجاة والصحة ...غرة التلفزيون والقاءات والدشات ...غرتة صورتة اللى على اليفط فى الشوارع ..افتكر انة ملك الدنيا بفلوسة ...ونسى ان دة كلة ممكن يكون اختبار من ربنا لا دا اكيد اختبار من ربنا .... بس نسى ...ماهو انسان مش اكتر من لسان... وبقى يجرى ...عايز كل حاجة وكل حد ....اللى يشاور علية ياخدة ....بفلوسى الله ....بجاهى وسلطانى انت مابتفهمش ...وبدأ طريق المشهورات ...او النص مشهورات ...ولما حس انة انضحك علية... وانة أكل البالوظة ...ولبس العمة ...اتجنن...أنا ...أنا ....أنا ...أنا ينضحك عليا ...وشيطانة انتصر علية وقالة اخلص من اللى ضحك عليك...اقتلها ..ماتخافش انت مسنود ...حتعدى زى ماغيرها عدى ...وماتخفش ماتعملهاش بايدك ...أجرلك خط من الصعيد ...يخلصك منها ...ولا من شاف ولا من درى ....وراح الصعيد قابل الخط ...حسنين ابو صرة...واتفق معاة وقتلو البنية ...ماتت نوران فهيم ...وسابت ابوها واجوازها الاتنين يتعاركوا على الميراث .....بس ابو صرة قال لأ مش حاموت لوحدى ...لو حاموت يبقى عصام قبلى منى ...واتحكم على عصام جودت منتقى و حسنين ابو صرة بالاعدام ... ممكن يطلعوا براءة فى النقض علشان بطلان الاجراءات ..او علشان انهم ابرياء فعلا ... برضة مش مهم ...مش مهم انهم ينعدموا ...مش مهم انهم يطلعوا براءة ...المهم ناخد عبرة ونبص فى الكتالوج حنلاقى فية الطريقة

قال تعالى فى سورة ال عمران :

زين للناس حب الشهوات من النساء والبنين والقناطير المقنطرة من الذهب والفضة والخيل المسومة والانعام والحرث ذلك متاع الحياة الدنيا والله عندة حسن المآب . صدق اللة العظيم ... 14

قالى تعالى فى سورة الحديد:

اعلموا انما الحياة الدنيا لعب ولهو وزينة وتفاخر بينكم وتكاثر فى الاموال والاولاد كمثل غيث أعجب الكفار نباتة ثم يهيج فتراه مصفرا ثم يكون حطاما وفى الاخرة عذاب شديد ومغفرة من الله ورضوان وما الحياة الدنيا الا متاع الغرور . صدق الله العظيم 20

قالى تعالى فى سورة عبس :

قتل الانسان ما اكفرة .صدق اللله العظيم ..17


هناك 10 تعليقات:

  1. الله يفتح عليك ويكرمك

    نسيت تقول انه عشان يكمل التمثليه ما نسيش يعمل مشروعات من الى بتعمل زيطه ويخلص ضميره من الشعب

    ويعمل جامع ويخلص ضميره من ربنا ما تقولش بقى انه مقصر


    امبارح وانا باتفرج على دريم وهو بيتكلم عن اخو سوزان تميم

    قلت ااااااه طيب بقى ماهو لازم ده يحصل يا جودعان ما هى ماشيه مع بعضها اهو

    اد بعضها ماهو متعود ؟؟!!


    تحياتي لحضرتك وربنا يكرمك

    ردحذف
  2. اى حد ممكن يضعف تحت سطوة الفلوس أو الجاه والسلطان.. وزي منت بتقول الرزق اللى ربنا بيديهولنا بيبقى اختبار من ربنا لقوة ايماننا

    ردحذف
  3. فيه منه الف واحد عصام ده مع اختلاف الجرائم والاشكال والمبررات والاشخاص

    الشبكه كلها فاسده وبيتداروا فى بعض

    ردحذف
  4. السلام عليكم و رحمة الله و بركاته

    ما شاء الله
    ربنا يبارك لك يا دكتور والله

    هو تقريبا أنا كنت متوقعة حاجة زى كدا
    لما قلت هتعمل سلسلة باسم الكتالوج


    و قرأت البوستات اللى فاتتنى
    بجد ما شاء الله

    ربنا يزيدك كمان و كمان

    بس لى رجاء مش عارفة من حقى و لا لا
    بس ياريت تخلى فى فاصل اعلانى بين كل بوست و التانى

    فاصل وقت بس
    مش هننزل باعلانات
    هنضحك على الجمهور يعنى :)


    دمت بود

    ردحذف
  5. سول ...اولا من حقك ومن حق اى مدون يشرفنى انة يطلب اى حاجة ويقول االلى نفسة فية ...وحاسمع مش حبقى زى الحكومة
    ثانيا مفهمتش قصدك هل تقصدى اسيب وقت بين البوست والتانى ...ولا قصدك اكتب حاجة خارج موضوع الكتالوج

    ردحذف
  6. فاتنى تعليقين ولكن متابعة
    وكم توقعت ان يكون الكتالوج بهذه الروعة
    ربنا يبارك لك يادكتور
    وفعلا اى نعم فى حياتنا فهى لللاختبار
    نشكر ام نكفر
    باذن الله لك الاجر والثواب فى كل ماتكتب

    ردحذف
  7. تمام يا استاذنا
    فعلا
    المال مفسدة
    اذا وقع في ايدي فاسدة
    واذا كلل بالسلطان
    اكتملت طبخة الفساد والافساد
    بس انا مبسوط جدا من الحكم اللي صدر
    علشان يكون عبرة لغيره اللي فاكرين نفسهم فراعنة هذا الزمان

    معلش انا متابع الحلقات بس مش بعلق كتير نظرا لانشغالي الشديد

    ردحذف
  8. السلام عليكم

    اعلموا انما الحياة الدنيا لعب ولهو وزينة وتفاخر بينكم وتكاثر فى الاموال والاولاد كمثل غيث أعجب الكفار نباتة ثم يهيج فتراه مصفرا ثم يكون حطاما وفى الاخرة عذاب شديد ومغفرة من الله ورضوان وما الحياة الدنيا الا متاع الغرور

    الاية تعبر عن اى كلام
    ربنا يجعل الدنيا فى ايدينا وليست فى قلوبنا
    ويحفظنا من شرور انفسنا


    تحياتى

    ردحذف
  9. ازيك يا دكتور اسلام

    ماشاء الله عليك كل سلسلة بتكون اقوى واجمل

    والسلسلة دا زدتها قوة وحلاوة باستشهادك بالايات

    الكريمة والربط الجميل بينها وبين الموضوع اللى بتتكلم عنه

    اللى زى عصام دا كتير منهم اللى باين ومعروف ومنهم اللى مش معروف ومش باين

    ربنا يجعلنا ممن لا يغرهم مال ولا بنون

    وبعدين يا دكتور هو انا اقدر بردو مش اقرا واعلق هنا

    دى خلاص مش مدونتك لوحدك دا بيتنا احنا كمان ومن غير المدونة دى مش نقدر نعيش

    انا بس الشهر دا فيه ذكرى وفاة اختى الله يرحمها وانا فيه نفسيا بكون تعبانة شوية

    وكمان النت عندى كان وحش الايام اللى فاتت ودا سبب تأخرى

    ميرسي جدا لسؤالك عليا يا دكتور

    ردحذف
  10. ريم البقاء للة وتعيشى وتفتكرى ...وبعدين زى ماقولتى دا بيتك ...تشرف ياباشا وتنور اى وقت

    ردحذف