الثلاثاء، 12 مايو 2009

وحشتونى بجد

وحشتونى بجد

جالى دور انفلوانزا معتبر ....سخونية ...كحة ....واللستة الكبيرة اللى قالت عليها وزارة الصحة وهية بتحذر من انفلوانزا الخنازير ....بس الحمد لله ماطلعتش لا خنازير ولا فراخ ...طلعت جيوب انفية ...وعدت الحمد لله ...الى كان مزعلنى مش الجيوب ...اللى زعلنى انى بعدت عنكوا ...وحشتونى بجد ....ولما لقيت تعليقات كتير على موضوع الاضراب وكلها تقريبا مع الاضراب كنت فرحان قوى والسخونية نزلت ....اصلى كنت مراهن على الفطرة والحمد لله كسبت الرهان .....والله احنا كويسين ...بس ملخبطين ...يارب بس نكمل ومننساش يوم 17 مايو وتبقى ايامنا كلها 17 مايو ....شكرا لكل من شاركنى ..وشكر خاص لمديرة تسويق الاضراب اللى من تواضعها مش عايزة اكتر من ديليفرى رغم التعب اللى تعبتة فى عمل البانر ....شوفتوا هية صابرة اد اية ...ربنا يصبرها كمان وكمان ...شكرا ليكوا كلكوا ونتقابل قريب ......وحشتونى بجد

هناك 8 تعليقات:

  1. الف سلامة عليك
    ربنا يكمل شفائك على خير
    الحمد لله جيوب انفية جيوب انفية
    مش مشكلة ارحم بكتير طبعا
    ربنا يبعدة عنك وعن كل مسلم

    انا مع الاضراب بس مجتش قبل كدا
    انا عرفت من عند ستوتة وصبرنى
    واكيد الفكرة هايلة وانا منضمة ليكم
    وكمان بحاول اقول للناس اللى حواليا اللى مش بيدخلوا على النت ويارب نقدر نعمل حاجة

    شكرا ليك
    تقبل مرورى

    ردحذف
  2. الف الف سلامه عليك يادكتور اسلام

    ردحذف
  3. الف سلامة عليك يا دكترة.. وربنا يشفيك ان شاء الله
    وان شاء الله الاضراب دة يعمل فرق ولو فى نفوس الناس

    ردحذف
  4. السلام عليكم و رحمة الله و بركاته

    حمدلله على السلامة يا دوك
    و شفاك الله و عفاك يارب

    و بإذن الله يكون يوم رائع
    و تصبح فعلا كل ايامنا كدا



    دمت بود

    ردحذف
  5. الف الف الف مليون سلامة عليك يا دكتور

    وماتشوف شر ابدا يارب على رأي اخواننا في الخليج

    انت وحشتنا جدا

    كنت اعتقد انك مشغول بس

    لو كنت اعرف ان الموضوع في تعب وجيوب انفية كنت جيت زرتك وجبت معايا البرتقال والجوافة والكانتلوب وكله كله

    ربنا يتم شفاك على خير

    اخبار الامتحانات عندكو ايه يادكتور

    ردحذف
  6. الف سلامه عليك يا دكتور

    ايه ده مش تقول كنت جبتلك برتقال صيفى وجيت

    ايوه هوالى في السوق بافطر منه كل يوم

    ايوه للاسف الشديد بافطر برتقال مزز ورخم كده ومالوش لازمه

    الف الف سلامه عليك انشاله القطه السوده الى ما تقفش معانا فى الاضراب

    ومتشكره اوي على الدليفري ههههههههههههههههههههههه

    ردحذف
  7. الف سلامة عليك يا دكتور
    صحصح كده ...........
    جنودك فى انتظارك..........
    والا ابه!!!!!!!!!!

    ردحذف
  8. الف حمدا لله على السلامة
    وشفاك الله وعافاك
    وطهور ان شاء الله

    أنا حاسس ان في حد ضربك " عين " علشان لقاك نشيط قوي وحريص على بلدنا وعلينا وكل يوم تقريبا في بوست ربنا يحميك ويكثر من امثالك

    ردحذف